MAHTE 5:48 - Jinghpaw Common Language Bible 2009

⁴⁸ Dai majaw sumsing lamu na nanhte a Kawa gaw kup tsup nga ai hte maren, nanhte mung kup tsup nga mu.

Jinghpaw Hanson Version Bible

⁴⁸ Dai majaw, sumsing lamu na nanhte a Kawa gaw kup nga ai hte maren, nanhte mung kup kup rai nga mu.

MAHTE 5:48 ပူးပေါင်းရင်းမြစ်များ

NINGPAWT NINGHPANG 17:1

Abram a asak jahku shi jahku ning du ai shaloi, dai Madu gaw shi kaw dan pru nna, “Ngai gaw Chyahtum Chyalai N-gun Rawng Ai Karai Kasang rai nga nngai. Nye a ga hpe madat mara nna teng man ai amu hpe tut nawng a galaw nga u.

2 SAMUELA 22:31

Karai Kasang gaw shi a amu gade sha hkum tsup nga ai hte shi tsun ai ga ni gade sha kam hpa mai nga a hka! Shi a makawp maga lam hkan tam ai ni yawng a matu shi gaw ninggang langai zawn rai nga ai.

SHAKAWN KUNGDAWN 37:37

Mai kaja ai masha wa hpe matsing da u, ding hpring ai masha wa hpe maram masam yu u; ngwi pyaw sim sa ai masha wa gaw aru arat law law lu nga ai;

JAW JAU 11:44

Ngai gaw dai Madu nanhte a Karai Kasang rai nga nngai hte chyoi pra nga nngai majaw nanhte mung tinang hkum hpe shachyoi shapra lu na rai myit dai.

JAW JAU 19:2

Israela shawa hpung ting hpe, “Chyoi pra nga mu, hpa majaw nga yang ngai gaw dai Madu nanhte a Karai Kasang rai nna chyoi pra nga nngai.

JAW JAU 20:26

Nanhte chyawm gaw chyoi pra nna ngai madu da ai amyu tai lu na rai myit dai; ngai gaw dai Madu rai nga nngai rai nna chyoi pra nga nngai hte amyu gale ni kaw na jahka da ma sade ai majaw ngai hte sha seng ai ni rai nga myit dai.

MAHTE 5:16

Dai hte maren, masha ni gaw nanhte a kaja ai bungli ni hpe mu lu nna, sumsing lamu e nga ai nanhte a Kawa hpe shagrau sha-a mu ga, shanhte a man e nanhte a nhtoi hpe htoi tu shangun lu na rai myit dai.

MAHTE 5:45

Shing rai yang gaw, sumsing lamu e nga ai nanhte a Kawa a kasha ni nanhte tai na marin dai; hpa majaw nga yang, shi gaw n kaja ai ni hte kaja ai masha ni a ntsa e maren sha shi a jan hpe shi mai ya nga ai rai nna, kaja ai galaw ai ni hte n kaja ai galaw ai ni a ntsa e marang jahtu ya mu ai.

MAHTE 5:47

Nanhte a nhpu nnau ni hpe sha hkrum shaga myit yang gaw, nanhte a sat lawat gaw hpa laklai shagrau shara nga na rai ta? Tara maigan ni mung, dai hte maren galaw ma ai n rai ni?

LUKA 6:36

Nanhte a Kawa Karai Kasang matsan dum chye ai hte maren, nanhte mung matsan chye dum mu.

LUKA 6:40

Sape gaw shi a sara hta grau ai n rai; rai ti mung, sape shagu gaw, shi sharin la ai hpaji hkum hkra sharin la ai hpang, tinang a sara zawn rai na ra ai.

2 KORINHTU 13:11

Nye a hpu nau ni e, ya anhte shakram dat ga ai, nanhte yawng ngwi pyaw nga myit ga law! hkum hkum tsup tsup rai nga lu hkra matut nna shakut shaja nga mu. Nye a hpyi lajin ai ga ni hpe madat mara nna shada da myit hkrum nga let ngwi pyaw sim sa ai hku nga nga mu. Tsaw ra myit rawng ai hte ngwi pyaw shangun ai Karai Kasang gaw nanhte hte rau nga nga na ra ai.

2 KORINHTU 13:9

Dai rai nna, anhte gawng kya nga nna nanhte n-gun ja nga yang, anhte kabu gara ga ai. Shing rai nanhte hkum tsup ai ni rai wa myit ga mung anhte akyu hpyi nga ga ai.

2 KORINHTU 7:1

Tsaw ra ai jinghku ni e, ndai ga sadi ni yawng gaw anhte hpe jaw da ai rai nga ai. Dai re ai majaw anhte gaw hkum hkrang hte wenyi hpe awu asin di kau ai matsat shabat nga manga hta na tinang hkum hpe jasan jaseng kau nhtawm Karai Kasang hpe hkrit hkungga let chyoi pra htum ai hku asak hkrung nga ga.

EHPESU 3:1

Ndai lam a majaw, Hkristu a bawng dung ai wa ngai Pawlu gaw, nanhte maigan masha ni a matu Karai Kasang kaw akyu hpyi ya nngai.

TARA JAHPRANG 18:13

Dai Madu hta tsep kawp sadi dung nga mu.”

TARA JAHPRANG 27:10

dai re ai majaw, dai ni, ngai nanhte hpe jaw ya ai shi a tara ni yawng hpe hkan shatup let, shi a ga hpe madat mara hkan sa nga mu,” ngu nna tsun mu ai.

KOLOSE 1:28

Dai majaw anhte gaw masha shagu hpe Hkristu a lam hkaw dan ga ai. Masha shagu hpe Hkristu hta myit su kunghpan ai Hkristan masha langai hkrai hku nna Karai Kasang a man de shashawn lu u ga, anhte gaw hpaji byeng-ya nga manga hte shanhte hpe sadi jaw, sharin achyin nga ga ai.

KOLOSE 4:12

Nanhte kaw na rai nga ai Hkristu a mayam wa Epahpra gaw nanhte hpe shakram dat ai. Shi gaw nanhte a matu myit rawt sharawng awng ai hte akyu hpyi nga ai. Nanhte gaw Karai Kasang a myit ra ai lam hta tup hkrak madat mara hkan sa nna myit su kunghpan ai hte kam sham ai lam hta atsawm sha myit hkawn ai Hkristan tai nga let, dinggrin lahpran tsap nga lu myit ga, shi gaw Karai Kasang kaw hpyi nem ya nga ai.

YAKU 1:4

Nanhte gaw hpa lam hta mung ra rawng ai lam n nga nna hpring tsup nga myit ga, nanhte a hkam sharang ai myit hpe jahtum du hkra ngang grin nga shangun u.

1 YAWHAN 3:3

Hkristu hta dai myit mada shara lu ai masha shagu gaw, Hkristu nan chyoi pra nga ai hte maren tinang hkum hpe mung shachyoi shapra da nga ai.