MAHTE 5:19 - Jinghpaw Common Language Bible 2009

¹⁹ Dai rai nna, kadai mung, dai hkang da ai ga ni hta na kaji htum ai ga hpe n madat n mara tawt lai nna, masha kaga ni hpe mung, shing rai galaw na matu sharin shaga a yang gaw, sumsing lamu a mungdan hta kaji htum ai wa tai na ra ai. Rai ti mung, jep ai Tara ni hpe madat mara hkan sa nna kaga ni hpe mung dai hte maren galaw na matu sharin achyin ya ai wa chyawm gaw, sumsing lamu a mungdan hta kaba ai wa tai na ra ai.

Jinghpaw Hanson Version Bible

¹⁹ Dai rai nna, kadai mung, dai kaji htum ai ga matsun langai ngai hpe tawt lai nna, masha ni hpe ning rai sharin shaga nga a yang gaw, sumsing lamu a mungdan hta kaji htum ai wa ngu na maru ai: ga dai hpe hkan galaw nna, sharin achyin ya ai wa chyawm gaw, sumsing lamu a mungdan hta, kaba ai wa ngu na maru ai.

MAHTE 5:19 ပူးပေါင်းရင်းမြစ်များ

SHAKAWN KUNGDAWN 119:128

Dai majaw na a ga matsun yawng hte hpe ngai hkan nang nga nngai; shut hpyit ai lam yawng hte hpe ngai n dawng nga nngai.

SHAKAWN KUNGDAWN 119:6

Na a hkang da ai tara ni yawng hpe ngai madat mara lu ai rai yang ngai kaya kahpa hkrum na nngai n rai.

Daniela 12:3

dai hpaji rawng ai ningbaw ni gaw lamu na htoi tu ai arai ni zawn mung, amyu masha law law hpe jaw ai hku amu galaw na lam sharin ya ai ni gaw shagan ni zawn htani htana htoi tu nga na mara ai.

MAHTE 11:11

Nanhte hpe ngai teng teng tsun made ai gaw, numsha kaw na shangai shaprat da sai shinggyim masha ni hta Hkalup Sara Yawhan hta grau kaba ai masha langai mi mung garai n paw pru yu ai, rai ti mung, Sumsing lamu a Mungdan hta kaji dik ai wa gaw, shi hta grau kaba nga ai.

MAHTE 19:28

Yesu gaw, “Ngai nanhte hpe teng teng tsun made ga, Mungkan Ga Ningnan bai shangai ai ban prat e, dai Masha Kasha gaw shi a hpung shingkang a tingnyang hta dung nga ai shaloi nanhte nye a sape ni shi lahkawng mung, tingnyang shi lahkawng hta dung lawm nna, Israela amyu shi lahkawng hpe up nga lu na marin dai.

MAHTE 20:26

Nanhte hta chyawm gaw shing rai na n rai, nanhte hta na grau kaba mayu ai wa kadai rai ti mung, nanhte a ali ama tai u ga.

MAHTE 28:20

ngai nanhte hpe hkang da mada yawng hte hpe hkan shadik lu mu ga, shanhte hpe sharin shaga ya mu: dai hta kaga, lamu ga aprat htum hkra ngai nanhte hte rau dinggrin anga nga na nngai law,” ngu nna shanhte hpe matsun dat mu ai.

LUKA 1:15

Kaning rai nme law, shi gaw dai Madu a man e galu kaba wa na ra ai; sabyi hte chyaru shi lu na n rai; kanu a hkritung nna pyi, Chyoi Pra ai Wenyi hte hpring na ra ai.

LUKA 11:42

“Hparishe ni e, nanhte dingnye lu myit dai! Hpa majaw nga yang, nanhte gaw shingtawn pan, shinglim pan ni hte shatmai lap amyu myu hta na htam shi kaw na htam mi Karai Kasang hpe sak jaw myit dai. Rai ti mung, nanhte gaw tara rap ra ai hte Karai Kasang hpe tsaw ra ai lam hpe gaw hprai kau nga myit dai. Nanhte gaw htam shi hta htam mi alu jaw ai hta n ga, tara rap ra ai hte Karai Kasang hpe tsaw ra ai hta mung hkan sa galaw ang myit dai.

