MAHTE 4:10 - Jinghpaw Common Language Bible 2009

¹⁰ Shaloi Yesu gaw, “Satan e pru mat wa u! ‘Dai Madu na a Karai Kasang hpe nang nawku lu na rai nna, shi hpe hkrai daw jau lu na re ai!, nga nna she ka da nga ai,” ngu nna shi hpe htan wu ai.

Jinghpaw Hanson Version Bible

¹⁰ Dai rai nna Yesu gaw, “Satan e, pru mat wa u; dai Madu, na a Karai Kasang hpe nang nawku lu na rai nna, shi hpe hkrai daw lu na re ai,” nga nna she ka da nga ai shi hpe ngu wu ai.

MAHTE 4:10 ပူးပေါင်းရင်းမြစ်များ

1 HKAWHKAM LABAU 21:1

Satan gaw Israela amyu masha ni hpe sharu shatsang mayu wu ai majaw yuptung jahpan hta na matu Dawi hpe myit daw dan shangun wu ai.

YOBA 1:12

Dai Madu gaw Satan hpe, “Rai sa, shi lu malu gaw na a lata hta rai nga lit dai, rai ti mung Yoba hpe nan chyawm gaw hkra lu na ndai n rai,” ngu nna tsun wu ai. Dai rai nna Satan pru mat wa wu ai.

YOBA 1:6

Sumsing sha ni dai Madu a man de dan pru na nhtoi du jang, Satan mung shanhte hta hkan ganan nang nga ai.

YOBA 2:1

Ya sumsing sha ni dai Madu a man de sa shadan dan na nhtoi bai du jang, Satan mung shanhte a lapran e hkan lawm nang nga ai.

SHAKAWN KUNGDAWN 109:6

Nye a gumlau hpyen wa hpe tara jeyang na matu gumhpraw marin ai tara agyi ni hpe lata san da u, shi a gumlau hpung kaw na marai langai ngai shi hpe mara shagun ai wa tai shangun u.

PRU MAT 23:25

Dai Madu nanhte a Karai Kasang rai nga ai Ngai hpe nawku myit dai rai yang chyawm gaw ngai nanhte hpe malu masha hte lu na ntsin shaman ya nhtawm nanhte a machyi makaw ana ahkya mahkra hte hpe yeng seng kau na we ai.

ESAIA 30:22

Nanhte gaw gumhpraw hte sup ai hpara sumla ni hte ja hte sup ai hpara sumla ni hpe la nna matsat shabat arai zawn dai ni hpe kabai kau nna, “Nye a man kaw na pru mat wa mu!,” ngu nna jahtau tsun na rai myit dai.

MAHTE 16:23

Yesu mahtang kayin nna Petru hpe, “Satan e, ngai kaw na sit mat wa u! Nang myit ai lam gaw, Karai Kasang kaw na n rai, masha kaw na sha nang myit nga ndai majaw, nye a matu myit kataw shara nang rai nga ndai,” ngu nna tsun wu ai.

MARKU 1:13

Dai yang e nhtoi mali shi ya tup shi nga nga ai rai nna Satan e gunglau ai hpe shi hkrum nga ai. Dai yang e nam na matse labye dusat ni mung nga nga ma ai, rai ti mung lamu kasa ni sa du nna shi hpe galaw daw ma ai.

LUKA 10:18

Madu gaw, “Satan gaw lamu de nna myihprap zawn hkrat wa ai hpe ngai mu se ai.

LUKA 11:18

Dai rai nna, Satan a mungdan hta myit n hkrum nna, shada da gasat hkat nga ai rai yang, kaning rai grin nga lu na rai ta? Ngai gaw Bezebula jaw ai atsam hte, nat ni hpe shaden kau nga ai, nga nna tsun myit dai.

LUKA 13:16

Ya ndai Abraham a amyu matu shayi sha hpe mung, shi matsat ning tup, Satan e gyit hkang da ai sumri hta na, Bansa Nhtoi e mai raw dat ai n rai ni?,” ngu nna htan wu ai.

LUKA 22:3

Dai shaloi sape shi lahkawng hta lawm nga ai Iskarut ngu ai Yuda a myit masin hta Satan shang wa sai.

LUKA 22:31

“Simun, Simun! Madat yu u! Nanhte hpe kaja ai hte n kaja ai garan ginhka na matu hkauna galaw ai wa gaw hkaulan mam hpe numhkaw hte mam gu hking ginhka ai zawn, nanhte yawng mayawng hpe jep sagawn na matu Satan wa gaw ahkang lu da nu ai.

LUKA 4:8

Yesu gaw, “Dai Madu na a Karai Kasang hpe nang nawku lu na rai nna, shi hpe hkrai daw jau lu na ndai nga nna ka da nga ai,” ngu nna htan wu ai.

