MAHTE 4:23 - Jinghpaw Common Language Bible 2009

²³ Yesu gaw Galile mung ting hta kawan hkawm let, tara jawng ni hta sharin shaga nga nna, dai Mungdan a lam Kabu Gara Shiga ni hpe hkaw dan ai hte, mung masha ni a machyi makaw amyu myu hte ana ahkya amyu myu hpe shamai shatsai ya wu ai.

Jinghpaw Hanson Version Bible

²³ Bai, shi gaw Galile mung ting hta kawan hkawm let, shanhte a tara jawng ni hta shi sharin shaga nga nna, dai mungdan a kabu gara shiga hpe hkaw dan ai hte, mung masha ni a machyi makaw amyu myu hte ana ahkya amyu myu hpe shamai shatsai ya wu ai.

MAHTE 4:23 ပူးပေါင်းရင်းမြစ်များ

SHAKAWN KUNGDAWN 103:3

Shi gaw nye a yubak yawng hte hpe raw dat kau ya nga ai; nye a ana ahkya yawng hte hpe mung, shi shamai shatsai ya nga ai.

SHAKAWN KUNGDAWN 74:8

Shanhte gaw anhte yawng hte hpe atsai awai agrawp kau mayu nga masai; dai lamu ga hta nga ai chyoi pra ai shara shagu hte hpe shanhte wan nat kau da manu ai.

MAHTE 11:5

Myi kyaw ai ni myi mu lu ma ai, lagaw hten ai ni hkawm sa lu ma ai, manggang kap ai ni san pra wa lu ma ai, na lahpang ai ni na lu ma ai, si mat ai ni sharawt la ai hkrum ma ai, matsan mayan ni a matu Kabu Gara Shiga hkaw dan nga ai.

MAHTE 12:9

Yesu gaw dai shara kaw nna pru hkawm mat wa nhtawm, tara jawng langai mi hta shang wu ai.

MAHTE 13:19

Dai mungdan a lam na la ai ni kadai rai ti mung, dai hpe n chye na ai ni gaw, lam makau e hkrat ai nli tum hte bung ma ai. N hkru ai wa sa du nna shanhte hta gat bang tawn ai nli tum hpe shaw la kau ya wu ai rai nga ai.

MAHTE 13:54

shi a buga mare de du wa ai. Tara jawng ni hta shi hkaw tsun sharin shaga mu yang, na la ai ni yawng mau mat ai hte, “Ndai wa gaw ning re ai hpaji byeng-ya hte lamik kumla daru magam atsam kanang na lu wu hka!

MAHTE 14:14

Li hta na pru wa yang, masha wunawng wuwa kaba hpe mu hkrup nna, shanhte hpe matsan dum ai hte machyi makaw hkrum ai ni hpe shamai shatsai ya mu ai.

MAHTE 24:14

Dai mungdan a Kabu Gara Shiga a lam hpe, masha amyu baw shagu a matu mara sakse tai u ga, mungkan ting hta e hkaw dan lu na rai nga ai; dai hpang e jahtum nhtoi gaw du na ra ai.

MAHTE 3:2

shi gaw, “Sumsing lamu a mungdan du magang ra ai majaw, nanhte a yubak mara ni kaw na myit malai lu mu!” nga nna hkaw tsun hpang wu ai.

MAHTE 9:35

Dai hpang Yesu gaw, mare kahtawng shagu hkan e kawan hkawm nna, shanhte a tara jawng ni hta sharin shaga ya ai hte sumsing lamu Mungdan a Kabu Gara Shiga hpe hkaw dan let, ana ahkya amyu myu hte, machyi makaw amyu myu hpe shamai shatsai ya mu ai.

MARKU 1:14

Yawhan hpe htawng hta rim bang kau ai hpang, Yesu gaw Galile mung de sa du nna Karai Kasang kaw na Kabu Gara Shiga hkaw tsun dan mu ai.

