MAHTE 5:1 - Jinghpaw Common Language Bible 2009

¹ Yesu gaw shawa masha wunawng wuwa kaba hpe mu hkrup jang, dai bum de shi lung wa sai. Dai kaw e shi dung nga yang, shi a sape ni shi kaw du mahkawng shinggrup nga ma ai rai nna,

Jinghpaw Hanson Version Bible

¹ Ya, dai wunawng wuwa ni hpe mu hkrup jang, dai bum de shi lung wa sai: shi dung nga yang, shi a sape ni shi kaw du ma ai rai nna,

MAHTE 5:1 ပူးပေါင်းရင်းမြစ်များ

MAHTE 13:2

Shi hpang de zuphpawng sa wa ai shawa masha wunawng wuwa nau law wa ai majaw, li langai mi hta shi shang dung nga ai rai nna, shawa masha ni mahkra gaw hkin-gau hta e tsap nga ma ai.

MAHTE 15:29

Bai, Yesu gaw dai shara kaw na pru mat wa nna Galile nawng makau hku hkawm sa wa ai. Dai hpang kawng langai mi a ntsa de lung wa nna dai yang e dung nga ai.

MAHTE 4:25

Shing rai, Galile mung hte Dekapoli mung, Yerusalem mare hte Yawdan hka wora hkran na masha wunawng wuwa kaba shi kaw hkan nang ma ai.

MAHTE 5:2

shi shanhte hpe sharin shaga hpang mu ai gaw:

MARKU 3:13

Dai hpang Yesu gaw bum langai de lung wa nna shi kaw hkan nang mayu ai ni hpe mung shi saw shaga mu ai rai nna shanhte shi kaw sa du ma ai.

MARKU 3:20

Dai hpang Yesu gaw nta de wa ai. Shawa masha wunawng kaba langai mi bai sa zuphpawng nga ma ai majaw Yesu hte sape ni shat sha na aten pyi n lu da mu ai.

MARKU 4:1

Bai Yesu gaw Galile Nawng makau e sharin shaga hpang wu ai. Shi kaw sa hpawng shinggrup nga ai shawa masha ni law la nga ma ai majaw, shi gaw nawng na li langai mi hta shang nna dai hta e dung nga ai. Shawa masha ni Yesu shaga ai nsen na lu na daram li hpe hkin-gau hte jahka tawn nna, shawa masha ni gaw nawng makau hkarang ntsa e nga nga ma ai.

LUKA 6:12

Dai nhtoi hte hta Madu Yesu gaw akyu hpyi na nga, dai bum de pru sa wa nna, shana tup Karai Kasang kaw akyu hpyi let nga nga ai.

LUKA 6:17

Kasa ni hte rau bum ntsa kaw na yu wa nna, layang e shi a sape hpung kaba hte rau tsap nga ai shaloi, Yuda mung ting hte Yerusalem mare na mung, nammukdara makau na Turu hte Sidon kaw na mung, masha wunawng wuwa kaba sa hpawng nga ma ai.

LUKA 6:20

Yesu gaw shi a sape ni hpe mada yu nna tsun mu ai gaw: “Nanhte matsan mayan ni a lu myit dai, kaning rai nme law, Karai Kasang a Mungdan gaw nanhte a mungdan rai nga malit dai.

LUKA 9:28

Ndai lam ni tsun ai bat mi daram na ai hpang, Yesu gaw Petru Yawhan, Yaku hte hpe woi nna, akyu hpyi na nga, dai bum de lung wa ai.

YAWHAN 6:15

Yesu gaw masha ni shi hpe adip arip di rim la nna Hkawhkam shatai na maw nga ma ai hpe chye wu ai majaw, shi hkrai sha dai kawng de mayun lung mat wa ai.