MAHTE 4:11 - Jinghpaw Common Language Bible 2009

¹¹ Shaloi jang dai Nat gaw shi kaw na pru mat wa nna, lamu kasa ni du nna shi hpe galaw daw mu ai.

Jinghpaw Hanson Version Bible

¹¹ Shaloi jang dai Nat gaw shi kaw na pru mat wa nna, lamu kasa ni shi hpe sa galaw daw mu ai.

MAHTE 4:11 ပူးပေါင်းရင်းမြစ်များ

1 HKAWHKAM 19:6

Bai grup yin de shi mada yu dat yu wu yang, shi a baw makau e muk pa mi hte hka yam mi nga nga ai hpe mu wu ai. Shi mung lu sha la nna bai kaleng taw nga wu ai.

MAHTE 26:53

Ngai gaw nye Wa kaw karum hpyi na ahkang lu nna, shi gaw kalang ta lamu kasa dap shi lahkawng n ga hkra, ngai hpang de shangun dat na ra ai hpe nang n chye nga n ni?,” ngu nna shi hpe tsun wu ai.

MAHTE 4:6

“Nang Karai Kasang a Kasha rai n yang gaw, na hkum nan le de jahkrat dat u: hpa majaw nga yang, ‘Karai Kasang gaw, na a matu shi a lamu kasa ni hpe shi hkang da nu ai rai nna, shanhte gaw na a lagaw nlung hta n ahtu u ga, shanhte a lata ni hte nang hpe pawn la na mara ai nga nna ka da nga ai,’” ngu nna shi hpe tsun wu ai.

MARKU 1:13

Dai yang e nhtoi mali shi ya tup shi nga nga ai rai nna Satan e gunglau ai hpe shi hkrum nga ai. Dai yang e nam na matse labye dusat ni mung nga nga ma ai, rai ti mung lamu kasa ni sa du nna shi hpe galaw daw ma ai.

LUKA 22:43

Dai shaloi, lamu de na lamu kasa langai mi shi kaw dan pru nna, shi hpe sa shalan n-gun jaw ya wu ai.

LUKA 22:53

Ngai shani shagu Nawku Htingnu e, nanhte hte rau nga nga yang, nanhte ngai hpe hpa rai n rim myit ta? Rai ti mung ndai ahkying gaw nanhte a ahkying rai nga ai hte nsin a n-gun atsam up ai aten mung rai nga ai,” ngu mu ai.

LUKA 4:13

Nat gaw, Yesu hpe gunglau ai lam yawng shatup ngut jang, shi kaw na tawng marang mi pru nna nga nga ai.

YAWHAN 14:30

Ya kaw nna ngai nanhte hte ga law law n tsun lu na ni ai; hpa majaw nga yang, mungkan ga a du wa gaw du magang ra ai; dai wa chyawm gaw nye a ntsa e hpa ahkang mung n lu na wu ai.

1 TIMOHTI 3:16

Anhte a nawku htung makam masham a sung htum ai lam gaw gade kaba la nga ai hpe kadai mung ningdang shara n nga ai gaw lawu de na hte maren rai nga ai. Shinggyim masha a hkum hkrang hte dan pru wa ai hte ding hpring ai wa rai nga ai lam dai Chyoi pra ai Wenyi e shadan dan sai, lamu kasa ni mung shi hpe mu lu manu ai. Shi a lam masha amyu yawng hpe htawn tsun dan manu ai. Mungkan masha ni shi hpe kam sham masai, shing rai shi gaw sumsing lamu de shalun la ai hkrum nu ai.

HEBRE 1:14

Dai rai yang gaw, lamu kasa ni gaw kadai ni rai nga ma ta? Shanhte gaw hkye hkrang la ai sali wunli hkam la na ni hpe karum na matu Karai Kasang e shangun dat hkrum ai hte Karai Kasang hpe daw jau nga ai wenyi ni rai ma ai.

HEBRE 1:6

Rai ti mung Karai Kasang gaw shi a Kasha alat hpe mungkan ga de shangun dat na hkyen ai shaloi, shi gaw, “Karai Kasang a lamu kasa ni yawng, shi hpe nawku daw jau lu na,” nga nna hkang dat sai.