MAHTE 4:24 - Jinghpaw Common Language Bible 2009

²⁴ Dai majaw shi a kajai gumhkawng ai shiga gaw, Suri mung ting hta pri rai wa sai rai nna, masha ni gaw, hkum n pyaw ai ni, ana ahkya amyu myu a majaw machyi hkam sha nga ai ni, nat kap ai ni, ma mu mu ai ni hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya mu ai.

Jinghpaw Hanson Version Bible

²⁴ Dai majaw, shi a kajai gumhkawng ai shiga gaw, Suri mung ting hta e pri rai wa sai rai nna, shanhte gaw, hkum n pyaw ai, machyi makaw amyu myu hte kawa machyi hkrum ai ni hte, nat kap ai, mamu mu ai hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya wu ai.

MAHTE 4:24 ပူးပေါင်းရင်းမြစ်များ

2 SAMUELA 8:6

Dai hpang shi gaw shanhte a lamu ga hta hpyen dap tawn da wu ai rai nna shanhte mung shi a up hkang ai npu hta taw ai hte shi hpe ahkun hkanse bang ya ma ai. Dai Madu mung Dawi hkawm sa ai shara shagu hkan awng dang shangun nga ai.

1 HKAWHKAM 10:1

Sheba hkawhkam jan gaw Shawlumon a mying kajai gumhkawng nga ai hpe na jang, shi hpe htai yak na zawn nawn ai ga san ni hpe san let chyam yu na nga, Yerusalem mare de sa wa wu ai.

1 HKAWHKAM 4:31

Shi gaw masha yawng mayawng hta hpaji rawng htum ai wa rai nna Ezrahi masha Ehtan, Mahola kasha Heman, Hkalahkola, Darda ni hta pyi grau nna hpaji rawng nga ai majaw htingbu mungdan ni hkan shi a gumhkawng ai lam chyam bra mat wa nga ai.

1 HKAWHKAM LABAU 14:17

Dawi a kajai gumhkawng ai lam gaw mung shagu hta dan hkung wa nna, dai Madu mung amyu baw shagu ni shi hpe hkrit mu ga nga, shabyin dat wu ai.

1 HKAWHKAM LABAU 29:2

Nawku Htingnu a matu ja, gumhpraw, magri mang, hpri, hpun ngau, manu dan ai nlung, lungseng, nsam amyu myu hte maka ka na nlung hte lung hpraw law law re ai arung arai ni hpe hkyen da na matu n-gun lagaw mahkra hte ngai lajang shajin da ni ai.

PRU MAT 15:26

Shi gaw, “Nye a hkang da ai ga ni hpe shadik shatup nna, ding man ai hku galaw ai hte nye a ga matsun hpe tsep kawp madat mara hkan sa myit dai rai yang chyawm gaw Egutu masha ni hta ngai shakap ai ana ahkya hpa hte mung, nanhte hpe ngai ari jaw na made ai n rai. Ngai gaw nanhte hpe shamai ya ai dai Madu rai nga nngai,” ngu nna tsun wu ai.

MAHTE 12:22

Dai shaloi jang, myi kyaw ai hte n chye shaga ai nat kap ai wa langai mi hpe shi kaw woi bang mu ai. Yesu gaw dai wa hpe shamai ya wu ai rai nna, n chye shaga ai wa gaw shaga lu ai hte myi mu lu nu ai.

MAHTE 14:1

Dai aten hta e, Galile Ginwang up ai Herod munggyi gaw Yesu a kajai gumhkawng ai shiga hpe na lu wu ai.

MAHTE 15:22

Dai buga shara e nga ai Hkanan amyu numsha langai mi, shi kaw sit sa nna, “Dawi a Kasha Madu e, ngai hpe matsan dum e law; nye a shayi sha nat e zingri nna grai machyi sawng nga ai,” nga nna jahtau let tsun wu ai.

MAHTE 17:15

“Madu e, ngai sha hpe matsan dum la ya e law! Shi ma mu mu ai rai nna wan hta mung, hka hta mung law law lang htan malap kadawng bang bang re ai.

MAHTE 17:18

Yesu gaw dai nat hpe daru kau wu ai rai nna, dai ma gaw shaloi jang mai mat lu ai.

MAHTE 4:23

Yesu gaw Galile mung ting hta kawan hkawm let, tara jawng ni hta sharin shaga nga nna, dai Mungdan a lam Kabu Gara Shiga ni hpe hkaw dan ai hte, mung masha ni a machyi makaw amyu myu hte ana ahkya amyu myu hpe shamai shatsai ya wu ai.

MAHTE 8:28

Ya hka nawng wora hkran Gadara ginwang de sa du ai shaloi, lup wa e sa nga ai nat kap ai masha lahkawng Yesu hte sa hkrum ma ai. Shan hta nat kap nna nachying n hkru la nga ma ai majaw, dai lam hku kadai mung n lai hkawm gwi ma ai.

MAHTE 8:33

Wa rem ai ni chyawm gaw hprawng mat wa ma ai hte, dai mare de shang nna, byin mabyin hte hte, nat kap ai yan a lam hpe tsun dan mu ai.

MAHTE 8:6

“Madu e, nye a shangun ma gaw katsing si ai ana hte nta e yup ra hta n lu shamu hkra aja awa machyi hkrum sha nga ai,” ngu nna shi hpe hpyi nem wu ai.

