MAHTE 5:35 - Jinghpaw Common Language Bible 2009

³⁵ Aga hta mung n rai, dai gaw shi a lagaw mara ai shara rai nga lu ai; Yerusalem hta mung n rai, dai gaw Hkawhkam Kaba a dung nga ai mare rai nga ai.

Jinghpaw Hanson Version Bible

³⁵ aga hta mung n rai; dai gaw shi a lagaw mara ai shara rai nga lu ai: Yerusalem hpe mung n rai; dai gaw hkawhkam kaba adung nga ai mare rai nga ai.

MAHTE 5:35 ပူးပေါင်းရင်းမြစ်များ

2 HKAWHKAM LABAU 6:6

Rai ti mung, ya chyawm gaw ngai nawku daw jau hkam na matu, Yerusalem hpe mung, nye a amyu masha ni hpe up hkang na matu nang Dawi hpe mung ngai lata la ni ai,” ngu nna tsun wu ai.

SHAKAWN KUNGDAWN 48:2

Karai Kasang a bum ngu ai Ziun gaw tsaw nga nna, tsawm htap nga ai; galu kaba ai hkawhkam wa a mare gaw mungkan amyu masha ni yawng hte hpe, kabu gara shangun nga ai.

SHAKAWN KUNGDAWN 87:2

shi gaw Yerusalem mare hpe Israela mung e nga ai kaga mare ni yawng hta grau nna tsaw ra nga ai.

SHAKAWN KUNGDAWN 99:5

Dai Madu anhte a Karai Kasang hpe shakawn kungdawn mu; shi a tingnyang man e, nawku daw jau mu! Shi gaw Chyoi Pra Ai Wa rai nga ai!

ESAIA 66:1

Dai Madu gaw, “Sumsing lamu gaw nye a tingnyang, ginding aga gaw nye a lagaw kabye lahkum rai nga ai. Dai rai yang, nye a matu kaning re ai nta nang galaw lu nga n ta? Nye a matu shanu nga na shara kaning re ai mi rai nga a ta?

MALAHKI 1:14

Ngai hpe jaw ya na nga, ga sadi tawn da sai dai kaja ai dusat langai shi a yam nga hpung hta rawng nga ninglen, ngai hpe dai ra rawng ai dusat hpe masu hkalem nawng jau ya ai wa gaw dagam dala hkrum nga ai. Ngai gaw galu kaba ai hkawhkam rai nga nngai, masha amyu baw ni yawng a masha ni ngai hpe hkrit kamyin nga ma ai.”

MAHTE 5:36

Na a baw hta mung dagam lu na ndai n rai, hpa majaw nga yang, nang gaw, na a kara singgawng langai mi hpe pyi, hpraw u ga, shing n rai chyang u ga, n galaw lu ndai.

KASA 7:49

“Sumsing lamu gaw nye a tingnyang ginding aga gaw nye a lagaw kabye lahkum rai nga ai. Kaning re ai nta nye a matu nang gap na n ta? Ngai shanu nga na shara gaw gara kaw rai ta?

SHINGRAN 21:10

Bai, dai Wenyi gaw ngai hpe woi nawng mat wa ai hte, dai lamu kasa gaw, ngai hpe grai tsaw ai bum pungding de woi du nna, Karai Kasang shanu nga ai sumsing lamu de nna yu hkrat wa ai Chyoi Pra ai Yerusalem Mare ngai hpe madun nngai.

SHINGRAN 21:2

Shaloi Chyoi Pra ai Mare ngu ai Yerusalem mare ningnan gaw, la ningnan a matu mawn sumli da ai num ningnan zawn, lajang shachyip ngut nna, Karai Kasang shanu nga ai sumsing lamu de nna yu hkrat wa ai hpe, ngai mu nngai.