MAHTE 5:30 - Jinghpaw Common Language Bible 2009

³⁰ Na hkra maga na lata nang hpe mara galaw shangun n-yang gaw, dai hpe kahtam dut nna kabai kau u! Na hkum ting hpe ngarai mung de jahkrat kau ai hkrum na hta, na a hkum daw langai mi hten na gaw grau kaja nga ai.

Jinghpaw Hanson Version Bible

³⁰ Na a hkra lata mung nang hpe shut shangun n yang gaw, dai hpe kahtam dut kabai kau u; na a hkum ting Ngarai mung de shang wa na hte, na a hkum daw langai mi hten na gaw, grau kaja nga ai.

MAHTE 5:30 ပူးပေါင်းရင်းမြစ်များ

MAHTE 11:6

Ngai hta myit kataw ai lam n mu ai wa kadai mung, a lu nga ai,” ngu mu ai.

MAHTE 13:21

Rai ti mung kraw hta e ru sung sung n jung ai majaw, shanhte na na n grin ma ai. Shing rai dai mungga a majaw ru tsang ai hte zingri zingrat hkrum jang kalang ta htak mat ai ni hte bung nga ai.

MAHTE 16:23

Yesu mahtang kayin nna Petru hpe, “Satan e, ngai kaw na sit mat wa u! Nang myit ai lam gaw, Karai Kasang kaw na n rai, masha kaw na sha nang myit nga ndai majaw, nye a matu myit kataw shara nang rai nga ndai,” ngu nna tsun wu ai.

MAHTE 17:27

Rai ti mung, an a majaw shanhte myit n kataw mu ga, nawng de sa nna nga myek jahkrat bang u; shawng lu ai nga hpe shaw la nhtawm, nga n-gup gang mahka dat yang, Shekela pa mi nang mu na ndai; dai hpe la nna, ngai hte na a matu shanhte hpe ya u,” ngu nna shi hpe tsun wu ai.

MAHTE 18:8

“Na a lata, shing n rai, na a lagaw nang hpe makam masham hta myit kataw shangun n yang gaw, dai hpe kahtam dut kabai kau u! Lagaw lata hkum hkum re ai hte htani htana wan hta jahkrat kau ai hkrum na hta, lagaw shing n rai, lata n lawm ai sha asak hkrung ai de shang na gaw, grau mai nga ai.

MAHTE 22:13

Shaloi dai Hkawhkam wa gaw, shi a ali ama ni hpe, ‘Shi a lagaw lata gyit hkang nna shinggan de na nsin de jahkrat bang kau mu,’ ngu wu ai. Dai yang e hkrap ngu hkrap ngoi ai hte wa udik ai hte nga ra na ra ai.”

MAHTE 25:20

Gumhpraw joi manga arang ai wa gaw, kaga manga lang let, sa du nna, ‘Madu e, nang ngai hpe gumhpraw joi manga arang shapraw ya da ndai. Yu u! Kaga joi manga ngai myat la lu nngai!,’ ngu wu ai.

MAHTE 26:31

Dai hpang Yesu shanhte hpe tsun mu ai gaw, “Ndai shana e nan nanhte yawng ngai hpe kabai kau da nna hprawng mat na marin dai, hpa majaw nga yang, ‘Karai Kasang gaw sagu rem wa hpe anu kayat sat nna, sagu hpung na sagu ni gaw bra ayai mat na mara ai,’ nga nna ka da nga ai.

MAHTE 5:22

Rai ti mung, ya ngai nanhte hpe tsun made ga, tinang a kahpu kanau wa hpe masin pawt ai wa kadai rai ti mung jeyang ai hkrum na ra ai, tinang a kahpu kanau wa hpe, ‘Nang hpa akyu n rawng ai masha rai ndai!’ (Raka, Raca!), nga ai wa gaw, dai kongsi hpawng a daw dan ai hte ging dan nga ai; bai tinang a kahpu kanau wa hpe, ‘mana ndai’ nga ai wa gaw, ngarai wan hte ging dan nga ai.

MAHTE 5:29

Dai rai nna, na a hkra maga na myi nang hpe mara galaw shangun n-yang gaw, dai hpe malawk nna kabai kau u! Na a hkum ting hpe ngarai mung de jahkrat kau ai hkrum na hta na a hkum daw langai mi hten na gaw grau kaja nga ai.

MARKU 9:43

Dai rai nna, na a lata gaw na a makam masham hpe myit kataw shangun a yang gaw, dai hpe kahtam dut kau u! Lata lahkawng ahkum ara hte ngarai mung na n si n krip ai wan hta shang na hta lata maga mi n tu ai hte asak hkrung ai de shang na gaw grau mai nga ai.

LUKA 12:5

Kadai hpe sha hkrit mai ai gaw, ngai nanhte hpe madun dan made ga. Masha hpe sat kau ngut jang, ngarai kata de jahkrat kau na ahkang lu ai Karai Kasang hpe chyawm gaw hkrit nga mu, ngai tsun ai hpe kam mu, shi gaw nanhte hkrit ra ai wa nan rai nga ai!

LUKA 17:2

Dai wa gaw, ndai ma kaji ni hta na langai mi hpe yubak galaw shangun ai rai yang, shi a du hta htumrin lung kaba gyit noi nna, panglai hta jahkrat bang kau na gaw, shi a matu grau mai nga ai.

ROMA 9:33

Dai hpe Chyum Laika hta, “Yu u, masha ni ahtu kataw na nlung langai mi hte myit kataw shangun na lunghkrung langai mi hpe Ziun hta e ngai tawn da se ai. Rai ti mung nlung ngu ai Hkristu hpe kam sham ai wa gaw galoi mung myit daw hten na lam nga na n rai,” nga nna ka da nga ai.

1 KORINHTU 8:13

Dai rai nna, shahpa a majaw nye hpu nau wa hpe myit kataw nna mara galaw shangun na she rai yang gaw, nye a hpu nau wa hpe n kataw shangun na matu, ngai prat dingsa e shan n sha na ni ai.

GALATI 5:11

Rai ti mung hpu nau ni e, matu gadoi hkam ai lam ra ahkyak ai nga nna ngai naw matut hkaw nga ai teng yang gaw, hpa majaw zingri zingrat ai ngai naw hkrum nga nngai kun? Shing rai hkaw tsun ai ngu ai lama teng ai rai yang gaw, Hkristu hte seng ai mung sumtu hpe ngai hkaw tsun ai majaw ru yak kyin dut hkrum na nngai n rai.

1 PETRU 2:8

Bai kaga chyum ga langai mi hta, “Ndai nlung gaw masha ni hpe ahtu kataw shangun na ra ai; shanhte hpe daw ru hkrat mat shangun ai lunghkrung mung tai na ra ai, nga nna tsun da nga ai. Shanhte gaw dai mungga hpe n kam n sham ma ai majaw ahtu kataw mat ma ai. Shing re ai gaw shanhte a matu Karai Kasang a myit ra lajang ai lam rai nga ai.