MAHTE 3:3 - Jinghpaw Common Language Bible 2009

³ “Dai Madu a matu lam lajang da mu, Shi a matu, hkawm sa wa na lam masun ni hpe shading mu, nga nna nam mali kata e masha langai mi jahtau nga ai,” nga nna myihtoi Esaia tsun ai wa gaw Yawhan hpe nan ngu ai rai nga ai.

Jinghpaw Hanson Version Bible

³ Dai wa gaw, “Nam mali kata e jahtau ai nsen gaw, Dai madu a lam lajang da mu, Shi a lam masun ni hpe shading mu!” nga nna myihtoi Esaia lakap nna tsun ai wa nan rai nga ai.

MAHTE 3:3 ပူးပေါင်းရင်းမြစ်များ

ESAIA 40:3

Nsen langai gaw, “Dai Madu a matu nam mali e lam lajang mu! Anhte a Karai Kasang a matu zaibru jang e lam jasan jaseng mu!

MALAHKI 3:1

Chyahtum Chyalai N-gun rawng ai dai Madu gaw, “Nye a matu lam lajang ya na kasa hpe ngai shangun dat na nngai. Dai hpang nanhte hkan tam nga ai Madu gaw shi a Nawku Htingnu de akajawng sha sa wa na ra ai. Nanhte mu mayu nna marit nga ai dai kasa wa gaw du sa nhtawm nye a ga shaka htawn tsun na ra ai,” ngu nna htan wu ai.

MARKU 1:3

Nam mali kata e masha langai mi jahtau nga ai nsen gaw, ‘Dai Madu a matu lam lajang da mu; shi hkawm sa wa na matu lam hpe malang hkra shading mu!, nga ai,’” nga nna tsun hpang ai.

LUKA 1:17

Yawhan gaw, dai Madu a shawng e du sa ai wa rai nna myihtoi Elia zawn n-gun atsam rawng nna galu kaba wa na ra ai. Shi gaw kawa ni hpe kasha ni hte bai htingram ya nna n madat n mara nna je hpre ai masha ni hpe ding hpring ai ni a hpaji ningli bai lu la shangun na ra ai. Shi gaw dai Madu a matu lajang shachyip da chyalu rai hkra, Madu mazing da ai amyu masha ni hpe hkyen lajang ya na ra ai,” ngu nna Zahkaria hpe tsun wu ai.

LUKA 1:76

“Ma e, nang gaw Tsaw Htum Ai Wa a myihtoi ngu nna shamying ai lam hkam la nna, shi a lam lajang na matu, shi a shawng numshawn e sa wa na rin dai.

YAWHAN 1:23

Yawhan gaw, “Ngai gaw myihtoi Esaia htawn tsun ai hte maren, ‘Dai Madu a matu shi hkawm sa na lam shading mu,’ nga nna nam e jahtau ai nsen rai nga nngai,” ngu mu ai.