MAHTE 3:8 - Jinghpaw Common Language Bible 2009

⁸ Dai majaw, nanhte a yubak mara ni kaw na myit malai lu nna kayin wa sai lam nanhte a arawn alai hte madun dan mu!

Jinghpaw Hanson Version Bible

⁸ Dai majaw myit malai hte ging dan ai asi si mu!

MAHTE 3:8 ပူးပေါင်းရင်းမြစ်များ

YEREMIA 26:13

Nang shamu shamawt ai arawn alai lam hte nang galaw nga ai amu ni hpe nang galai shai kau nna, dai Madu na a Karai Kasang a hkang da ai ga madat lu na rin dai. Dai zawn nang hkan galaw ai rai yang, nang hpe shi jaw na ari hpe shi tsun da ti mung, dai jahten shabyak ai lam hpe shi myit galai kau na ra ai.

YEREMIA 36:3

Yuda amyu masha ni hta, ngai shanhte a ntsa e galaw na myit shatawng shada da ai jahten shabyak lam mahkra hte seng ai hpe na wa ai shaloi, shanhte gaw n hkru n shawp ai amu kaw na kayin wa dam nhten. Shaloi, ngai gaw shanhte a n hkru n shawp ai hte shut hpyit kau ai yubak mara ni hpe raw dat kau ya na nngai,” ngu nna tsun wu ai.

MAHTE 21:32

Hpa majaw nga yang, hkalup sara Yawhan gaw nanhte kaw sa nna teng man ai lam hpe hkap la na matu madun dan nga ai hpe nanhte n kam sham myit dai, rai ti mung kang hta ai ni hte shawa num ni chyawm gaw shi hpe kam sham ma ai.

LUKA 3:8

Dai majaw nanhte a yubak mara ni kaw na myit malai kayin wa sai ngu nna tsun lu hkra re ai lam hkan sa galaw mu. Abraham gaw anhte a ji wa rai nga ai, nga nna nanhte shada da hkum tsun myit; nanhte hpe ngai tsun made ga, Karai Kasang gaw ndai nlung ni hpe la nna shi a matu kashu kasha ni hpe hpan shapraw dat lu ai.

KASA 26:20

Dai lam hpe shawng nnan Damasku mare, dai hpang Yerusalem mare hte Yuda mung ting na masha ni hte maigan amyu masha ni myit malai lu nna Karai Kasang hpang de kayin wa nhtawm myit malai hte gingdan ai arawn alai shachyen mu ga, ngai hkaw dan nngai.

EHPESU 5:8

Moi shawng de nanhte mung ningsin hta nga lai wa yu manit dai; rai ti mung ya e Madu a masha ni tai wa manit dai rai nna nhtoi de du shang manit dai. Dai re ai majaw, nanhte gaw nhtoi a kashu kasha ni zawn hkan galaw nga mu.

EHPESU 5:9

Hpa majaw nga yang dai nhtoi gaw mai kaja ai lam amyu myu, ding hpring ai hte teng man ai lam ni hpe shabyin ya nga ai.

HPILIPI 1:11

Dai hta n-ga, Karai Kasang a hpung shingkang dan hkung wa na hte shi a arawng sadang hpe masha ni shakawn shagrau mu ga, Yesu Hkristu a marang e sha, lu la ai kaja dik ai ding hpring ai asi ni gaw nanhte a asak hkrung lam ni hta hpring tsup wa na malit dai.