MAHTE 5:12 - Jinghpaw Common Language Bible 2009

¹² “Kabu nna pyaw pyaw rai nga mu, hpa majaw nga yang, sumsing lamu hta e nanhte a matu shabrai kaba langai mi tawn da ya sai! Nanhte a shawng na myihtoi ni hpe mung shanhte dai hte maren zingri zingrat di kau manu ai!

Jinghpaw Hanson Version Bible

¹² kabu nna pyaw pyaw rai nga mu; kaning rai nme law, sumsing lamu hta e nanhte a shabrai kaba nga malit dai: nanhte a shawng na myihtoi ni hpe mung shanhte dai hte maren zingri zingrat di kau manu ai.

MAHTE 5:12 ပူးပေါင်းရင်းမြစ်များ

NINGPAWT NINGHPANG 15:1

Dai hpang Abram gaw shingran langai mu ai hte dai Madu gaw shi hpe, “Abram e, hkum hkrit et, hkrit hpa shara kaw na nang hpe ngai makawp la nna nang hpe kumhpa kaba jaw na we ai,” ngu nna tsun ai ga hpe na wu ai.

1 HKAWHKAM 18:13

Yezebela gaw dai Madu a myihtoi ni hpe sat ai shaloi, hpung mi hta manga shi shi di nna hpung lahkawng garan nhtawm marai latsa hpe lungpu ni hta makoi da let, shanhte hpe lusha hte ntsin jaw nna bau da we ai hpe nang n na yu da wu ni?

1 HKAWHKAM 18:4

Yezebela gaw dai Madu a myihtoi ni hpe sat kau wu yang, shanhte hta na marai latsa hpe hpung lahkawng garan nhtawm, hpung mi hta marai manga shi shi di nna lungpu hku ni hkan woi makoi da nna shahpa hte lu hka ntsin jaw nhtawm bau da wu ai.)

1 HKAWHKAM 19:2

Shi gaw Elia hpang de ning ngu shiga shana dat wu ai: “Hpawt de ndai aten e, myihtoi ni hpe nang galaw kau dat nit dai hte maren, nang hpe ngai n galaw ai rai yang, karai ni ngai hpe si hkra adup mi ga law.”

1 HKAWHKAM 21:20

Ahab gaw Elia hpe mu jang shi hpe, “Nye a gumlau hpyen wa e, nang ngai hpe hkan dep nang nga n ni?,” ngu nna tsun wu ai. Elia gaw, “Rai sa, ngai dep nang nga nngai; nang gaw dai Madu a man e n kaja ai amu hpe nang hkum nan myit jung ai hte htum hkra galaw kau nit dai.

1 HKAWHKAM 22:8

Ahab chyawm gaw, “Imla a kasha Mihkaia langai mi naw nga nga ai. Rai ti mung shi chyawm gaw nye a matu mai kaja ai lam galoi mung myihtoi n htoi ya ai majaw ngai n dawng nngai. Lama mi hta ra ra sha arai nga ai,” ngu nna htan wu ai. Yehoshahpat mung, “Dai lam nang n tsun sanu ga law!,” ngu nna tsun htang wu ai.

2 HKAWHKAM 1:9

Dai hpang shi gaw Elia hpe shaga la na matu du langai mi hte masha manga shi hte hpe shangun dat wu ai. Ya dai du wa gaw kawng langai a ntsa e dung nga ai Elia hpe mu jang, “Karai Kasang a masha wa e, yu wa na matu, hkawhkam wa nang hpe hkang dat nga ai,” ngu nna tsun wu ai.

2 HKAWHKAM LABAU 16:10

Dai ga gaw Asa hpe masin grai pawt shangun nga ai rai nna myihtoi wa hpe htawng hta sharen da ma ai. Dai aten hta nan Asa gaw amyu masha nkau mi hpe mazut ai hku zingri hpang wa nu ai.

2 HKAWHKAM LABAU 36:16

Rai ti mung shanhte gaw Karai Kasang a kasa ni hpe asawng asang di nhtawm Karai Kasang a mungga hpe n kaw n law di nna shi a myihtoi ni hpe mani asawng kau mu ai majaw hpang jahtum dai Madu gaw shi a amyu masha ni hpe lawt lam htum mat hkra masin kahtet bu nga ai.

NEHEMIA 9:26

“Rai ti mung na a amyu masha ni gaw nang hpe gumlau hte na a ga n madat nga ma ai; shanhte gaw na a Tara hpe shingdu dat kau ma ai. Shanhte gaw sadi jaw ai myihtoi ni hpe mung, nang hpang de kayin wa na matu tsun ai ni hpe mung sat kau ma ai. Shanhte gaw nang hpe aten mi hte aten mi n kaw n law di ma ai,

SHAKAWN KUNGDAWN 19:11

Dai ni gaw na a shangun ma rai nga ai ngai hpe machye machyang hpaji jaw ya e; ngai mung dai lam ni hpe hkan sa madat mara ai majaw, shagrau sha-a ai hkrum nga nngai.

