MAHTE 5:15 - Jinghpaw Common Language Bible 2009

¹⁵ Pyengdin langai mi hpe shatu nhtawm mung npu e kadai n tawn da yu ai. Shing rai na malai, nta masha ni yawng hpe nhtoi jaw lu hkra, pyengdin shadun hta tawn da ga ma ai.

Jinghpaw Hanson Version Bible

¹⁵ pyengdin hpe shatu nhtawm, mung npu e tawn da ai gaw, kadai n galaw yu ai; pyengdin shadun hta tawn da nna, dai gaw, nta e nga nga ai ni nlang hte hpe jahtoi ya mu ai.

MAHTE 5:15 ပူးပေါင်းရင်းမြစ်များ

PRU MAT 25:37

Pyengdin shadun hta shadun na pyengdin sanit mung galaw ra ai; dai ni gaw man maga de htoi nga na rai nga ai.

ZEHKARIA 4:2

“Nang hpa mu n ta?,” ngu nna san wu ai. Shaloi ngai gaw, “Ja hte galaw ai pyengdin shadun langai mu nngai. De a ntsa e sau bang na ndi langai hte dai pyengdin shadun hta pyengdin sanit nga nhtawm, langai hte langai hta wan shat sanit a matu shara ni nga nga ai.

BU HKAWM 8:2

pyengdin shadun a man de shayawn nhtawm shatu lu na matu lajang na lam Arun hpe tsun u,” ngu nna tsun wu ai.

MARKU 4:21

Bai matut nna Yesu gaw, “Pyengdin hpe mung npu e, shing n rai yup ku npu e shadun da na matu la sa ga ma ni? Pyengdin shadun hta e she shadun ga ma ai n rai ni?

LUKA 11:33

“Pyengdin shatu nhtawm, makoi shinggang ai, shing n rai, mung hte dagup tawn da ai gaw kadai n galaw ga ai; shing di na malai, nta de shang wa ai masha ni nhtoi mu lu mu ga; pyengdin shadun hta shadun da ga ma ai.

LUKA 11:36

Na a hkum hkrang ting hta shara mi mung n sin ai, hkum ting htoi nga ai rai yang gaw, pyengdin a htoi tu kabrim ai hte nang hpe jahtoi ya ai zawn, na a hkum hkrang ting htoi tu na ra ai,” ngu wu ai.

LUKA 8:16

“Pyengdin shatu nhtawm, mung hte ka-up da ai shing n rai, yup ku npu e tawn da ai gaw kadai n galaw ga ai. Shing di na malai, nhku de shang wa ai masha ni nhtoi asan sha mu lu mu ga, shi gaw pyengdin shadun hta shadun da ga nga ai.

HPILIPI 2:15

Shing rai yang she nanhte gaw arawn alai hten run nna yubak lu ai ni nga ai ndai mungkan hta mara n kap nna myit masin san seng ai Karai Kasang a kashu kasha majing ni zawn tai wa na myit dai. Shing rai nanhte gaw asak jahkrung ya ai mungga hpe hkaw tsun nga let lamu ting hpe jahtoi ya ai ahtoi hkum ni zawn shanhte a ka-ang e htoi tu nga lu na rai myit dai.

HEBRE 9:2

Hpa majaw nga yang, sum langai mi gap da nga ai. De a shawng na gawk hta pyengdin shadun hte Karai Kasang kaw nawng ya ai hkungga, muk mara da ai ku nga nga ai. Dai hpe Chyoi Pra ai shara ngu mu ai.

SHINGRAN 2:5

Dai rai nna nang gade daram di hkrat yu mat wa sai lam hpe myit yu u! Na a yubak mara ni kaw na kayin wa nna shawng de na zawn bai hkan sa galaw u. Na a yubak mara ni kaw na bai n kayin wa yang gaw, ngai nang kaw du nna na a pyengdin hpe de a shara na sit kau ya na de ai.