YAWHAN 13:27

Yuda gaw dai muk n-gup mi la sha ngut ai shaloi jang, Satan gaw shi hta shang nu ai. Dai re ai majaw, Yesu gaw, “Nang galaw ra ai amu lau lau galaw u!,” ngu nna shi hpe tsun wu ai.

KASA 26:18

Ngai hpe kam sham ai a marang e shanhte yubak mara ni raw dat kau ai hkrum nna Karai Kasang a lata la ai amyu hta lawm lu mu ga, n sin kata nna nhtoi de, Satan a atsam kata nna Karai Kasang hpang de shanhte kayin wa lu hkra nang shanhte a myi jahpaw ya na rai ndai,’ nga nna ngai hpe tsun nngai.

KASA 5:3

Petru gaw “Anani e, hpa majaw nang gaw Satan wa hpe na myit masin up madu na ahkang jaw ai hte ga dachyawk dut nna lu ai gumhpraw nkau mi tinang a matu ip la ai hku nna dai Chyoi Pra ai Wenyi hpe masu kau n ta?

1 KORINHTU 5:5

Dai tara daw dan ai Madu a nhtoi hta e dai wa a wenyi hkye hkrang la hkrum na matu, dai wa a hkum hkrang hpe jahten kau ra ai majaw, nanhte gaw dai wa hpe Satan a lata de ap kau na rai myit dai.

1 KORINHTU 7:5

Nanhte gaw akyu hpyi na matu, shawng kaw nna jahkring mi aten la na myit hkrum da ai lam sha n nga yang gaw, madu jan madu wa hkum shan kanawn ai lam hpe hkum koi gam nga myit; akyu hpyi ai ten htum ai hpang bai kanawn nga mu. Dai hku rai yang she nanhte n sharang lu ai majaw, Satan e gunglau ai n hkrum na myit dai.

2 KORINHTU 11:14

Ning rai galaw ai gaw mauhpa n rai nga ai! Satan pyi gaw nhtoi a lamu kasa hkrang hpe naw masu dagraw lu nga ai!

2 KORINHTU 12:7

Ngai mu lu ai jahtum chyalai mau hpa shingran a majaw ngai hta myit kaba gumrawng ai lam n nga u ga, nye a hkum shan hta ju machyi ai lam langai mi hkam sha nga nngai. Dai machyi ai lam gaw Satan wa e shangun dat ai kasa wa zawn ngai hpe abyen nna nye a gumrawng ai kawng hpe daw kau ya nga ai.

2 KORINHTU 2:11

Ngai ndai hku galaw ai gaw, Satan wa anhte hpe shawng n nyan sha kau u ga, galaw ai re. Hpa majaw nga yang Satan wa a hpaji daw ai lam hpe anhte n chye ga ai n rai.

TARA JAHPRANG 10:20

Dai Madu nanhte a Karai Kasang hpe hkrit hkungga nna shi hpe chyu sha nawku lu na rai myit dai. Shi hta sadi dung let shi a mying ningsang hta chyu sha ga sadi ni hpe shagrin da lu na rai myit dai.

YAKU 4:7

Dai re ai majaw Karai Kasang a npu e taw nga nna shi a myit ra ai lam hkan mu. Satan wa hpe ninghkap gasat kau mu; shing rai yang shi nanhte kaw na hprawng mat na ra ai.

YAWSHU 24:14

Yawshu gaw, “Ya dai Madu hpe shagrau sha-a nhtawm sadi sahka hte ding man ai hku shi hpe daw jau nga mu. Mesopotamia hte Egutu mung hta nanhte a kaji kawa ni nawku ai hpara sumla ni hpe kau da nhtawm dai Madu hpe chyu sha daw jau nga mu.

1 PETRU 5:9

Nanhte gaw nanhte hkam la sai makam masham hpe shangang shakang da nhtawm, dai hpyen wa hpe hkap shingdang gasat mu; hpa majaw nga yang, mungkan ting na nanhte a kam sham ai hpu nau ni mung dai hte bung ai nni nkri ni hpe hkam nga ai lam nanhte chye nga myit dai.

1 SAMUELA 7:3

Samuela gaw Israela amyu masha ni hpe, “Nanhte a myit kraw lawang mahkra hte dai Madu hpang de kayin wa myit dai rai yang, maigan hpara ni yawng hte karai num Astarte a sumla ni hpe yeng seng kau lu na rai myit dai. Nanhte nan dai Madu hta tsep kawp ap nawng nna shi hpe chyu sha nawku myit dai rai yang, Hpilisti masha ni a lata na shi nanhte hpe hkye mawai la na ra ai,” ngu nna tsun wu ai.