LUKA 9:48

“Ndai ma hpe nye a mying a majaw hkap la ai wa kadai mung, ngai e shangun dat ai wa hpe hkap la ai rai nga ai, dai rai nna, nanhte mahkra hta grau kaji ai wa gaw, grau kaba ai wa rai nga ai,” ngu mu ai.

KASA 1:1

Tsaw ra ai Htawhpilu e: Madu Yesu magam bungli galaw hpang ai shani kaw nna,

ROMA 3:8

“Mai kaja ai lam byin pru u ga, n kaja ai lam galaw ga,” ngu nna tsun na rai ni? Ndai hku nan ngai tsun ai nga nna masha nkau mi ngai hpe mara shagun ai hte n kaw n law roi asawng ma ai. Dai masha ni gaw daw dan ai ari hkrum ging ai hte maren shanhte hkrum na mara ai.

ROMA 6:1

Dai rai yang gaw kaning ngu tsun na rai ta? Karai Kasang a chyeju law htam wa u ga, yubak hta e naw ahkan nga na kun?

ROMA 6:15

Dai rai yang gaw kaning ngu na law? Anhte gaw jep ai Tara n pu e n rai nga ga ai, Karai Kasang a chyeju n pu e she rai nga ga ai majaw yubak galaw na ga ni? Shing n rai u ga!

TARA JAHPRANG 12:32

“Ngai nanhte hpe hkang da made ai hte maren, lam magup hte hpe hkan galaw nga mu; dai tara hta kaga hpa mung jat la lu na myit dai n rai; shayawm mung shayawm kau lu na myit dai n rai.

TARA JAHPRANG 27:26

“ ‘Karai Kasang a tara hte sharin shaga ai ga ni yawng hpe n hkan shatup ai wa kadai mung Karai Kasang jaw ai dagam dala hkrum u ga law.’ “Shaloi, amyu masha ni yawng gaw, ‘Amen!,’ ngu nna htan na mara ai.

1 TIMOHTI 6:11

Nang chyawm gaw Karai Kasang a masha wa e, dai lam mahkra hte hpe koi gam nga u. Ding hpring ai, tara hkungga ai, kam sham ai, tsaw ra ai, shakut sharang ai hte sumnung ai myit ni hpe lu la hkra shakut shaja nga u.

TITU 3:8

Ndai ga gaw kangka re ai ga rai nga ai. Karai Kasang hpe kam sham ai ni gaw masha shagu a matu kaja ai hte akyu rawng ai mai kaja ai amu hpe myit lawm let aten jaw nna galaw nga mu ga lahta de tsun lai wa sai lam ni hpe laksan madung dat ahkyak shatai nna nang tsun shadum shahprang nga na hpe ngai ra nga nngai.

1 PETRU 5:4

Dai Sagu Rem Agyi Kaba Wa dan pru ai shaloi nanhte gaw htoi kabrim ai nsam galoi mung n mat chye ai arawng sadang hte hpring ai janmau lu la na marin dai.

1 YAWHAN 3:4

Yubak galaw ai wa kadai rai ti mung, Karai Kasang a tara tawt lai ai amu mung galaw nga ai, hpa majaw nga yang, yubak gaw tara tawt lai ai amu rai nga ai.

SHINGRAN 2:20

Rai ti mung ngai nang hpe mara shagun na lam langai mi mu nngai. Hpa majaw nga yang, nang gaw, tinang dai ‘Karai Kasang kaw na du sa ai kasa rai nngai,’ nga nna tsun ai num Yezebela hpe shi ra ai hku di shangun ai hte hkap la tawn ndai. Shi gaw nye a shangun ma ni hpe hpye ai amu galaw na hte sumla ni hpe nawng ya ai lusha ni hpe sha na lam sharin ya nna, shanhte hpe shut hpyit lam dam shangun mu ai.

1 SAMUELA 2:30

Na a dinghku hte na a lakung lama ni hkinjawng ni zawn prat tup ngai hpe daw jau lu mu ga ngu, dai MaduIsraela a Karai Kasang ngai nan lai sai prat ni hta ga sadi tawn da ni ai. Rai ti mung ya chyawm gaw dai ga sadi galoi mung grin sana n rai nga sai hpe ngai tsun nga nngai! Shing rai na malai, ngai hpe shagrau sha-a ai ni hpe ngai shagrau sha-a na nngai; ngai hpe n kaw n law re ai ni hpe ngai mung n gawn n sawn di kau na we ai.