MAHTE 9:26

Dai lam a shiga gaw dai mung ting hta pri chyam bra wa ai.

MAHTE 9:35

Dai hpang Yesu gaw, mare kahtawng shagu hkan e kawan hkawm nna, shanhte a tara jawng ni hta sharin shaga ya ai hte sumsing lamu Mungdan a Kabu Gara Shiga hpe hkaw dan let, ana ahkya amyu myu hte, machyi makaw amyu myu hpe shamai shatsai ya mu ai.

MARKU 1:28

Shaloi jang Yesu a lam shiga ni gaw Galile mung shara shagu hkan e chyam bra mat wa ai.

MARKU 1:32

Ya, jan shang wa ai hpang shana ahkying du jang, masha ni gaw machyi makaw hkrum ai ni hte nat kap ai masha ni yawng hte hpe Yesu kaw woi sa ma ai.

MARKU 2:3

Dai shaloi hkum katsing si ai wa langai mi hpe masha marai mali Yesu kaw hpai sa mu ai.

MARKU 2:4

Masha wunawng sa hpawng chyat nga ai majaw shanhte gaw dai wa hpe shi kaw n jashawn lu mu ai. Dai majaw shanhte gaw nta numgaw ntsa de bai lung wa nna Yesu a ntsa ang ang na nta galup da ai wut pa ni hpe kayen gaw kau nna hku shawaw la nhtawm, dai wa hpe shi a yupra panep hte hpawn sumri hte shayu jahkrat dat mu ai.

MARKU 2:9

Ndai hkum katsing si ai wa hpe, ‘Na yubak dat kau ya sade ai,” shing n rai, ‘Rawt u, na yupra panep hta hpai nna hkawm wa su, ngu nna tsun na gara mahtang grau loi nga a ta?’

LUKA 2:2

Dai jahpan hta la ai aten gaw Kureni (Quirinius) ngu ai wa Suri mung hta munggyi tai nga yang, shawng hta la ai jahpan rai nga ai.

LUKA 4:14

Dai hpang Yesu gaw Chyoi Pra Ai Wenyi n-gun atsam hpring let, Galile mung de bai wa ai. Dai ginwang shara magup hkan e shi a lam kajai gumhkawng mat wa ai.

LUKA 4:38

Yesu gaw tara jawng na pru nhtawm, Simun a nta de shang wa ai. Simun a kani gaw hkali grai bu nga ai rai nna, shanhte shi a matu hpyi lajin ma ai.

LUKA 5:15

Rai ti mung, shi a lam shiga gaw grau nna kajai gumhkawng ai lam pri rai wa ai hte, shawa masha wunawng wuwa gaw, ga madat na matu mung, shanhte a machyi makaw mai na matu mung, sa hpawng ma ai.

LUKA 5:24

Dai Masha Kasha gaw ga ntsa e yubak mara ni hpe dat kau ya ai ahkang aya lu ai gaw, nanhte hpe ya ngai sakse madun na nngai,” ngu mu ai. Shing rai shi gaw, dai katsing si ai wa hpe, “Nang hpe ngai tsun de ga, rawt u, na a nba panep hta hpai nna nta de wa nu,” ngu nna tsun wu ai.

LUKA 7:17

Ndai Yesu a lam a shiga gaw, Yuda mung ting hte grup yin shara shagu kajai gumhkawng mat wa ai.

YAWHAN 10:21

Rai ti mung nkau mi gaw, nat shung ai masha langai mi ndai zawn nga nna n tsun shaga lu ai! nat gaw myi n mu ai masha hpe gara hku myi hpaw ya lu a ni?,” nga ma ai.

KASA 10:38

Nazaret wa Yesu gaw Karai Kasang kaw na Chyoi Pra ai Wenyi hte n-gun atsam gara hku hkam la lu ai hpe mung nanhte chye nga myit dai. Karai Kasang gaw Yesu hte rau rai nga ai majaw shi gaw shara shagu kawan katsan hkawm nna masha ni hpe mai kaja ai amu galaw ya let, nat gumlau e zingri zingrat hkrum ai ni yawng mayawng hpe shamai shatsai ya nga ai.

KASA 15:23

shan a lata hku laika langai mi ka ya dat mu ai. Dai laika hta: “Nanhte a hpu nau ni rai nga ai anhte kasa ni hte salang ni gaw, Antioki mare hte Suri mung, Kiliki mung hkan e nga ai maigan amyu Hkristan hpu nau ni hpang de ngwi pyaw ai ga shana shakram dat ga ai.

KASA 15:41

Shing rai Pawlu gaw, Suri mung Kiliki mung hku ga sa wa nna hpung ni hpe shadaw shangang wu ai.

KASA 28:9

Shing rai byin ai majaw zunlawng na kaga machyi ai masha ni yawng Pawlu hpang sa ma ai rai nna shamai shatsai ai lu la ma ai.

KASA 8:7

N seng ai nat shung nga ai masha ni law law kaw nna nat ni gaw nsen kaba hte jahtau marawn let pru mat shajang ma ai. Lagaw hten ai ni hte katsing si ai ni law law mung mai mat shajang ma ai.

YAWSHU 6:27

Dai rai nna Madu gaw Yawshu hte rau nga nga ai rai nna shi a mying gumhkawng ai gaw mung ting hta chyam bra nga ai.