MARKU 1:21

Yesu hte shi a sape ni Kaperna-um mare de sa du ma ai rai nna, hpang shani Bansa Nhtoi e Yesu gaw tara jawng de shang nna sharin shaga nga ai.

MARKU 1:39

Shing rai shi gaw Galile mung ting kawan hkawm nna tara jawng ni hta hkaw tsun dan let nat ni hpe shaden kau mu ai.

MARKU 3:10

Masha law law hpe shi shamai ya nu ai majaw, machyi makaw hkrum ai masha ni law law shi hpe ahtawk la lu hkra nga nna shi kaw anin shadut shang wa ma ai.

MARKU 6:2

Bansa Nhtoi hta tara jawng e shi sharin shaga hpang nga ai. Dai yang e masha law law wa nga nga ma ai rai nna, shi a sharin shaga ai lam hpe na lu ai ni yawng mau mahka mat ma ai. Ndai wa gaw, “Dai hpaji atsam hpe kanang na lu la wu ai kun? Shi lu ai hpaji machye machyang gaw hpa baw hpaji rai nga a ta? Shi gaw lamik kumla ni hpe gara hku galaw lu ai kun?

MARKU 6:6

Dai masha ni hta makam masham n nga ai majaw, shi grai mau nga ai. Dai hpang, grup yin hkan na kahtawng ni hta e, shi kawan hkawm nna, masha ni hpe sharin shaga nga ai.

LUKA 10:9

Dai mare na machyi ai ni hpe shamai ya nna, dai yang na masha ni hpe, ‘Karai Kasang a Mungdan gaw nanhte hte ani sha du ra ai,’ ngu nna tsun dan mu.

LUKA 13:10

Bansa Nhtoi e Tara Jawng langai mi hta, Yesu sharin shaga nga ai.

LUKA 16:16

“Mawshe a jep ai Tara hte myihtoi ni a laika ni gaw Hkalup Sara Yawhan a lakhtak du hkra ngang kang ai hte grin nga ai. Dai kaw nna gaw Karai Kasang a Mungdan a Kabu Gara Shiga ni hpe hkaw tsun nga ai rai nna, masha shagu gaw Karai Kasang a Mungdan hta anin katut shang wa ma ai.

LUKA 20:1

Lani mi hta Yesu gaw, Nawku Htingnu hta masha ni hpe sharin shaga nga ai hte Kabu Gara Shiga hkaw tsun nga yang, hkinjawng agyi ni, Tara sara ni hte agyi salang ni gaw shi hpang de sa ma ai.

LUKA 4:14

Dai hpang Yesu gaw Chyoi Pra Ai Wenyi n-gun atsam hpring let, Galile mung de bai wa ai. Dai ginwang shara magup hkan e shi a lam kajai gumhkawng mat wa ai.

LUKA 5:17

Lani mi hta Yesu sharin shaga nga yang, Galile mung, Yuda mung, kahtawng shagu hkan na hte, Yerusalem mare de na Hparishe ni hte Tara Sara ni sa du dung nga ma ai. Machyi shamai ya na matu Madu Karai Kasang a atsam gaw Yesu hta nga nga ai.

LUKA 6:17

Kasa ni hte rau bum ntsa kaw na yu wa nna, layang e shi a sape hpung kaba hte rau tsap nga ai shaloi, Yuda mung ting hte Yerusalem mare na mung, nammukdara makau na Turu hte Sidon kaw na mung, masha wunawng wuwa kaba sa hpawng nga ma ai.

LUKA 6:6

Bansa Nhtoi kaga hta mung, Yesu gaw, tara jawng langai mi hta shang nna sharin shaga wu ai. Dai yang e hkra lata katsing si ai masha langai mi nga ai.

LUKA 7:21

Dai ahkying e nan Yesu gaw, shanhte a machyi makaw ni, ana ahkya ni hte n hkru ai nat kap ai ni hpe shamai kau ya mu ai, myi kyaw ai masha law law hpe mung myi bai mu lu shangun mu ai.

