MAHTE 4:7 - Jinghpaw Common Language Bible 2009

⁷ Yesu gaw, “Dai Madu na a Karai Kasang hpe nang chyam yu lu na n rai, nga nna mung ka da nga ai,” ngu wu ai.

Jinghpaw Hanson Version Bible

⁷ Bai, Yesu gaw, “Dai Madu, na a Karai Kasang hpe nang chyam yu lu na n rai, nga nna mung ka da nga ai,” ngu wu ai.

MAHTE 4:7 ပူးပေါင်းရင်းမြစ်များ

SHAKAWN KUNGDAWN 106:14

Nam mali kata e, shanhte ra marit nga ai lam hpring nga sai hte; Karai Kasang hpe chyam yu mu ai.

SHAKAWN KUNGDAWN 78:18

Shanhte gaw shanhte sha mayu ai lusha hpe hpyi ai hku nna, Karai Kasang hpe dingsa sa chyam yu nga ma ai.

SHAKAWN KUNGDAWN 78:41

Shanhte gaw Karai Kasang hpe lang hte lang chyam yu nna Israela a chyoi pra ai Karai Kasang hpe, myit machyi shangun wu ai.

SHAKAWN KUNGDAWN 78:56

Rai ti mung, shanhte gaw Chyahtum Chyalai n-gun rawng ai Karai Kasang hpe gumlau nga ma ai hte shi hpe chyam yu nhtawm, shi a hkang da ai tara ni hpe n madat mara nga ma ai.

SHAKAWN KUNGDAWN 95:9

Shanhte gaw shanhte a matu, ngai galaw shapraw dan sai amu ni hpe mu lu manu ai; rai ti mung, ngai hpe dai shara hta chyam yu manit dai.

PRU MAT 17:2

Shanhte gaw Mawshe hpe aput let, “Anhte hpe lu na ntsin jaw mi,” ngu nna tsun ma ai. Mawshe gaw, “Nanhte hpa majaw aput nga myit ta? Nanhte gaw hpa lam a majaw dai Madu hpe chyam mayu nga myit ni?,” ngu nna htan wu ai.

PRU MAT 17:7

Dai shara kaw Israela amyu masha ni mahtang, “Dai Madu gaw anhte hte rau nga nga ai kun?, n nga nga ai kun?, ngu san let, aput ai hte dai Madu hpe chyam dinglik yu ma ai majaw shara dai hpe Masa hte Meriba ngu nna mung shamying ma ai.

ESAIA 8:20

Nanhte gaw shanhte hpe, “Dai Madu nanhte hpe kaning nga sharin nga ai hpe madat mu! Nat myihtoi ni tsun ai ga hpe hkum madat myit, shanhte nanhte hpe tsun ai ga gaw ru yak tsin-yam hpe yeng seng kau ya lu ai n rai,” ngu nna htan na myit dai.

MALAHKI 3:15

Dai hpe anhte mu ai hte maren nga yang, gumrawng gumtawng ai ni gaw kabu gara ai ni rai ma ai. N hkru ai ni gaw ngamu ngamai wa ai sha n-ga, shanhte a n hkru ai arawn alai ni hte Karai Kasang a hkam sharang ai hpe shanhte chyam yu ai hte lawt lu nga ai,’” ngu nna tsun manit dai.

BU HKAWM 14:22

ndai amyu masha ni kadai mung dai mung de shang lu na ma ai n rai, ngu nna ngai ga sadi tawn da nngai. Shanhte mahtang Egutu mung hte nam mali hkan ngai galaw dan sai mauhpa lamik kumla ni hte htoi tu ai nye a hpung shingkang hpe mu lu ma ti mung, nye a galu kaba ai myit hpe shanhte lang hte lang chyam dinglik yu nna nye a ga hpe n madat ya ma ai.

MAHTE 21:16

Shing rai shanhte gaw Yesu hpe, “Ndai ni hpa tsun nga ai hpe nang na da wu ni?,” ngu nna san mu ai. Yesu gaw, “Ngai na nga nngai, Dai Madu gaw “Ma ni hte chyu chyu ai ma chyangai ni hpe mahkawn shakawn ga majing hte daw jau na matu sharin ya da nu ai, nga ai ga Chyum Laika hta nanhte galoi mung n hti yu myit ni?,” ngu nna shanhte hpe tsun mu ai.

MAHTE 21:42

Yesu shanhte hpe tsun mu ai gaw, “Wahpang galaw ai ni akyu n rawng ai ngu nna lata kau ai nlung gaw, ningjut jahtum na ahkyak dik ai nlung tai wa sai. Dai gaw, Madu a majaw byin wa sai rai nna, anhte a man e mauhpa amu nan rai nga ai, nga ai ga hpe, nanhte dai laika hta lang mi pyi n hti yu myit ni?

MAHTE 4:10

Shaloi Yesu gaw, “Satan e pru mat wa u! ‘Dai Madu na a Karai Kasang hpe nang nawku lu na rai nna, shi hpe hkrai daw jau lu na re ai!, nga nna she ka da nga ai,” ngu nna shi hpe htan wu ai.

MAHTE 4:4

Rai ti mung Yesu gaw, “Masha gaw muk hte sha hkrung nga lu na n rai, Karai Kasang a n-gup hta na pru ai mungga nlang hte hte hkrung nga lu na ra ai, nga nna chyum laika hta tsun nga ai,” ngu nna htan wu ai.

LUKA 4:12

Rai ti mung, Yesu gaw, “Dai Madu na Karai Kasang hpe nang chyam yu lu na n rai, nga nna rawng nga ai,” ngu nna htan wu ai.

KASA 15:10

Dai rai yang, ji wa ni e mung n hpai dang anhte mung n dang ai lit hpe sape ni a lahpa hta shagun ga nga nna ya nanhte hpa rai Karai Kasang hpe chyam yu mayu nga myit ta?

KASA 5:9

Shaloi Petru gaw, “Madu a Wenyi hpe chyam yu na nan hpa majaw ndai hku myit hkrum myit ta? Yu u, na a madu wa hpe lup kau ai ni ya chyinghka lam de du wa mara ai rai nna nang hpe mung shanhte hpai kau na mara ai,” ngu wu ai.

1 KORINHTU 10:9

Shanhte nkau mi dai Madu hpe chyam dinglik nna lapu e kawa sat kau ai hkrum ma ai zawn, anhte mung Madu hpe chyam dinglik lu na n rai.

TARA JAHPRANG 6:16

“Masa shara e nanhte galaw myit dai zawn dai Madu nanhte a Karai Kasang hpe chyam dinglik lu na myit dai n rai.

HEBRE 3:9

Karai Kasang gaw, nanhte a nji nwa ni shaning mali shi ning ting, nam mali e ngai galaw dan sai amu hpe mu ma ti mung ngai hpe ninghkap nna chyam yu nga ma ai.