MAHTE 3:7 - Jinghpaw Common Language Bible 2009

⁷ Hparishe ni hte Saduke ni law law wa hkalup hkam la na nga nna shi kaw sa wa ma ai hpe Yawhan mu wu yang, shi shanhte hpe, “Pu htum amyu ni e, Karai Kasang kaw na du magang ra ai ari hta na hprawng lawt mat lu myit ga, nanhte hpe kadai tsun shadum da myit ta?,” ngu nna tsun mu ai.

Jinghpaw Hanson Version Bible

⁷ Ya Hparishe hte Saduke masha law law wa baptisma hkam la na nga sa ma ai hpe shi mu mu yang, shanhte hpe shi tsun mu ai gaw, “Pu htum amyu ni e, du magang ra ai yubak ari hta na hprawng wa lu myit ga, nanhte hpe kadai shadum da myit ta?

MAHTE 3:7 ပူးပေါင်းရင်းမြစ်များ

NINGPAWT NINGHPANG 3:15

Ngai gaw nang hte shinggyim numsha a lapran hta mung, na a amyu matu hte shi a myu matu hpe mung n ju n dawng shangun nna galoi mung gumlau hpyen atai shangun nga na nngai. Shi a amyu matu gaw na a baw hpe abrep nna nang mung shanhte a lahtin hpe achye na ra ai,” ngu nna tsun wu ai.

GA SHAGAWP 28:4

Tara hpe nang n hkungga ai rai yang, nang gaw tara nlang ai masha ni a hpang maga de nga nga ndai; rai ti mung, dai tara hpe nang hkan nang ai wa rai yang chyawm gaw shanhte hte nang nhtan shai nga ai.

ESAIA 59:5

Nang galaw ai n hkru ai maw mawn lam ni gaw atuk rawng ai lapu a di ni zawn si lu nga ai. Adi langai kraw wa nna lapu langai tai wa nga ai! Rai ti mung na a maw mawn ai lam ni gaw nang hpe mai kaja ai amu shapraw dan na n rai-dai ni gaw gindigram tsip hte da ai hpun palawng zawn asung n shang nga ai!

YEREMIA 51:6

Babelon a shut hpyit ai yubak a majaw sat kau ai n hkrum myit ga, Babelon mung kaw nna hprawng mat wa mu! Ngai gaw shanhte hkam la ging ai ari hkam la na matu nye a matai hpe ya dawp na nngai.

YEREMIA 6:10

Ngai gaw, “Ngai shanhte hpe ga shaga nna sadi jaw ai rai yang, nye a ga hpe kadai madat ya na rai ta? Shanhte gaw du ja ai hte na a mungga hpe n kam madat ma ai; nang ngai hpe tsun shangun ai lam hpe shanhte mani asawng kau ya nga ai.

MAHTE 12:24

Hparishe ni dai hpe na ma ai shaloi, “Ndai wa gaw nat ni a du wa Bezebula jaw ai n-gun atsam hte n rai yang gaw, nat ni hpe shaden kau lu na n rai,” nga ma ai.

MAHTE 12:34

Pu htum amyu ni e, nanhte n hkru nga myit dai mi, kaja ai ga kaning rai tsun lu na myit ta? Hpa majaw nga yang, kraw hta hpring chyat nga ai kaw na, n-gup de tsun nga ai.

MAHTE 15:12

Shaloi shi a sape ni shi kaw sit sa nna, “Ya tsun ai ga Hparishe ni na jang, shanhte myit na machyi ma ai hpe nang chye nga n ni?,” ngu nna shi hpe san mu ai.

MAHTE 16:1

Shaloi, Hparishe ni hte Saduke ni Yesu kaw sa du nna, shi hpe chyam dinglik yu let, Karai Kasang kaw na shangun dat ai wa re n re ai lam chye lu na matu lamik kumla madun dan mi ga, hpyi ma ai.

MAHTE 16:6

Shaloi Yesu gaw, “Hparishe ni hte Saduke ni a matsi hpe sadi maja let koi gam nga mu,” ngu nna tsun mu ai.

MAHTE 22:15

Hparishe ni pru mat wa nna Yesu hpe mara shagun lu hkra gara hku ga san ni san na lam bawng ban ma ai.

MAHTE 22:23

Dai shani nan Saduke nkau mi gaw Yesu kaw sit sa wa ma ai. Shanhte gaw si mat wa ai masha ni bai hkrung rawt wa ai ngu ai hpe n kam ai ni rai ma ai.

MAHTE 22:34

Ya, Yesu gaw Saduke ni hpe jasim kau mu ai hpe Hparishe ni na ma yang, shanhte shi kaw sa zup ma ai.

MAHTE 23:33

Lapu ni e, puhtum amyu kashu kasha ni e, ngarai mung a ari hta na, nanhte kaning rai lawt lu na myit ta?

MAHTE 5:20

Dai rai nna, ngai nanhte hpe tsun made ai gaw, Karai Kasang a myit ra ai lam hpe hkan sa galaw ai lam hta Hparishe ni hte tara sara ni hta n grau malit yang gaw, sumsing lamu a mungdan hta nanhte shang lu na myit dai n rai.

MARKU 12:13

Dai hpang shanhte gaw, Hparishe nkau mi hte Herod a hpung kaw na masha nkau mi hpe Yesu hpang de sa nna ga san ni hte mara rim na matu shangun dat mu ai.

MARKU 12:18

“Masha gaw, si ai kaw na bai hkrung rawt wa na n re,” nga nna tsun ai Saduke nkau mi Yesu hpang de sa nna,

MARKU 8:15

Yesu gaw shanhte hpe, “Nanhte gaw Hparishe ni a matsi hte Herod a matsi hpe sadi let koi gam nga mu,” ngu nna sadi jaw mu ai.