LUKA 7:22

Yawhan a kasa yan hpe shi htan mu ai gaw, “Wa nna Yawhan hpe, nan mu lu, na lu ai lam ni tsun dan mu, myi n mu ai ni myi bai mu lu ma ai; Lagaw hten ai ni bai hkawm sa ma ai; manggang kap ai ni san pra wa lu ma ai; na lahpang ai ni na lu ma ai; si mat ai ni sharawt la ai hkrum ma ai; matsan mayan ni hpe Kabu Gara Shiga hkaw dan nga ai.

LUKA 8:1

Dai hpang gade n na yang, Yesu gaw Mare ni hte kahtawng ni de du hkawm sa nna, Karai Kasang a Mungdan lam Kabu Gara Shiga ni hpe hkaw tsun nga ai. Sape shi lahkawng hte mung shi hte rau hkawm sa ma ai.

LUKA 9:11

Shawa masha ni mung dai hpe hkan chye jang, shi hpang de hkan sa ma ai rai nna, shanhte hpe hkap la nhtawm, Karai Kasang a Mungdan lam hkaw dan let machyi mai mayu ai ni hpe shamai ya mu ai.

LUKA 9:60

Yesu gaw, “Masha jasi ni gaw tinang a jasi ni hpe makoi mu ga, nang gaw Karai Kasang a Mungdan lam sa hkaw dan su,” ngu nna htan wu ai.

YAWHAN 18:20

Yesu gaw, “Ngai galoi mung masha yawng mayawng a man e, dan dan leng leng hkaw tsun ni ai, Yuda masha ni nlang zuphpawng ai tara jawng ni hta mung, Nawku Htingnu hta mung, ngai sharin shaga ni ai. Makoi magap nna ngai hpa mung n hkaw n tsun nngai.

YAWHAN 6:59

Ndai gaw Kaperna-um mare na tara jawng hta, shi sharin shaga nga yang tsun ai ga rai lu ai.

YAWHAN 7:1

Dai hpang Yesu gaw Galile mung hkan hkawm sa nga ai. Ahkaw ahkang lu ai Yuda masha ni shi hpe sat kau na la nga ma ai majaw Yuda mung e n hkawm mayu wu ai.

KASA 10:38

Nazaret wa Yesu gaw Karai Kasang kaw na Chyoi Pra ai Wenyi hte n-gun atsam gara hku hkam la lu ai hpe mung nanhte chye nga myit dai. Karai Kasang gaw Yesu hte rau rai nga ai majaw shi gaw shara shagu kawan katsan hkawm nna masha ni hpe mai kaja ai amu galaw ya let, nat gumlau e zingri zingrat hkrum ai ni yawng mayawng hpe shamai shatsai ya nga ai.

KASA 18:4

Bansa Nhtoi shagu tara jawng hta Yuda masha ni hpe mung, Grik masha ni hpe mung kam sham wa hkra dai mungga lam ni woi bawng ban tsun sang lang dan nga ai.

KASA 20:25

“Ngai gaw Karai Kasang a Mungdan lam hpe nanhte hpang de hkaw tsun kawan hkawm ni ai. Rai ti mung ya gaw nanhte hta na kadai mung nye a myi man hpe htawm hpang de galoi mung bai n mu lu na rai myit dai hpe ngai chye nga nngai.

KASA 28:31

Karai Kasang a mungdan lam hkaw dan ai hte Madu Yesu Hkristu hte seng ai lam n dut n dang nden ja ai myit hte hkaw tsun sharin shaga nga ai.

ROMA 10:15

Hkaw tsun na ni hpe n shangun dat yang gaw, shanhte kaning rai hkaw dan lu na ma ta? Dai Chyum Laika hta tsun ai hte maren, “Mai kaja ai lam Kabu Gara Shiga hpe la sa ai ni gaw gade wa mauhpa rai nga malu hka!,”