MAHTE 5:37 - Jinghpaw Common Language Bible 2009

³⁷ Na ga gaw, ‘Re ai’ shing n rai, ‘N re ai,’ ngu nna sha tsun u. Dai hta jan nna nang tsun ai ga gaw n kaja ai wa kaw na pru ai ga rai nga ai.

Jinghpaw Hanson Version Bible

³⁷ Na a ga gaw, Rai sa nga yang, rai u ga, N rai, nga yang, n rai u ga; dai hta lai ai ga nlang hte gaw n kaja ai wa hte seng nga ai.

MAHTE 5:37 ပူးပေါင်းရင်းမြစ်များ

MAHTE 13:19

Dai mungdan a lam na la ai ni kadai rai ti mung, dai hpe n chye na ai ni gaw, lam makau e hkrat ai nli tum hte bung ma ai. N hkru ai wa sa du nna shanhte hta gat bang tawn ai nli tum hpe shaw la kau ya wu ai rai nga ai.

MAHTE 13:38

Hkauna gaw mungkan ga rai nga ai. Kaja ai nli gaw Karai Kasang a Mungdan a kashu kasha ni rai nga ma ai; Tsing gaw dai n hkru ai wa a kashu kasha ni rai nga ma ai.

MAHTE 15:19

Hpa majaw nga yang, myit masin hta na masha sat na, num shaw na, n kaja ai arawn alai lam ni hkan galaw na, lagu na, n teng n man ai sakse hkam na ngu ai n hkru ai myit mang lam ni byin wa ai.

MAHTE 5:36

Na a baw hta mung dagam lu na ndai n rai, hpa majaw nga yang, nang gaw, na a kara singgawng langai mi hpe pyi, hpraw u ga, shing n rai chyang u ga, n galaw lu ndai.

MAHTE 6:13

Agung alau nga ai de anhte hpe n sa shangun ai sha, n kaja ai lam hta na mung shaw la mi law, (N gawn tawa hpe hkang ai ahkang hte hpung shingkang arawng sadang gaw, htani htana nang hta anga nga u ga law) Amen.

YAWHAN 17:15

Ndai ni hpe mungkan ga na htawt la na nang kaw ngai hpyi nngai n rai, shanhte hpe Satan a lata na lawt hkra makawp maga na she ngai hpyi nngai.

YAWHAN 8:44

Nanhte gaw, nanhte a kawa ngu ai gumlau nat a kashu kasha ni rai nga myit dai rai nna, nanhte a kawa a kayut ai hku hkan mayu myit dai. Shi gaw shawng npawt kaw nna, masha sat ai wa rai nga ai rai nna, tengman ai maga de galoi mung n nga ai, hpa majaw nga yang shi hta teng man ai lam n rawng nga ai. Shi gaw masu magaw ai wa langai mi rai nna masu magaw lam yawng a kawa mung rai nga ai majaw, shi a masu ai ga tsun yang, dai gaw shi a shingra myit hte maren tsun ai lam rai nga lu ai.

EHPESU 4:25

Dai majaw masu ai ga hkum tsun mu; langai hte langai gaw tinang a kam sham ai hpu nau wa hpe teng man ai ga sha tsun u ga, hpa majaw nga yang, anhte yawng gaw Hkristu ngu ai hkum hkrang a daw chyen ni rai nga ga ai.

EHPESU 6:16

Dai hta n ga, makam masham ngu ai n- gang hpe tut nawng e lang da nga mu; hpa majaw nga yang nanhte gaw dai n gun hte N hkru N hkra ai Wa gap dat ai wan pala nlang hte hpe sat dang kau lu na myit dai.

KOLOSE 3:9

Shada da masu magaw ga hkum tsun myit; hpa majaw nga yang, dai gawng shingyan dingsa hte hpawn tinang a arawn alai ni hpe nanhte raw kau nna gawng shingyan ningnan hpe dagraw la manit dai.

KOLOSE 4:6

Nanhte tsun ai ga gaw galoi mung jum shum ai zawn na ra shing-nyi rawng nna chyeju masa hku myit lawm shangun ai ga rai nna san ai masha shagu hpe jaw ai mahtai jaw lu na matu shajin da nga mu.

2 HTESALONI 3:3

Rai ti mung Madu gaw kangka nga ai rai nna, shi gaw nanhte hpe myit n-gun shaja ya ai hte N hkru N kaja Ai Wa a hpyen ai kaw na makawp maga na ra ai.

YAKU 5:12

Dai hta n ga nye a hpu nau ni e, nanhte ga sadi tawn ai shaloi dagam dala ga hkum lang myit. Sumsing lamu shing n rai ginding aga shing n rai hpa hpe rai ti mung gang nna hkum dagam myit. Nanhte tsun ai ga gaw “Re ai,” rai yang re ai; “N re ai,” rai yang n re ai ngu nna sha tsun mu, shaloi nanhte gaw Karai Kasang a daw dan ai kaw na lawt lu na myit dai.

1 YAWHAN 2:13

Ji wa ni e, shawng npawt kaw nna nga nga ai wa hpe nanhte chye nga myit dai majaw, ngai nanhte hpang de ka dat nngai. Shabrang ni e, dai n hkru ai nat Satan wa hpe nanhte dang kau myit dai majaw, ngai nanhte hpang de laika ka dat nngai.

1 YAWHAN 3:12

Anhte gaw Ka-in zawn n mai rai ga ai. Shi gaw Nat a maga na masha tai nna shi a kanau Abela hpe sat kau nu ai. Ka-in gaw Abela hpe hpa majaw sat kau a ta?. Shi nan galaw ai amu bungli ni shut nga ai. Shi a kanau galaw ai lam ni mahtang jaw nga ai majaw rai nga ai.

1 YAWHAN 5:18

Karai Kasang a kashu kasha rai nga ai wa gaw yubak hpe matut nna n galaw ai hpe anhte chye ga ai, hpa majaw nga yang, shi hpe Karai Kasang a kasha e bau sin nga ai rai nna, dai n hkru ai wa gaw shi hpe n hkra lu wu ai.