MAHTE 3:9 - Jinghpaw Common Language Bible 2009

⁹ Abraham gaw anhte a kaji kawa rai nga mali ai nga nna tsun nga ai hte sha nanhte a yubak mara a ari kaw na lawt lu na zawn hkum nawn myit, nanhte hpe ngai tsun made ga, Karai Kasang gaw ndai nlung ni hpe la nna Abraham a matu kashu kasha ni hpe hpan shalat lu nga ai!

Jinghpaw Hanson Version Bible

⁹ ‘Abraham gaw anhte a wa rai nga mali ai,’ nga nna tinang a kraw hta e hkum nawn nga myit! nanhte hpe ngai tsun made ga, Karai Kasang gaw ndai nlung ni hta na Abraham a matu kasha hpan shapraw da lu ai.

MAHTE 3:9 ပူးပေါင်းရင်းမြစ်များ

EZEKELA 33:24

Shi gaw ngai hpe, “Si chye ai masha wa e, Israela mung na hten run mat sai mare ni hta shanu nga ai amyu masha ni gaw, ‘Abraham shi hkrai sha nga ti mung, mungdan ting ap ya hkrum nga ai, ya dai mung hta e, anhte law law wa rai nga ga ai, dai rai nna dai mungdan gaw anhte a mungdan rai nga sai,’ ngu nna tsun nga ma ai.

MARKU 7:21

Hpa majaw nga yang, masha a myit kata de nna n kaja ai myit mang ai lam ni pru wa nna, dai gaw shi hpe n hkru n kaja ai arawn alai lam ni hkan sa galaw na, masha arai lagu na, masha sat na,

LUKA 12:17

Dai wa gaw shi a myit hta, ‘Nye a nsi naisi ni hpe shinggyin bang da na shara n lu nngai, ngai hpa galaw yu na i?,’ nga ai.

LUKA 16:24

Shaloi shi gaw, ‘Wa Abraham e, ngai hpe matsan dum la e law! Ngai gaw ndai wan grung ai hta nji nmu machyi hkrum nga nngai majaw, Lazaru gaw shi a lata ndung hte ntsin loi mi hta kapruk sa nna, nye a shinglet madit katsi ya lit ga, ngai hpang de shangun dat ru law,’ ngu nna hpyi jahtau wu ai.

LUKA 19:40

Yesu gaw, “Ngai nanhte hpe tsun made ga, ndai ni atsin sha nga ma yang gaw, nlung ni shanhte dai jahtau na mara ai,” ngu nna htan wu ai.

LUKA 3:8

Dai majaw nanhte a yubak mara ni kaw na myit malai kayin wa sai ngu nna tsun lu hkra re ai lam hkan sa galaw mu. Abraham gaw anhte a ji wa rai nga ai, nga nna nanhte shada da hkum tsun myit; nanhte hpe ngai tsun made ga, Karai Kasang gaw ndai nlung ni hpe la nna shi a matu kashu kasha ni hpe hpan shapraw dat lu ai.

LUKA 5:22

Shanhte myit aru yu ai lam hpe Yesu chye wu ai majaw, “Nanhte hpa rai kraw kata hta dai lam ni myit aru yu nga myit ta?

LUKA 7:39

Yesu hpe shaga ai Hparishe wa dai mu jang, “Ndai wa kaja wa myihtoi langai mi rai yang gaw, ndai num gaw kadai re ai, shi hpe kadai wa sa hkra nga ai, ndai num gaw kaning re ai yubak kap ai jan rai nga ai mung, shi chye na wu ai,” nga nna shi a kraw e myit nga ai.

YAWHAN 8:33

Shaloi shanhte gaw, “Anhte gaw Abraham a kashu kasha ni rai nga ga ai rai nna, gade a mayam mung galoi n tai yu ga ai. Dai re ai mi, ‘nanhte hpe shalawt dat na ra ai,’ nga nna kaning rai tsun lu a ta?,” ngu nna jawm san mu ai.

YAWHAN 8:37

Nanhte Abraham a kashu kasha ni rai nga ai gaw, ngai chye nga nngai; rai ti mung nanhte nye a sharin shaga ai ga hpe n hkap la myit dai majaw, ngai hpe sat na nanhte shakut nga myit dai.

YAWHAN 8:53

Nang wa mi, si mat wa sai anhte a wa Abraham hta grau kaba nga n ni? Myihtoi ni mung si mat wa masai; nang gaw, nang kadai wa re ai ngu nna myit nga n ta?,” ngu nna shi hpe tsun mu ai.

KASA 13:26

“Abraham a kashu kasha rai nga ai nye hpu nau Israela amyu masha ni hte nang e Karai Kasang hpe hkrit hkungga nawku daw jau ai kaga maigan amyu sha ni yawng hte e, ndai hkye hkrang la ai mungga gaw anhte hpang de jaw dat ra ai.

KASA 15:14

Karai Kasang gaw shawng nna maigan amyu ni hta na nkau mi hpe shi hte seng ai amyu masha shatai na matu lata shaw la nna shanhte hpe lanu lahku ai lam madun dan manu ai lam Simun tsun shaleng dan sai.

ROMA 4:1

Dai she rai yang gaw, anhte amyu bawsang a kawa daju Abraham a lam hte seng nna hpa tsun nga na naw nga a ni? Shi a mahkrum madup hpa rai ta?