SHAKAWN KUNGDAWN 58:11

“Ding hpring ai ni gaw teng teng shagrau sha-a ai hkam la na mara ai; mungkan hpe tara jeyang na Karai Kasang gaw teng teng nga nga ai,” nga nna masha ni tsun wa na mara ai.

GA SHAGAWP 11:18

Tara n lang ai masha ni gaw teng teng hpa mung lu la nga ai n rai ti mung; teng man ai amu hpe, nang galaw nga ai rai yang chyawm gaw shagrau sha-a ai kumhpa hpe nang teng teng hkam la lu na rin dai.

ESAIA 3:10

Ding hpring ai wa gaw a lu na ra ai, arai shagu shanhte a matu mai kaja na ra ai. Shanhte gaw shanhte galaw ai amu a majaw kabu gara na mara ai.

YEREMIA 2:30

Ngai nang hpe ari jaw nngai, rai ti mung dai gaw mai kaja lam hpa mung n galaw ya nga ai; nang gaw ngai hpe shading sharai shangun nga ai n rai. N-yun bu ai hkanghkyi langai zawn na a myihtoi ni hpe nang sat kau nit dai.

YEREMIA 26:8

dai Madu ngai hpe tsun shaga na matu hkang dat ai ga yawng tsun ngut ai hte rau, shanhte gaw ngai hpe gang magra da ai hte ning nga jahtau tsun ma ai: “Ndai lam a majaw nang gaw sat kau hkrum na ging nga ndai!

YEREMIA 37:14

Ngai gaw, “Dai hku n rai law! Ngai n hprawng shang mat wa nngai,” ngu nna htan ni ai. Rai ti mung, Iriya gaw ngai tsun ai ga hpe n madat ya wu ai. Shing rai na malai, shi gaw ngai hpe rim la nna du salang ni nga ai de woi sa mat wa wu ai.

MAHTE 16:27

Hpa majaw nga yang, dai Masha Kasha gaw Kawa a hpung shingkang hte shi a lamu kasa ni hte nawng, du na ra ai; dai shaloi e, tinang galaw ai hte maren langai hte langai hpe htang na ra ai.

MAHTE 6:16

“Nanhte lusha gam myit yang, sawt ai masha ni zawn yawn kanyung ai myi man nsam hkum shapraw myit. Shanhte gaw tinang lusha gam nga ai lam shadan dan mayu nna, shanhte a myi man hpe jasum ma ai. Nanhte hpe ngai teng teng tsun made ga, shanhte tinang a shabrai yawng lu la manu ai.

LUKA 13:34

“Yerusalem e, Yerusalem e, myihtoi ni hpe sat kau kau rai nna, nang hpang de Karai Kasang shangun dat ai kasa ni hpe mung nlung hte kabai sat kau ndai. U kanu gaw, uhkai ni hpe, shi a singkaw npu e jahpawng da ai zawn, na a amyu masha ni yawng hpe ngai gade lang jahpawng da mayu timung, nang n hkraw ndai.

LUKA 6:23

Dai zawn hkrum sha ai shaloi, kabu nna gumlawt nga mu, hpa majaw nga yang, sumsing lamu e nanhte a shabrai kaba nga malit dai. Shanhte a kaji kawa ni mung myihtoi ni hpe dai zawn di yu manu ai.

LUKA 6:35

Nanhte chyawm gaw, nanhte a hpyen ni hpe tsaw ra mu; hpa mung lu la na n myit mada ai sha hkoi shap ya mu. Shing rai yang, nanhte shabrai kaba lu na hte, Tsaw Htum ai Karai Wa a kasha ni mung nanhte tai na marin dai; hpa majaw nga yang shi gaw chyeju malap kau ai ni hte, n hkru n hkra re ai ni hpe chyeju galaw mu ai.

KASA 16:25

Ya shana yuptung hpawa e Pawlu yan Sila gaw akyu hpyi ai hte, Karai Kasang hpe mahkawn shakawn nga ma ai rai nna, bawng dung ai ni shan a ga madat nga ma ai.

KASA 5:41

Kasa ni gaw shanhte hpe Madu Yesu a majaw kaya kahpa hkrum ging ai re ngu nna Karai Kasang e sawn ya hkrum ai majaw kabu gara ai hte Yuda kongsi hpawng kaw na pru mat wa ma ai.

ROMA 5:3

Dai hta n ga anhte hkrum ai tsin-yam tsindam ni hta mung kabu gumrawng ga ai; hpa majaw nga yang dai tsin-yam tsindam gaw shakut sharang ai,

1 KORINHTU 3:8

Nli tum hkai da ai wa hte hka jaw ai yan hta hpa shai hkat ai n rai, langai sha rai nga ma ai. Karai Kasang gaw langai hte langai hpe tinang a galaw shakut sharang ai hte maren shabrai jaw na maru ai.

