MAHTE 5:14 - Jinghpaw Common Language Bible 2009

¹⁴ Nanhte gaw mungkan ting a matu ninghtoi rai nga myit dai. Bum ntsa e de da ai mare hpe shinggang lu na n rai.

Jinghpaw Hanson Version Bible

¹⁴ Nanhte gaw mungkan ga a nhtoi rai nga myit dai. Bum ntsa e de ai mare hpe shinggang lu na n rai;

MAHTE 5:14 ပူးပေါင်းရင်းမြစ်များ

GA SHAGAWP 4:18

Ding hpring ai ni a hkrun lam gaw jan pru wa ai zawn rai nga ai; dai gaw shani nhtoi hkung wa ai aten du hkra, grau grau nna, htoi leng wa nga ai.

EZEKELA 5:5

Tsaw Htum ai dai Madu gaw, “Yerusalem hpe yu yu u. Ngai gaw dai mare hpe mungkan ga a ka-ang hta tawn da nna kaga mungdan ni yawng hte shi hpe shinggrup da nga nngai.

YAWHAN 12:36

Nanhte hta nhtoi naw nga nga yang, nhtoi hpe kam sham nga mu, shaloi she nanhte gaw, nhtoi a kashu kasha ni tai lu na myit dai,” ngu nna tsun mu ai. Dai lam Yesu tsun ngut jang, shi pru mat wa nna shi hkum hpe shanhte kaw na makoi mat wa wu ai.

YAWHAN 5:35

Yawhan gaw pyengdin langai mi zawn tu grung ai hte htoi nga ai rai nna, nanhte gaw shi a nhtoi hta tawng marang mi kabu pyaw nga mayu myit dai.

YAWHAN 8:12

Yesu shanhte hpe bai tsun mu ai gaw, “Ngai gaw mungkan ga a nhtoi rai nga nngai. Nye a hpang hkan nang ai wa gaw asak a nhtoi hpe lu la na ra ai rai nna nsin hta galoi mung n hkawm n sa na ra ai,” ngu mu ai.

YAWHAN 9:5

Ngai gaw mungkan ga e naw nga ai hte yang, mungkan ga a nhtoi rai nga nngai,” ngu nna htan mu ai.

2 KORINHTU 6:14

N kam n sham ai ni hte rau ginrun nna amu bungli hkum jawm gun hpai nga mu, hpa majaw nga yang, rau ginrun nna gun hpai na n mai byin ai. Jaw ai hte shut ai gaw kaning rai nna rau ginrun nga lu na rai ta? Nhtoi hte nsin gaw kaning rai nna rau nga lu a ta?

HPILIPI 2:15

Shing rai yang she nanhte gaw arawn alai hten run nna yubak lu ai ni nga ai ndai mungkan hta mara n kap nna myit masin san seng ai Karai Kasang a kashu kasha majing ni zawn tai wa na myit dai. Shing rai nanhte gaw asak jahkrung ya ai mungga hpe hkaw tsun nga let lamu ting hpe jahtoi ya ai ahtoi hkum ni zawn shanhte a ka-ang e htoi tu nga lu na rai myit dai.

1 HTESALONI 5:5

Hpa majaw nga yang, nanhte yawng gaw nhtoi a kashu kasha ni rai nna shani a kashu kasha ni mung rai nga myit dai. Anhte gaw shana a kashu kasha ni mung n rai, nsin a kashu kasha ni mung n rai ga ai.

SHINGRAN 1:20

Nye a hkra lata hta nang mu lu ai shagan sanit hte ja pyengdin sanit a makoi magap da ai lachyum gaw da ndai rai nga ai: shagan sanit hte gaw hpung sanit hpe sin ai lamu kasa sanit rai nna, pyengdin sanit gaw dai hpung sanit rai nga ai.

SHINGRAN 2:5

Dai rai nna nang gade daram di hkrat yu mat wa sai lam hpe myit yu u! Na a yubak mara ni kaw na kayin wa nna shawng de na zawn bai hkan sa galaw u. Na a yubak mara ni kaw na bai n kayin wa yang gaw, ngai nang kaw du nna na a pyengdin hpe de a shara na sit kau ya na de ai.