MAHTE 5:11 - Jinghpaw Common Language Bible 2009

¹¹ “Nanhte nye a hpang hkan nang ai ni re ai majaw, nanhte hpe masha ni asawng asang di nna zingri zingrat nga ma ai hte masu ai hku hkan let mara amyu myu shagun da myit dai shaloi e, nanhte a lu myit dai;

Jinghpaw Hanson Version Bible

¹¹ Nye a lam majaw, masha ni gaw nanhte hpe asawng asang di nna zingri zingrat nga ma ai hte, masu ai hku hkan let mara amyu myu shagun da myit dai shaloi e, nanhte a lu myit dai:

MAHTE 5:11 ပူးပေါင်းရင်းမြစ်များ

SHAKAWN KUNGDAWN 35:11

N hkru n shawp ai masha ni gaw ngai hpe nhtan shai ai hku sakse hkam ya nna; ngai hpa mung n chye lawm ai ru hka amu ni hte ngai hpe mara shagun ma ai.

SHAKAWN KUNGDAWN 44:22

Rai ti mung, na a majaw anhte aten shagu sat kau ai hkrum nga ga ai; sat na san da hkrum ai sagu ni zawn, anhte nawn da ai hkrum nga ga ai.

ESAIA 25:8

Dai Tsaw Htum ai Madu gaw si hkrung si htan hpe htani htana jahten kau na ra ai! Shi gaw masha shagu a myi ni kaw na hkrat ai myi prwi ni hpe katsut kau ya nna, shi a amyu masha ni mungkan ting hta hkrum sha lai wa sai kaya kahpa hpe mung la kau ya na ra ai. Dai Madu shi nan tsun nu ai.

ESAIA 51:7

“Teng man ai amu hpe chye nna nye a sharin achyin ga hpe na a myit masin ni hta kyem da ai wa e, nye a ga madat u. Amyu masha ni nang hpe ashu nna n kaw n law di yang, hkum hkrit et;

ESAIA 66:5

Shi hpe hkrit kamyin ai hte shi a ga madat mara nga ai nanhte gaw dai Madu ning nga tsun ai ga hpe madat mu: “Nang gaw ngai hta sadi dung nga ndai majaw, na a amyu masha majing na nkau mi ngai hpe n ju ai hte nang hte hpa amu mung galaw na mara ai n rai. Shanhte gaw nang hpe ashu ai hte, ‘Dai Madu gaw shi a galu kaba ai hpe madun nna nang hpe hkye la u ga, shaloi nang kabu gara ai hpe anhte mu lu n-ga,’ ngu nna tsun ma ai. Rai ti mung shanhte nan kaya kahpa hkrum na mara ai!

YEREMIA 37:14

Ngai gaw, “Dai hku n rai law! Ngai n hprawng shang mat wa nngai,” ngu nna htan ni ai. Rai ti mung, Iriya gaw ngai tsun ai ga hpe n madat ya wu ai. Shing rai na malai, shi gaw ngai hpe rim la nna du salang ni nga ai de woi sa mat wa wu ai.

MAHTE 10:18

Nye a majaw nanhte hpe up hkang ai du ni hte hkawhkam ni a man e jeyang na matu dun bang wa ai hkrum na marin dai. Dai rai nna shanhte a man e mung, tara maigan masha ni a man e mung, dai Kabu Gara Shiga hpe tsun dan na ahkang lu na marin dai.

MAHTE 10:22

Nye a majaw masha shagu gaw nanhte hpe n dawng n wawm na mara ai. Rai ti mung, htum hkra shakut sharang ai wa gaw, hkye hkrang la ai hkrum na ra ai.

MAHTE 10:25

Dai rai nna sape gaw shi a sara zawn mayam gaw shi a madu zawn rai nga a yang gaw, myit dik ram nga ai. Shanhte gaw nta madu wa hpe Bezebula ngu mu yang gaw, shi a nta masha ni hpe grau n kaja dik ai mying ni shamying na mu ai n rai hka!

MAHTE 10:39

Tinang a asak hpe lahpawt ai wa gaw, asak sum na ra ai; nye a jaw e, tinang a asak jasum ai wa chyawm gaw, asak mu la na ru ai.

MAHTE 19:29

Nye a majaw nta ni, kahpu kanau ni, kajan ni, kanu kawa, kashu kasha ni hte yi hkauna ni hpe kau da ai wa kadai rai ti mung, htam latsa n ga akyu lu la nna htani htana asak a sali wunli hkam la na ru ai.

MAHTE 24:9

“Dai hpang masha ni gaw, nanhte hpe rim la nna ari jaw na hte sat kau na matu ahkang aya lu ai ni a lata de ap kau na marin dai. Nye a mying a majaw, masha amyu baw shagu nanhte hpe n dawng n wawm na mara ai.

MAHTE 27:39

Lam e lai sa wa ai ni mung, shi hpe shatan nhkan di nna, tinang a baw ni hpe kanga let,

MARKU 13:13

Nye a majaw masha shagu nanhte hpe n ju n dawng ai hkrum na marin dai; rai ti mung jahtum du hkra shakut sharang ai wa kadai rai ti mung hkye hkrang la ai hkrum na ra ai.

