MAHTE 4:16 - Jinghpaw Common Language Bible 2009

¹⁶ nsin kata e nga pra nga ai masha ni gaw, nhtoi kaba hpe mu lu na mara ai, si ai mung hte de a shingnip kata e nga pra nga ai ni a ntsa de nhtoi dawng pru na ra ai,” nga nna htawn tsun ai.

Jinghpaw Hanson Version Bible

¹⁶ Nhtoi kaba mu lu ma ai rai nna, Si ai mung hte de a shingnip kata hta dung nga ai ni kaw, Nhtoi dawng pru wa sai,” nga nna myihtoi Esaia tsun ai ga dik wa u ga majaw byin nga ai.

MAHTE 4:16 ပူးပေါင်းရင်းမြစ်များ

YOBA 10:22

sin mak ai, si ai shingnip hte kashuk kashak nga ai ga, nhtoi hkum nan sin ai shara rai nga ai.

YOBA 3:5

Dai nhtoi hpe sin mang shangun ai shani hte htat ai nsin shatai kau u; dai hpe sumwi hte ka-up nna jan hpe shingnip kau shangun u.

YOBA 34:22

Mara kap ai wa Karai Kasang a man kaw na makoi nga lu hkra, sin mang ai nsin n nga nga ai.

SHAKAWN KUNGDAWN 44:19

Rai ti mung, zai ai dusat ni a ka-ang hta, nang anhte hpe matsan mayan tawn kau da nna; htat htum ai si ai shingnip hta nang anhte hpe kabai kau da nit dai.

ESAIA 9:1

Ndai ru yak tsin-yam tsindam hkrum ai aten kaw nna lawt lu na lam shanhte a matu nga na ra ai n rai. Zebulun hte Naphtali yan a amyu bawsang ni a lamu ga gaw shawng de kalang mi myi man sum yu nga sai, rai ti mung du na ra ai aten hta gaw Ka-ang Panglai a sinpraw maga kaw nna Yawdan hka a wora hkran na lamu ga du hkra, maigan masha ni shanu nga ai Galile ginwang du hkra na dai lamu ga hta arawng sadang lu wa na ra ai.

ESAIA 9:2

Nsin kata hta hkawm nga ai amyu masha ni gaw nhtoi kaba hpe mu lu manu ai. Shanhte gaw si hkrung si htan mung na shingnip ni hta nga nga ma ai, rai ti mung ya chyawm gaw dai nhtoi shanhte a ntsa e htoi leng nga sai.

YEREMIA 13:16

Shi gaw nsin hpe garai n sin shangun ai hte bum ni a ntsa e nang garai n ahtu kataw nna, shi gaw htat ai nsin de garai n kayin kau ai hte nhtoi hpe nang naw myit mada nga yang, dai Madu na a Karai Kasang hpe shagrau sha-a nga u.

AMO LAIKA (AMOS) 5:8

Dai Madu gaw Kru Majan hte Nhtoi Gintawng shagan ni hpe hpan da nga sai. Shi gaw nsin hpe shani nhtoi, shani hpe shana kayin kau nga ai. Shi gaw panglai hka ni hpe shaga dat nna dai ni hpe ginding aga ntsa e ru dat nga ai. Shi a amying shingteng gaw dai Madu rai nga ai.

MIHKA 7:8

Anhte a gumlau hpyen ni gaw anhte a ntsa e lachyum kata, yu kabu nga ma ai. Anhte kataw mat ai rai ti mung bai rawt wa lu na ga ai. Ya, anhte nsin kata hta rawng nga ga ti mung, dai Madu gaw anhte hpe nhtoi jaw ya na ra ai.

LUKA 2:32

Maigan amyu ni a man e na a myit ra ai lam shadan dan na nhtoi hte, na a amyu Israela a matu hpung shingkang jaw ya na lam rai nga ai,” nga nna tsun ai.