LUKA 16:14

Dai mahkra hpe Hparishe ni na ma yang, Yesu hpe asawng asang ngu mu ai, hpa majaw nga yang, shanhte gumhpraw marin ai ni rai nga ma ai.

LUKA 18:11

“Hparishe wa gaw shi hkrai kaga hkran rai tsap nna, ‘Karai Kasang e, ngai gaw hpya lu hpya sha ai, nammak lawhpa ai, n ding n man ai, num shut num shaw re ai masha gale ni hte n bung nngai majaw, ngai nang hpe chyeju dum nngai. Wora kang hta ai wa zawn mung n rai nngai majaw nang hpe chyeju dum nngai.

LUKA 7:30

Rai ti mung, Hparishe ni hte Tara Sara ni chyawm gaw, shanhte a matu Karai Kasang a shatawng shada ai lam hpe n hkap la ma ai hta n-ga, Yawhan a lata hta hkalup n hkam la ma ai.

YAWHAN 1:24

Dai shangun kasa ni chyawm gaw, Hparishe ni kaw na rai ma ai.

YAWHAN 8:44

Nanhte gaw, nanhte a kawa ngu ai gumlau nat a kashu kasha ni rai nga myit dai rai nna, nanhte a kawa a kayut ai hku hkan mayu myit dai. Shi gaw shawng npawt kaw nna, masha sat ai wa rai nga ai rai nna, tengman ai maga de galoi mung n nga ai, hpa majaw nga yang shi hta teng man ai lam n rawng nga ai. Shi gaw masu magaw ai wa langai mi rai nna masu magaw lam yawng a kawa mung rai nga ai majaw, shi a masu ai ga tsun yang, dai gaw shi a shingra myit hte maren tsun ai lam rai nga lu ai.

YAWHAN 9:40

Madu Yesu a makau e nga nga ai Hparishe ni dai ga na ma yang, “Anhte mung myi n mu ai ni re ai ngu nna nang tsun mayu n ni?,” ngu nna san mu ai.

KASA 15:5

Rai ti mung Hparishe hpung hta lawm ai kam sham ai masha nkau mi rawt nna, “Maigan masha ni mung matu gadoi hkam la ra ai hte Mawshe a Tara hkan shadik ra ai,” nga nna tsun ma ai.

KASA 20:31

Dai re majaw, ngai nanhte mahkra hpe masum ning tup shani shana myi prwi law law hkrat nna sharin achyin shadum shahprang da ai hpe dum nna amaja nga mu.

KASA 26:5

Galoi mung shanhte ngai hpe chye nga ma ai majaw, anhte a nawku htung na ja dik ai tara hkan ai Hparishe hpung hta ngai lawm nga nngai gaw, shanhte sakse hkam mayu yang, hkam lu ma ai.

KASA 5:17

Dai shaloi Hkinjawng Agyi Kaba wa hte, shi a manang ni buga Saduke hpung hta lawm ai masha ni gaw nachying manawn ai myit hkrai chyat rai nga malu ai rai nna kasa ni hpe lama ma di na hku shanhte daw dan ma ai.

ROMA 1:18

Shinggyim masha a shut hpyit mara gaw dai teng man ai lam hpe masha ni n chye hkra pat shingdang nhtawm n hkru n kaja ai amu hpe galaw shangun nga ai karai kata ai masha ni yawng a ntsa de, Karai Kasang a masin pawt ai myit gaw sumsing lamu de nna dan pru ra ai.

ROMA 5:9

Anhte gaw Hkristu a si hkam ai a marang e, Karai Kasang a man e ya ding hpring wa lu saga ai rai nna, Karai Kasang a pawt sindawng ai kaw na Hkristu a majaw hkye hkrang la ai grau nna hkrum na ga ai.

1 HTESALONI 1:10

sumsing lamu de na du sa na ra ai Karai Kasang a Kasha hpe ala nga myit dai hpe mung, dai masha ni yawng tsun kajai nga ma ai. Dai Kasha Yesu gaw, si mat ai kaw na Karai Kasang e hkrung sharawt la nna, du na ra ai Karai Kasang a pawt sindawng ai kaw na anhte hpe mawai la ai wa rai nga ai.

HEBRE 11:7

Du na ra ai aten hta byin na ra ai garai n mu lu ai arai ni hte seng nna Karai Kasang sadi jaw ai hpe Noa na lu ai gaw shi a makam masham a majaw rai nga ai. Shi gaw Karai Kasang a ga hpe madat mara let sanghpaw li langai mi shachyaw nna shi hte shi a nta dinghku gaw hkye hkrang la ai hkrum manu ai. Shing re ai majaw, mungkan ga hpe shi jeyang nna Noa gaw makam masham hte seng ai ding hpring ai sali wunli hkam la nu ai.

HEBRE 6:18

Shing rai dai ga sadi hte dagam ai ga myu lahkawng yan gaw n mai galai mat ai baw re ai majaw Karai Kasang gaw masu ga tsun ai n rai. Dai re ai majaw shi hta shingbyi nna shim ai lam lu la ai ni ngu ai anhte gaw anhte hpe jaw ya ai myit mada shara hta ngang ngang kang kang magra noi nga na matu n-gun jaw ai lam grai wa lu la saga ai.

1 YAWHAN 3:10

Dai gaw Karai Kasang a kashu kasha ni hte, Nat a kashu kasha ni a adan aleng shai hkat ai lam rai nga ai. Kadai rai ti mung, ding hpring ai amu n galaw ai hte shing n rai, shi a kahpu kanau hpe n tsaw n ra ai wa gaw Karai Kasang a kashu kasha n rai nga ai.