MAHTE 5:46 - Jinghpaw Common Language Bible 2009

⁴⁶ Nanhte gaw nanhte hpe tsaw ra ai ni hpe sha tsaw ra htang myit yang gaw, nanhte Karai Kasang kaw na hpa shabrai lu na myit ta?

Jinghpaw Hanson Version Bible

⁴⁶ Nanhte hpe tsawra ai ni hpe sha tsawra myit yang gaw, nanhte hpa shabrai lu la na myit ta? kang hta ai ni mung, dai hte maren galaw ma ai, n rai ni?

MAHTE 5:46 ပူးပေါင်းရင်းမြစ်များ

MAHTE 11:19

Dai Masha Kasha du sa nna, lu let sha let nga ai shaloi, ‘Yu mu ndai wa gaw, sha marim ai wa, sabyi lu shalai ai wa, kang hta ai ni hte yubak kap ai ni a jinghku wa rai nga ai,’ nga nna bai tsun ma ai. Rai ti mung, Karai Kasang a hpaji byeng-ya chyawm gaw teng man nga ai lam hpe, dai hpaji ni a majaw byin wa ai akyu ni e sakse hkam ya nga ma ai,” ngu mu ai.

MAHTE 18:17

Shanhte a ga hpe shi n madat hkraw a yang gaw, dai lam yawng mayawng dai hpung hpe sa shana ya mu. Hpang jahtum dai hpung hpe mung n madat hkraw a yang gaw, tara maigan wa shing n rai, kang hta ai wa hpe zawn na a man e shi rai u ga.

MAHTE 5:47

Nanhte a nhpu nnau ni hpe sha hkrum shaga myit yang gaw, nanhte a sat lawat gaw hpa laklai shagrau shara nga na rai ta? Tara maigan ni mung, dai hte maren galaw ma ai n rai ni?

MAHTE 6:1

Nanhte hpa galaw ai hpe masha ni mada mu lu mu ga, shawa a man e sha nanhte a nawku htung hte seng nna galaw daw ra ai amu ni hpe n galaw myit ga, sadi nga mu; shing n rai yang gaw, sumsing lamu hta nga ai nanhte a Kawa kaw na hpa shabrai mung nanhte n lu na myit dai.

MARKU 2:15

Dai hpang gade nna yang, Yesu gaw shi a sape ni hte rau Lewi a nta e shat sha nga ai. Kang hta ai ni law law hte yawng e jawm kabai kau hkrum ai masha ni mung shi kaw hkan nang nga ma ai rai nna, law law wa Yesu hte rau shat sha ai ku hta dung lawm nga ma ai.

MARKU 2:16

Hparishe ni hte Tara sara nkau mi gaw, Yesu shing rai kang hta ai ni hte kabai kau hkrum ai masha ni a hpawng hta shat rau jawm sha nga ai hpe mu ma ai shaloi, shi a sape ni hpe, “Hpa majaw shi dai zawn re ai masha ni hte rau lu sha nga ai kun?,” nga nna san ma ai.

LUKA 15:1

Lani mi hta, kang hta ai ni hte, kaga kabai kau hkrum ai yubak kap ai masha ni law law wa, Yesu a ga madat na nga nna, shi hpang de sit sa ma ai.

LUKA 18:13

“Rai ti mung kang hta ai wa gaw, tsawmra tsan ai kaw tsap nna, lamu de pyi n wam mada ai, shi a sinda adup let, ‘Karai Kasang e, ndai yubak kap ai wa langai mi rai nga ai ngai hpe matsan dum la rit law!,’ ngu nna hpyi wu ai.

LUKA 19:2

Dai yang e, Zake mying ai kang hta ai agyi langai mi nga ai; dai wa gaw sut su ai wa rai nga ai.

LUKA 19:7

Dai hpe mu ai masha ni yawng gaw, “Ndai masha wa gaw, Yubak kap ai wa langai mi a nta hta shang manam sai,” nga nna aput angun nga ma ai.

LUKA 3:12

Kang hta ai ni nkau mi mung hkalup hkam la na sa nna, “Sara e, anhte gara hku galaw na rai ta?,” nga nna shi hpe san ma ai.

LUKA 5:29

Shaloi Lewi gaw shi a nta e, Yesu a matu lusha poi kaba galaw wu ai, Manam ni hta kang hta ai ni law law hte kaga masha ni shanhte hte rau dung nga ma ai.

LUKA 5:30

Hparishe nkau mi hte shanhte a hpung hta lawm ai tara sara nkau mi gaw, Yesu a sape ni hpe, “Nanhte hpa rai kang hta ai ni hte kaga yubak kap ai masha ni hte rau, lusha nga myit ta?,” ngu nna san mu ai.

LUKA 7:29

Masha yawng mayawng gaw Yawhan a ga na la ma ai; shing rai shanhte hte, kang hta ai ni pyi gaw Yawhan a lata hta hkalup sa hkam la let dai Karai Kasang a ding man ai lam hpe sak se hkam shagrau ma ai.

LUKA 7:34

Dai Masha Kasha sa du nna, lu nga, sha nga ai rai yang mung, nanhte gaw, Ndai masha wa hpe yu mu! Shi gaw lu lai sha lai ai wa, kang hta ai ni hte kaga yubak kap ai ni a jinghku wa rai nga ai, bai nga myit dai.