MAHTE 5:33 - Jinghpaw Common Language Bible 2009

³³ Bai, ‘Nang ga sadi run lu na ndai n rai, Karai Kasang a man e nang tawn da ai ga sadi hte maren shadik lu na rai ndai,’ nga nna moi shawng de na ni tsun ai ga hpe mung nanhte na yu manit ai.

Jinghpaw Hanson Version Bible

³³ Bai Masu let nang n dagam lu na ndai rai nna, na a dagam ai ga gaw dai Madu kaw nang shadik lu na wu ai, nga nna moi shawng na ni hpe tsun dan ai ga gaw, nanhte na yu manu ai.

MAHTE 5:33 ပူးပေါင်းရင်းမြစ်များ

SHAKAWN KUNGDAWN 50:14

Chyeju dum shakawn ai gaw Karai Kasang hpe na a shagu hkungga nawng jau ai lam rai nga u ga; Chyahtum Chyalai n-gun rawng ai Madu hpe nang ndat da ai ga sadi yawng hte hpe jaw ya u.

SHAKAWN KUNGDAWN 76:11

Dai Madu na a Karai Kasang hpe nang jaw da ai ga sadi hte maren jaw ya u; makau grup yin hta nga nga ai masha amyu baw ni yawng hte e, shi hpe kumhpaw kumhpa sak jaw mu. Karai Kasang gaw masha ni, hpe hkrit kamyin shangun nga ai;

PRU MAT 20:7

“Nye a mying ningsang hpe n hkru ai shatawng shada lam ni hta hkum lang et. Ngai gaw dai Madu na a Karai Kasang rai nga nngai majaw, nye a mying ningsang hpe n sawn n sang di ai wa kadai hpe mung ari jaw na we ai.

JAW JAU 19:12

Nye a ga sadi hkan shatup na matu n myit shatawng ai rai yang, nye a mying ningsang hte dai hpe hkum tawn da myit; dai gaw nye a mying hpe jahpoi kau na rai myit dai. Ngai gaw dai Madu nanhte a Karai Kasang rai nga nngai.

NAHUM 1:15

Yu mu, shiga gun ai wa langai mi gaw kabu gara shiga hte bum lang ntsa hku nna du sa wa ra ai! Shi gaw awng padang ninglaw ndau shabra na matu du sa wa nga ai. Yuda amyu masha ni e, nanhte a masat dingsat poi galaw mu; Karai Kasang hpe dagam ga shaka rap raw mu. Tara n lang ai ni gaw nanhte a mungdan hpe galoi mung shang gasat lu na mara ai n rai. Shanhte gaw tsep kawp jahten shaza kau hkrum nga masai!

MAHTE 5:21

‘Masha hkum sat, sat ai wa kadai mung tara agyi wa a man de jeyang hkrum na ra ai,’ nga nna moi shawng na ni hpe tsun ai ga, nanhte na yu manu ai.

MAHTE 5:27

‘Masha num hkum shaw,’ nga nna tsun da ai ga hpe nanhte na yu manit dai.

TARA JAHPRANG 23:21

“Dai Madu nanhte a Karai Kasang hpe ga shaka tawn ai shaloi nanhte a ga sadi hpe n shatup ai hkum rai myit; dai Madu gaw nanhte a ga shaka hpe hpyi na wu ai; dai hpe n galaw shatup ai rai yang, dai gaw yubak rai na rai nga ai.

TARA JAHPRANG 23:23

rai ti mung nanhte myit ra ai hku ga shaka tawn da myit dai rai yang, nanhte dai hpe teng teng shatup lu na rai myit dai.

TARA JAHPRANG 5:11

“ ‘Nye a mying ningsang hpe n hkru n shawp ai amu a shatawng shada ai lam hta hkum lang nga myit; hpa majaw nga yang nye a mying ningsang hpe n gawn n sawn di ai wa kadai hpe mung ngai Madu nanhte a Karai Kasang nan ari jaw na we ai.

TARA JAHPRANG 6:13

Dai Madu nanhte a Karai Kasang hpe shagrau sha-a nna shi hpe chyu sha nawku nhtawm shi a mying ningsang hta sha nanhte a ga sadi ni hpe tawn da lu na rai myit dai.

1 TIMOHTI 1:10

akyang lailen n kaja ai ni, num shada la shada nga sha ai ni, masha rim makoi nna gumhpraw hte shaw la shangun ai ni, masu nna n teng n man ai sakse hkam ai ni, shing n rai hpa hku hpa lam hku nna mung, dai teng man ai makam masham a sharin shaga ai tara hte nhtan shai ai ni a matu galaw da ai tara rai nga ai.