MAHTE 4:17 - Jinghpaw Common Language Bible 2009

¹⁷ Dai aten kaw nna Yesu gaw, “Sumsing lamu a mungdan du magang ra ai rai nna, nanhte a yubak mara ni kaw na myit malai lu nna kayin wa marit!,” nga nna hkaw tsun hpang nga ai.

Jinghpaw Hanson Version Bible

¹⁷ Dai aten kaw nna Yesu gaw, “Sumsing lamu a mungdan du magang ra ai rai nna, myit malai lu mu,” nga nna hkaw nga ai hte tsun hpang nga ai.

MAHTE 4:17 ပူးပေါင်းရင်းမြစ်များ

MAHTE 10:7

Pru hkawm nna ‘Sumsing lamu a Mungdan gaw ni wa magang ra ai,’ ngu nna hkaw tsun dan mu.

MAHTE 11:12

Hkalup Sara Yawhan hkaw tsun hpang ai ten kaw nna, ya ndai shani du hkra, sumsing lamu a Mungdan gaw kashun kashe dang lu n-gun lang ai ni gaw dai mungdan hpe kashun shing nyen la na matu shakut nga ma ai.

MAHTE 13:11

Yesu gaw, “Sumsing Lamu a Mungdan a makoi magap da ai sung htum ai lam ni hpe chye lu na ahkang nanhte hpe jaw da sai; rai ti mung kaga ni gaw dai ahkang n lu ma ai.

MAHTE 13:24

Ga shadawn kaga mung, shi shanhte hpe tsun mu ai gaw; “Sumsing Lamu a Mungdan gaw hkauna hta nli kaja gat ai wa hte bung nga ai.

MAHTE 13:47

“Bai, Sumsing Lamu a Mungdan gaw, nga hkan ai ni nawng hta e kabai bang nna, nga amyu myu hpe magawn la ai sumgawn hte bung nga ai.

MAHTE 13:9

“Na tu ai wa gaw na la u ga!,” nga nna ga hpungdim wu ai.

MAHTE 25:1

“Dai shaloi e sumsing lamu a Mungdan gaw, tinang a sau pyengdin ni hpe lang nna la ningnan hpe hkap bawp la na pru sa wa ai mahkawn shi hte bung na ra ai.

MAHTE 3:2

shi gaw, “Sumsing lamu a mungdan du magang ra ai majaw, nanhte a yubak mara ni kaw na myit malai lu mu!” nga nna hkaw tsun hpang wu ai.

MAHTE 6:10

Na a mungdan du wa ru ga, Lamu tang hta na a myit dik nga ai hte maren, ga ntsa e mung dik lit ga law;

MAHTE 9:13

Dai rai nna, ‘Dusat hkungga jaw ai lam n rai, matsan dum ai lam sha ngai tsaw nga nngai,’ nga ai chyum ga a lachyum hpe chye lu myit ga, sa hkan tam sharin la mu; hpa majaw nga yang, ding hpring ai ni hpe shaga na matu n rai, yubak kap ai ni hpe shaga na matu she ngai sa du ring ngai,” ngu mu ai.

LUKA 15:10

Dai hte maren, ngai nanhte hpe tsun made ga, Karai Kasang a lamu kasa ni gaw, yubak kap ai masha langai mi myit malai lu ai majaw kabu gara rai nga ai,” ngu mu ai.

LUKA 15:7

Dai hte maren, ngai nanhte hpe tsun made ga, myit malai lu shara n nga dum ai hkungga ging ai masha jahku shi jahku a majaw kabu gara ai hta, myit malai lu ai yubak kap ai wa langai mi a majaw, sumsing lamu kata e, grau nna kabu gara rai na ra ai.

LUKA 24:47

Shi a mying nsang hte, yubak mara dat ya kau na lam hte myit malai lu na lam shiga hpe Yerusalem kaw nna masha amyu baw shagu hpe hkaw tsun lu na, nga nna ka da nga ai.

LUKA 3:23

Yesu amu galaw hpang ai shaloi asak sumshi ning daram rai wa sai; shi gaw masha ni a myit yu ai hte maren, Yosep a kasha rai nga ai; Yosep gaw Heli a kasha Heli gaw Mahtat a kasha, rai nga ai.

LUKA 5:32

Ding hpring ai hte arawng sadang lu dum ai ni hpe myit malai lu hkra shaga na, ngai sa du ai n rai; yubak kap ai ni ngu ai kabai kau hkrum ai ni hpe shaga na she, sa du nngai,” ngu nna shanhte hpe htan mu ai.

LUKA 9:2

Dai hpang, Karai Kasang a Mungdan lam hkaw tsun dan na hte, machyi makaw shamai ya na matu, shi shanhte hpe shangun dat mu ai.

KASA 11:18

Shanhte dai lam na ma yang, shanhte a mara tam dinglun ai lam jahkring kau nna myit pyaw ai hte, “Aw rai sa, Karai Kasang gaw maigan masha ni hpe mung myit malai lu nna asak hkrung nga na ahkaw ahkang jaw nga a hka!” nga nna Karai Kasang hpe shagrau sha-a ma ai.

KASA 17:30

Karai Kasang gaw shinggyim masha ni shi hpe n chye n chyang nna lai mat sai prat ni hpe yu shalai kau ya mu ai. Rai ti mung, ya gaw shara magup hkan na masha yawng hte hpe tinang a n hkru n kaja ai lam ni kaw na myit malai nhtang wa mu, ngu nna hkang dat ra ai.

KASA 2:38

Petru gaw shanhte hpe, “Nanhte langai hte langai tinang a yubak mara kaw na myit malai lu kayin wa nna nanhte a yubak raw dat kau ya u ga, nanhte hkum shagu Yesu Hkristu a mying nsang hta hkalup hkam la mu; shaloi Chyoi Pra ai Wenyi ngu ai Karai Kasang a kumhpaw kumhpa hpe nanhte lu la na marin dai.

KASA 20:21

Yuda masha ni hpe mung, maigan masha ni hpe mung, shanhte a yubak mara ni kaw na Karai Kasang hpang de myit malai kayin wa nna, anhte a Madu Yesu hpe kam sham na matu mung, ngai aja awa sadi jaw shadum shahprang ni ai.

KASA 26:20

Dai lam hpe shawng nnan Damasku mare, dai hpang Yerusalem mare hte Yuda mung ting na masha ni hte maigan amyu masha ni myit malai lu nna Karai Kasang hpang de kayin wa nhtawm myit malai hte gingdan ai arawn alai shachyen mu ga, ngai hkaw dan nngai.

KASA 3:19

Dai rai nna Karai Kasang gaw nanhte a yubak mara ni hpe raw dat kau ya myit ga myit malai lu mu, nanhte shing rai myit yang gaw,

HEBRE 6:1

Dai re ai majaw anhte gaw Hkristan makam masham a ga kanu ni hpe tawn kau da nhtawm, makam masham hta kunghpan kaba sai masha ni hte htap htuk ai hkum tsup kunghpan ai sharin shaga ai lam de lahkam sa wa ga. Anhte gaw akyu n rawng amu ni hpe tawn kau da nna Karai Kasang hpe kam sham let,