2 KORINHTU 4:17

Bai anhte jahkring jahkra hkrum hkra nga ai tsin-yam tsindam kaji kajaw mahtang gaw anhte hpe ruyak jam jau hta grau kaba ai hte htani htana re hpung shingkang hpe hkam la shangun na ra ai.

HPILIPI 1:29

Kaning rai nme law, nanhte gaw Hkristu hpe kam sham ai hku nna sha n rai; shi a matu mara nni nkri hkam ai hku nna mung, shi a magam hpe gun hpai na ahkang chyeju jaw ya ai hkrum manit dai.

HPILIPI 2:17

Lama rai nna, ngai sat kau hkrum wa ai rai yang, dai gaw nanhte Karai Kasang kaw nawng ya ai nanhte a makam masham a hkungga hte daw jau ai hkungri a ntsa e nye a asak hpe dumhpung hkungga zawn ru jaw nawng jau kau timung, ngai kabu nga nna nanhte hte rau kabu ninglaw nga nngai.

KOLOSE 1:24

Ya chyawm gaw, nanhte a matu mara ngai hkrum ai tsin-yam tsindam hta kabu gara nga nngai. Hkristu gaw shi a hkum hkrang ngu ai Hpung a matu nni nkri hkrum nu ai hte maren, ngai gaw nye a hkum hkrang a matu nni nkri hkam ai hku nna Hkristu a hkum hkrang ngu ai dai Hpung a matu hkam na naw ngam nga ai nni nkri ni hpe ngai hkan shatup karum nga nngai.

KOLOSE 3:24

Karai Kasang gaw shi a amyu masha ni hpe ga ndat tawn da ai shaman chyeju sali wunli hpe nanhte hkam la na rai nga myit dai hpe galoi mung adum nga mu. Hpa majaw nga yang, Hkristu chyawm gaw nanhte daw jau nga ai Madu majing rai nga ai.

1 HTESALONI 2:15

Yuda masha ngu ai ni gaw Madu Yesu hpe mung, myihtoi ni hpe mung, sat kau ai ni rai nna anhte hpe mung zingri zingrat ai ni rai ma ai. Shanhte gaw Karai Kasang sharawng awng na hku n galaw ma ai! Masha shagu a matu n htan shai ai hpyen tai ma ai.

HEBRE 10:34

Nanhte gaw bawng dung ai ni hkrum ai nni nkri hpe hkap shalan shabran lawm myit dai; nanhte a arung arai ni hpe kashun kashe di la kau hkrum ai shaloi mung kabu gara ai hte asum hkam myit dai, hpa majaw nga yang, grau nna kaja reng ai dinggrin anga nga ai arung arai lama mi nanhte naw lu nga myit dai hpe nanhte chye nga myit dai.

HEBRE 11:26

Shi gaw Meshia a matu jahpoi asawng hkrum ai gaw Egutu mungdan a sutgan yawng mayawng hta grau kaja reng nga ai ngu nna myit nawn wu ai, hpa majaw nga yang, shi gaw du na ra ai aten hta bai lu la na shagrau kumhpa hpe myit nga ai.

HEBRE 11:33

Dai ni gaw kam sham ai hte masha mungdan ni hpe gasat nna dang kau lu ma ai, Shanhte gaw ding hpring ai lam hpe hkan sa galaw nna Karai Kasang ga sadi jaw da ai lam hpe hkam la ma ai. Hkanghkyi ni a n-gup ni hpe pat kau lu ma ai.

HEBRE 11:6

Makam masham n rawng yang kadai mung Karai Kasang hpe sharawng awng shangun lu ai n rai, hpa majaw nga yang, Karai Kasang kaw sit shang ai wa kadai mung, Karai Kasang nga nga ai hte shi hpe hkan tam ai ni hpe chyeju htang jaw nga ai, ngu ai hpe kam sham ai wa rai lu na rai nga ai.

YAKU 1:2

Nye a hpu nau ni e, nanhte agung alau amyu myu hte hkrum kadup myit dai shaloi e nanhte a matu kabu gara shara rai nga ai ngu nna hkam la mu.

YAKU 5:10

Nye a hpu nau ni e, Madu a mying ningsang hte htawn tsun ai myihtoi ni a lam hpe myit dum sum ru yu mu; nni nkri hkrum ai shaloi myit galu ai hte hkam sharang ai hpe kasi ningli la mu.

1 PETRU 4:13

Mau nga na malai, nanhte gaw Hkristu a nni nkri hpe Hkristu hte rau shang lawm hkam la nga myit dai majaw kabu gara nga mu. Shing rai yang she shi a hpung shingkang hte dan pru ai shaloi nanhte nachying kabu gara ai hte hpring tsup wa lu na marin dai.

RUHTA 2:12

Nang galaw ai amu a matu dai Madu gaw nang hpe shabrai jaw ya u ga. Shingbyi shingwung a matu nang du sa ndai hte maren, Israela a Madu Karai Kasang kaw nna hkum tsup ai chyeju kumhpa nang hkam la lu u ga law!,” ngu nna htan wu ai.