MARKU 13:9

“Nanhte mahtang tinang dai sadi let nga mu. Nanhte hpe rim la nna tara rung de ap kau na mara ai. Tara jawng ni hta nanhte gaw anu kayat ai hkrum na marin dai; up hkang ai du ni hte hkawhkam ni a man e nye a majaw nanhte tsap nna shanhte hpe dai Kabu Gara Shiga tsun dan lu na rai myit dai.

MARKU 4:17

Rai ti mung shanhte hta ru sung hkra n jung nga ai majaw, shanhte na na n grin ma ai. Dai mungga a majaw ru yak jam jau, shing n rai zingri zingrat ai lam hkrum hkra wa ai shaloi jang shanhte kataw mat ma ai.

MARKU 8:35

Hpa majaw nga yang, tinang a asak hpe hkye la mayu ai wa kadai mung asak sum na ra ai; rai ti mung nye a majaw hte dai Kabu Gara Shiga a majaw shi a asak sum ai wa chyawm gaw, dai hpe hkye la lu na wu ai.

LUKA 21:12

Dai lam ni yawng garai n byin yang, masha ni gaw nanhte hpe rim la nna zingri zingrat di nhtawm, tara jawng ni hta jeyang nna htawng bang kau na matu ap kau ai hkrum na myit dai hte nye a mying a majaw hkawhkam ni hte du ni a man de du na marin dai.

LUKA 21:17

Nye a majaw nanhte hpe masha ni yawng n ju n dawng na mara ai.

LUKA 6:22

Masha ni nanhte hpe n dawng n yawt ai hte dai masha kasha a majaw shadaw jahka di kau nna asawng asang di ai hte, nanhte a mying hpe n hpru n mai ai arai hpe zawn tsun jahpyak hkrum myit yang, nanhte a lu myit dai.

LUKA 9:24

Tinang a asak hkye la mayu ai wa kadai mung, asak sum na ra ai; nye a jaw e tinang asak sum ai wa gaw, asak hkye la lu na wu ai.

YAWHAN 15:21

Rai ti mung shanhte gaw ngai hpe shangun dat ai wa hpe n chye ma ai rai nna, nye a amying a majaw dai zingri zingrat ai lam yawng nanhte hpe di na mara ai.

YAWHAN 9:28

Shaloi shanhte gaw, shi hpe matsa let, “Nang chyawm dai wa a sape rai nga ndai, anhte gaw Mawshe a sape ni rai ga ai.

KASA 9:16

Nye a mying majaw shi hkrum lu na ra ai matsan tsin-yam ni yawng hpe ngai nan shi e madun na we ai,” ngu wu ai.

ROMA 8:36

Dai gaw, “Na a jaw e anhte shani shagu sat kau ai hkrum ga ai; sat na san da ai sagu hpe zawn anhte hpe nawn da mi ai,” nga nna Chyum Laika hta ka da ai hte maren rai nga ai.

1 KORINHTU 4:10

Hpa majaw nga yang, anhte gaw Hkristu a majaw mana angawk ni rai nga ga ai, nanhte mahtang Hkristu hte langai sha rai nga ai hpaji rawng ai ni rai nga myit dai! Anhte gaw n-gun n ja ga ai, nanhte mahtang n-gun ja myit dai; anhte arawng hpoi saga ai, nanhte mahtang hpung rawng ai ni rai nga myit dai.

2 KORINHTU 4:11

Yesu a sak hkrung ai lam gaw anhte a si chye ai hkum hkrang hta dan dawng mu lu u ga, anhte gaw anhte a sak hkrung lam ting hte hta, aten shagu Yesu a matu si hkam na lam hta hkawm sa nga ga ai.

HPILIPI 1:29

Kaning rai nme law, nanhte gaw Hkristu hpe kam sham ai hku nna sha n rai; shi a matu mara nni nkri hkam ai hku nna mung, shi a magam hpe gun hpai na ahkang chyeju jaw ya ai hkrum manit dai.

1 PETRU 2:23

Shi roi asawng hkrum ai shaloi, shi bai roi asawng htang ai n rai; shi nni nkri hkam ai shaloi shi jahkrit sharim ai lam n galaw ai sha teng man ai tara agyi Karai Kasang a lata hta shi a myit mada ai lam ni ap da nu ai.

1 PETRU 4:14

Nanhte Hkristu a hpang hkan nang ai ni re ai majaw roi asawng ai hkrum myit yang nanhte a lu myit dai. Dai gaw hpung shingkang rawng ai wenyi ngu ai Karai Kasang a wenyi gaw nanhte hta e shanu nga ai lachyum rai nga ai.

SHINGRAN 2:3

Nang hkam sharang lu nga ndai hte nye a mying nsang a matu mara tsin-yam tsindam hkam ai hte nang asum mung n jaw ndai.