MAHTE 5:34 - Jinghpaw Common Language Bible 2009

³⁴ Rai ti mung, ya ngai nanhte hpe tsun made ai gaw, nanhte ga sadi tawn da ai shaloi dagam ai ga hpa mung hkum lang myit, lamu hta dagam lu na myit dai n rai, hpa majaw nga yang dai gaw Karai Kasang tingnyang rai nga ai.

Jinghpaw Hanson Version Bible

³⁴ Ngai mahtang nanhte hpe tsun made ai gaw, nanhte hpa mung dagam dala rai lu na myit dai n rai: lamu hpe dagam lu na myit dai n rai; dai gaw Karai Kasang a tingnyang rai nga lu ai:

MAHTE 5:34 ပူးပေါင်းရင်းမြစ်များ

SHAKAWN KUNGDAWN 11:4

Dai Madu gaw shi a chyoi pra ai Nawku Htingnu hta e, nga nga ai; sumsing lamu hta shi a tingnyang nga nga ai. Shara shagu hkan nga nga ai amyu masha ni hpe shi mada yu nna, shanhte hpa galaw nga ma ai hpe chye nga ai.

HPAJI NINGLI 9:2

Dai gaw hpa mung galai shai shangun nga ai n rai. Ding man ai hte tara n lang ai, kaja ai hte n kaja ai, nawku kam sham ai hte n kam n sham ai, shagu hkungga ni hpe nawng jau ai ni hte n nawng jau ai ni a jahtum na maka gaw maren sha rai nga ai. Mai kaja ai wa gaw yubak kap ai wa hta grau kaja nga ai n rai; dagam shaka ai wa gaw n dagam shaka ai wa hta grau kaja nga ai n rai.

ESAIA 57:15

“Ngai gaw htani htana agrin nga ai matsaw ntsa na chyoi pra ai Karai Kasang rai nga nngai. Ngai gaw tsaw nna chyoi pra ai shara hta nga nngai, rai ti mung ngai gaw shagrit shanem ai hte myit malai lu ai ni hte rau mung nga nngai, shaloi ngai gaw shanhte a kam hpa shara hte myit mada shara hpe bai jaw ya lu nngai.

ESAIA 66:1

Dai Madu gaw, “Sumsing lamu gaw nye a tingnyang, ginding aga gaw nye a lagaw kabye lahkum rai nga ai. Dai rai yang, nye a matu kaning re ai nta nang galaw lu nga n ta? Nye a matu shanu nga na shara kaning re ai mi rai nga a ta?

KASA 7:49

“Sumsing lamu gaw nye a tingnyang ginding aga gaw nye a lagaw kabye lahkum rai nga ai. Kaning re ai nta nye a matu nang gap na n ta? Ngai shanu nga na shara gaw gara kaw rai ta?

YAKU 5:12

Dai hta n ga nye a hpu nau ni e, nanhte ga sadi tawn ai shaloi dagam dala ga hkum lang myit. Sumsing lamu shing n rai ginding aga shing n rai hpa hpe rai ti mung gang nna hkum dagam myit. Nanhte tsun ai ga gaw “Re ai,” rai yang re ai; “N re ai,” rai yang n re ai ngu nna sha tsun mu, shaloi nanhte gaw Karai Kasang a daw dan ai kaw na lawt lu na myit dai.