MAHTE 5:6 - Jinghpaw Common Language Bible 2009

⁶ “Karai Kasang a myit ra ai hte maren hkan sa galaw na matu ra sharawng dik ai myit ngu ai ding hpring ai hpe kawsi hpang gara ai ni gaw a lu ma ai; hpa majaw nga yang, Karai Kasang gaw shanhte hpe myit dik hkru kat hkra jaw na maru ai!

Jinghpaw Hanson Version Bible

⁶ Dinghpring ai hpe kawsi hpang kara nga ai ni gaw, a lu ma ai; kaning rai nme law, shanhte hkru kat wa lu na mara ai.

MAHTE 5:6 ပူးပေါင်းရင်းမြစ်များ

SHAKAWN KUNGDAWN 107:9

Shi gaw hpang gara hkrum ai ni hpe jahkru ya nna, kawsi hkrum ai ni hpe kaja ai lusha hte shakat ya nga ai.

SHAKAWN KUNGDAWN 145:19

Shi hpe hkrit hkungga ai ni a ra kadawn ai lam ni hpe shi jaw ya nna; shanhte a hpyi jahtau ai nsen ni hpe na ai hte shanhte hpe hkye hkrang la mu ai.

SHAKAWN KUNGDAWN 17:15

Rai ti mung, ngai chyawm gaw shut hpyit ai amu hpa mung n galaw kau nga nngai majaw ngai nang hpe mu lu na ring ngai hte, ngai yup hprang wa ai shaloi, na a hpung shingkang gaw kabu gara ai hte ngai hpe jahpring ya na ra ai.

SHAKAWN KUNGDAWN 63:5

Nye a wenyi gaw, dwi sau ai lusha hpe sha lu ai zawn myit dik ai hkrum na ra ai; ngai nang hpe kabu gara ai mahkawn mangoi ga ni hte mahkawn shakawn nga na nngai.

SHAKAWN KUNGDAWN 65:4

Nang lata la hkrum sai ni hte, na a chyoi pra ai Htingnu kata hta nga lu na matu, nang woi sa wa hkrum ai ni gaw a lu nga ai. Anhte gaw na a nta na kaja ai arai ni hte, na a chyoi pra ai Nawku Htingnu na shaman chyeju ni hta myit dik nga na ga ai.

SHAKAWN KUNGDAWN 84:2

Dai shara hta ngai kade wa nga mayu nga a hka! Madu a Nawku Htingnu kata hta shanu nga lu na ngai marit nga nngai. Nye a hkum hkrang, myit masin mahkra hte hte, ahkrung nga ai Karai Kasang hpe ngai kabu gara mahkawn shakawn nga nngai.

GA SHAGAWP 10:24

Ding hpring ai masha ni gaw shanhte ra marit ai lam ni hpe hkam la lu nga ma ai; tara n lang ai ni gaw grau hkrit kahpra htum ai lam hpe lu la na mara ai.

GA SHAGAWP 21:21

Matsan dum ai hte myit malang nga u; shaloi asak galu hkra nang nga lu na rin dai, kaga masha ni mung, nang hpe hkungga jaw nna tara rap ra ai hku nang hpe matut mahkai kanawn na ra ai.

Shawlumon A Mahkawn Ga 5:1

Nye a nja jan, nye a num nnan e, ngai gaw nye a sun de shang ni ai. Ngai gaw manam pyaw ai namji namya ni hte mura ni hpe shinggyin la nngai; lagat ntsin hte gitbaw hpe ngai sha nna, sabyi ntsin hte ngachyu hpe ngai lu nga nngai. Tsaw ra ni e, nanhte gaw tsaw ra myit hte lu nang mat ai aten du hkra lu lu sha sha rai nga mu!

ESAIA 25:6

Chyahtum Chyalai N-gun rawng ai dai Madu gaw ndai Ziun Bum ntsa e mungkan ga na amyu baw ni yawng a matu lusha poi langai hkyen ya na ra ai, dai gaw dwi sau mu mai htum ai lusha hte hkyeng tsawm ai sabyi machyan lusha poi rai nga ai.

