MAHTE 3:16 - Jinghpaw Common Language Bible 2009

¹⁶ Ya, Yesu hkalup hkam la ngut ai hte rau, dai hka hta na byawn hprang rai lung wa ai. Dai shaloi lamu hpaw malang wa nhtawm, Karai Kasang a Wenyi gaw hkrudu langai mi zawn yu hkrat wa nna shi a ntsa e dung nga ai hpe shi mu wu ai.

Jinghpaw Hanson Version Bible

¹⁶ Ya Yesu gaw baptisma hkam la ngut jang, dai hka hta na byawn hprang rai lung wa nna, yu u, lamu gaw hpaw malang wa nhtawm, Karai Kasang a Wenyi gaw, hkrudu zawn yu hkrat wa nna, shi a ntsa e dung nga ai hpe shi mu lu ai:

MAHTE 3:16 ပူးပေါင်းရင်းမြစ်များ

ESAIA 11:2

Dai Madu a wenyi gaw shi hpe hpaji byeng-ya, chye chyang ai nyan hte kung kyang ai hpaji jaw ya na ra ai. Shi gaw shi a amyu masha ni hpe up hkang na ra ai. Shi gaw dai Madu a myit ra ai hpe chye nna, shi hpe shagrau sha-a na ra ai,

ESAIA 42:1

Dai Madu gaw, “Ndai gaw ngai n-gun shaja ya ai nye a shangun ma- ngai lata la ai wa, ngai sharawng awng ai wa rai nga ai. Ngai gaw shi hpe nye a Wenyi hte jahpring ya ni ai, shi gaw masha amyu baw shagu hpang de teng man rap ra ai tara la sa ya na ra ai.

ESAIA 59:21

Ngai gaw nanhte hte ga shaka tawn da na nngai: dai gaw nanhte a matu htani htana rai nga na nye a daru magam n-gun hte nye a sharin achyin ai ga ni ngai nanhte hpe jaw ni ai, ya aten kaw nna, nanhte gaw nye a ga madat mara ra na rai myit dai, nanhte a kashu kasha ni hte nanhte a aru arat ni hpe prat mi hte prat mi nye a ga madat mara na matu sharin ya nga mu.”

ESAIA 61:1

Tsaw Htum ai dai Madu gaw ngai hpe shi a Wenyi hte jahpring ya ni ai. Matsan mayan ni hpang de kabu gara shiga gun sa na matu mung, Myit daw mat sai ni hpe shamai shatsai ya na matu mung, Bawng dung ai ni hpe raw dat na matu mung, Htawng hta shareng da hkrum ai ni hpe shalawt dat na matu mung, Shi ngai hpe lata la nna shangun dat nu ai.

EZEKELA 1:1

Ya sumshi ning ngu na shata mali a manga ya shani e, Babelon mung na Hkebara hka nu makau hta bawng dung ai Yuda masha ni hte Buzi a kasha ngai hkinjawng Ezekela ni nga nga yang, sumsing lamu hpaw malang wa nna Karai Kasang a shingran hpe ngai mu nngai.

MARKU 1:10

Shaloi jang dai hka hta na pru lung wa yang, sumsing lamu hpaw malang wa nna dai Wenyi gaw hkrudu langai mi zawn shi a ntsa e yu hkrat wa ai hpe shi mu wu ai.

YAWHAN 1:51

Bai Yesu gaw, “Ngai nanhte hpe teng teng tsun made ga, sumsing lamu hpaw malang wa nna, Karai Kasang a lamu kasa ni gaw, Masha Kasha a ntsa e lung wa, yu wa, rai nga ai hpe nanhte mu na marin dai,” ngu nna shanhte hpe tsun mu ai.

YAWHAN 3:34

Karai Kasang e shangun dat ai wa gaw Karai Kasang a mungga ni hpe tsun nga ai, hpa majaw nga yang, Karai Kasang gaw shi shangun dat ai wa hpe hkum tsup re ai Wenyi jaw wu ai.

KASA 1:22

Dai wa gaw hkalup sara Yawhan a hkalup hte seng ai mungga hkaw tsun ai ten kaw nna, sumsing lamu de Madu Yesu hpe anhte kaw na shalun la hkrum ai ten du hkra Madu Yesu hte, rau hkawm rau sa ai anhte ni hta lawm ai wa langai mi rai ra ai.”

KASA 7:56

Dai shaloi Stehpan gaw “Yu mu! Ngai gaw sumsing lamu hpaw malang nga ai hpe mung, Karai Kasang a hkra maga dai Masha Kasha tsap nga ai hpe mung, ngai mu se ai,” ngu nna tsun mu ai.

1 YAWHAN 5:6

Yesu Hkristu gaw hka hte hkalup hkam la nna sai hkaw ai hte si hkam nhtawm du sa ai wa nan rai nga ai. Shi gaw hka hte sha du sa ai n rai, hka hte mung sai hte mung, du sa ai. Dai hku du sa ai teng nga ai hpe dai Wenyi shi nan sakse hkam nga ai, hpa majaw nga yang, dai Wenyi gaw teng man ai lam rai nga ai.