MAHTE 5:45 - Jinghpaw Common Language Bible 2009

⁴⁵ Shing rai yang gaw, sumsing lamu e nga ai nanhte a Kawa a kasha ni nanhte tai na marin dai; hpa majaw nga yang, shi gaw n kaja ai ni hte kaja ai masha ni a ntsa e maren sha shi a jan hpe shi mai ya nga ai rai nna, kaja ai galaw ai ni hte n kaja ai galaw ai ni a ntsa e marang jahtu ya mu ai.

Jinghpaw Hanson Version Bible

⁴⁵ shing rai yang gaw, sumsing lamu hta nga ai nanhte a Kawa a kashu kasha ni gaw, nanhte tai na marin dai; kaning rai nme law, n kaja ai ni hte kaja ai ni a ntsa e, shi a jan hpe shi pru shangun nga ai rai nna, dinghpring ai ni hte n ding n hpring ai ni a ntsa e, marang jahtu ya mu ai.

MAHTE 5:45 ပူးပေါင်းရင်းမြစ်များ

YOBA 25:3

Shi hpe daw jau ai lamu kasa ni hpe kadai wa hti lu a ta? Karai Kasang a nhtoi n htoi ai shana nga nga a ni?

SHAKAWN KUNGDAWN 145:9

Shi gaw nlang hte a ntsa e, mai kaja nga ai rai nna, shi galaw ai arai yawng mayawng a ntsa e mung, matsan dum ai myit rawng nga ai.

YEREMIA 5:24

Shaning shagu nmut ta aten hta, nshung shang marang hte ginhtawng shang marang ni hpe ngai jahtu ya ti mung, ngai hpe shagrau sha-a na matu nang galoi mung n myit dum nga ndai.

MAHTE 5:9

“Ngwi pyaw simsa lam a matu galaw gunhpai ai ni gaw a lu ma ai; hpa majaw nga yang, shanhte hpe Karai Kasang a kasha ni, ngu nna shamying na maru ai!

LUKA 6:35

Nanhte chyawm gaw, nanhte a hpyen ni hpe tsaw ra mu; hpa mung lu la na n myit mada ai sha hkoi shap ya mu. Shing rai yang, nanhte shabrai kaba lu na hte, Tsaw Htum ai Karai Wa a kasha ni mung nanhte tai na marin dai; hpa majaw nga yang shi gaw chyeju malap kau ai ni hte, n hkru n hkra re ai ni hpe chyeju galaw mu ai.

YAWHAN 13:35

Shing rai nanhte shada tsaw ra myit rawng nga myit yang gaw, nanhte nye a sape ni rai nga myit dai gaw masha yawng mayawng chye lu na mara ai,” ngu mu ai.

KASA 14:17

Rai ti mung, shi gaw shi nga nga ai lam sakse hte hkrak galoi mung a madun nga ai, Dai sakse ni gaw mai kaja ai amu ngu ai, Sumsing lamu na marang jahtu ya nna du hkra ladaw du ai shaloi nsi naisi ngai shangun ai hte nanhte hpe lusha hte jahkru shakat nna nanhte a myit masin hpe kabu gara ai hte jahpring ya nga ai,” ngu nna jahtau tsun mu ai.

EHPESU 5:1

Nanhte gaw Karai Kasang a tsaw ra ai kasha ni rai nga manit dai majaw, shi hte bung pre wa hkra shakut shaja lu na rai myit dai.

HPILIPI 2:15

Shing rai yang she nanhte gaw arawn alai hten run nna yubak lu ai ni nga ai ndai mungkan hta mara n kap nna myit masin san seng ai Karai Kasang a kashu kasha majing ni zawn tai wa na myit dai. Shing rai nanhte gaw asak jahkrung ya ai mungga hpe hkaw tsun nga let lamu ting hpe jahtoi ya ai ahtoi hkum ni zawn shanhte a ka-ang e htoi tu nga lu na rai myit dai.

1 YAWHAN 3:9

Karai Kasang a kashu kasha tai sai wa gaw matut nna yubak n galaw ai, hpa majaw nga yang, dai wa hta Karai Kasang a nli ngu ai asak jaw lu ai atsam rawng nga ai. Shi gaw Karai Kasang a kashu kasha rai nga ai majaw, yubak n galaw shanang lu ai.