ESAIA 41:17

“Nye a amyu masha ni hka ntsin tam la na ra ai aten hta mung, shanhte a yuhkraw ni hpang gara nna hkraw wa ai shaloi mung, dai Madu ngai nan shanhte a akyu hpyi ga hpe htan ya na nngai; Israela a Karai Kasang ngai gaw shanhte hpe galoi mung kau da na nngai n rai.

ESAIA 44:3

“Ngai gaw hpang gara ai lamu ga hpe ntsin jaw na nngai; hkun hkraw ai lamu ga ntsa e hka shi ni hpe shalwi dat na nngai. Ngai gaw nanhte a kashu kasha ni a ntsa de nye a wenyi ru bun na nngai; na a aru arat ni a ntsa de nye a shaman chyeju ru jaw na nngai.

ESAIA 65:13

Dai re ai majaw, ngai hpe nawku ai ni hte nye a ga madat mara ai ni gaw nhpaw n-ya lu lu lu sha na mara ai, rai ti mung nang gaw kawsi kyet ai hte hpang gara ai hkrum na ndai. Shanhte gaw kabu gara lu na mara ai, rai ti mung nang chyawm gaw sari jahpoi hkrum na rai ndai, ngu ngai nang hpe tsun nngai.

ESAIA 66:11

Ma gaw shi kanu a lahpyen hta rawng ai zawn, nang mung shi a ngamu ngamai lam hta kabu lu na rai ndai.

YEREMIA 31:25

Ngai gaw hki ba hkrum ai ni hpe n-gun nnan awai ya nhtawm kawsi hpang gara hkrum nna n-gun kya nga ai masha shagu hte hpe lusha hte jahkru shakat ya na nngai.

LUKA 1:53

Kawsi hkrum ai ni hpe kaja ai hte jahkru shakat nna, sut su ai ni hpe kaman dat dat nu ai.

LUKA 6:21

Ya kawsi nga ai ni, nanhte a lu myit dai: kaning rai nme law nanhte hkru kat lu na myit dai. Ya hkrap nga ai ni, nanhte a lu myit dai: kaning rai nme law nanhte mani lu na marin dai.

LUKA 6:25

Ya hkru kat nga ai ni, nanhte hkrithpa dingnye lu myit dai; hpa majaw nga yang nanhte kawsi ai hkrum na marin dai. Ya mani nga ai ni, nanhte hkrithpa dingnye lu myit dai: kaning rai nme law, nanhte gaw sharung shayawt ai hte hkrap ngu hkrap ngoi ai hkrum na marin dai.

YAWHAN 4:14

Rai ti mung dai ngai jaw na ngu ai ntsin lu ai wa kadai mung galoi mung hpang bai gara na n rai. Ngai shi hpe jaw ai ntsin gaw, dai wa kata hta asak hka hpawk tai na ra ai, dai gaw shi hpe asak jahkrung ya ai ntsin jaw na wu ai rai nna shi hpe htani htana asak lu la shangun wu ai.

YAWHAN 6:27

Hten bya yat mat chye ai lusha a matu hkum shaja myit, de a malai htani htana asak lu la shangun ai n hten n yat lu ai lusha a matu she shaja mu. Dai gaw dai Masha Kasha nanhte hpe jaw na ra ai lusha rai nga ai, hpa majaw nga yang, dai wa gaw Karai Kasang a myit hkrum masat masa galaw ai lam lu la ai wa rai nga ai,” ngu nna htan mu ai.

YAWHAN 7:37

Shaloi dai poi a jahtum shani ngu ai ahkyak dik ai nhtoi kaba hta Yesu gaw tsap da nna, “Hpang gara ai wa kadai mung ngai hpang de sa lu rit.

SHINGRAN 7:16

Shanhte gaw galoi mung kawsi hpang gara n hkrum na masai. Jan a shingna mung, hpa kang kahtet ai mung shanhte hpe hkru kau lu na n rai.