MAHTE 5:31 - Jinghpaw Common Language Bible 2009

³¹ Tinang a madu jan hpe jahka mayu ai wa kadai mung, shi hpe jahka sai lam shana ai laika langai mi jaw u ga! nga ai ga mung nga sai.

Jinghpaw Hanson Version Bible

³¹ Na a madu jan hpe jahka mayu n yang gaw, shi hpe dat dat na laika jaw u ga, nga ai ga mung nga sai.

MAHTE 5:31 ပူးပေါင်းရင်းမြစ်များ

YEREMIA 3:1

Dai Madu gaw, “Lasha langai ngai gaw shi a madu jan hpe jahka kau nna, num dai gaw shi kaw na pru mat wa ai hte kaga masha wa a madu jan tai ai rai yang, shi gaw dai numsha hpe bai la lu na n rai. Dai zawn re ai amu gaw lamu ga hpe tsep kawp awu asin di nga ai. Rai ti mung, Israela e, nang chyawm gaw sumtsaw law law lu yu nga ndai, ya chyawm gaw nang ngai hpang de nhtang wa mayu nga nit hka!

MALAHKI 2:16

Dai Madu Israela a Karai Kasang gaw, “Ngai gaw num jahka ai hpe n dawng nngai. Nanhte hta na langai ngai tinang a madu jan hpe dai zawn n hkru ai amu galaw ai shaloi, dai hpe ngai n dawng nga nngai. Na a madu jan hta sadi dung nga na ngu nna, jaw ai na a ga sadi hpe nang teng teng hkum run kau et,” ngu nna hkang da wu ai.

MAHTE 19:3

Hparishe nkau mi Yesu kaw sa du nna shi hpe mara rim na matu mahkam hkam ai hku maw let, “Hpa mara a majaw mi rai rai, masha langai mi tinang a madu jan hpe jahka kau na anhte a tara hta ahkang jaw da nga a ni?,” ngu nna san yu mu ai.

MAHTE 19:7

Hparishe ni gaw, “Dai rai yang gaw, jahka ai laika jaw nna shi hpe shabawn kau lu na, nga nna Mawshe hpa majaw hkang da nga a hka?,” ngu mu ai.