MAHTE 3:15 - Jinghpaw Common Language Bible 2009

¹⁵ Shaloi Yesu gaw, “Ya dai shabyin ya rit, hpa majaw nga yang, ding man ai lam shagu hpe shadik lu u ga, an a matu sut nga mali ai,” ngu nna shi hpe htan wu ai: shaloi shi hpe dai lam shabyin ya wu ai.

Jinghpaw Hanson Version Bible

¹⁵ Shaloi Yesu gaw, “Ya dai shabyin ya e; dingman ai lam shagu hpe shadik lu mu ga, an a matu sut nga mali ai,” ngu nna shi hpe htan wu ai: shaloi, shi hpe dai lam shabyin ya wu ai.

MAHTE 3:15 ပူးပေါင်းရင်းမြစ်များ

ESAIA 42:21

Dai Madu gaw hkye la na matu sharawng awng ai Karai Kasang rai nga ai, dai rai nna, shi gaw shi a tara ni hte sharin shaga lam ni hpe shagrau da nga ai, shi gaw shanhte hpe shagrau sha-a na matu shi a amyu masha ni hpe ra nga ai.

MAHTE 3:14

Rai ti mung Yawhan gaw, Yesu a myit ai lam galai kau ya na matu, “Ngai mahtang she nang kaw nna hkalup hkam la na ra nga nngai, nang mahtang ngai kaw du sa rin ni?,” ngu nna shi hpe hkap ndang let tsun wu ai.

LUKA 1:6

Dai yan gaw Karai Kasang a man e ding hpring ai yan rai nga ma ai. Shan gaw Madu a jep ai tara nga manga hte hkang da mada yawng hpe htep lahti hkan nang ma ai.

YAWHAN 13:15

Nanhte hpe ngai galaw sai zawn, nanhte mung hkan galaw myit ga, ngu nna ngai nanhte a matu kasi kamang tawn da ni ai.

YAWHAN 15:10

Ngai gaw nye Wa a hkang da ai ga ni hpe madat mara hkan shatup nna, shi a tsaw ra ai hta maju jung nga nngai zawn, nanhte mung nye a hkang da ai ga ni hpe madat mara hkan shatup myit yang gaw, nye a tsaw ra ai hta maju jung na myit dai.

YAWHAN 4:34

Dai rai nna Yesu gaw, “Ngai hpe shangun dat ai wa a myit ra ai hku hkan galaw na hte shi ap ya da ai magam bungli ngut kre hkra galaw na lam gaw nye a sha hpa rai nga li ai.

YAWHAN 8:29

Dai hta n ga, ngai hpe shangun dat ai wa gaw, ngai hte rau anga nga ai; shi sharawng awng ai amu hpe, ngai tut nawng agalaw nga nngai majaw, shi gaw ngai hpe hkrai sha n tawn kau da nngai,” ngu tsun wu ai.

HEBRE 7:26

Dai rai nna Yesu gaw anhte hta byin nga ai ra kadawn ai lam ni hpe karum kapa ya ai, anhte a matu hkrak ai Hkinjawng Agyi Kaba wa rai nga ai. Shi gaw chyoi pra san seng nna shi hta shut ai lam shing n rai yubak mara hpa mung n rawng nga ai; shi gaw yubak lu ai ni hta n lawm ai sha ginhka la nna sumsing lamu du hkra shagrau shatsaw da hkrum ai wa rai nga ai.

1 YAWHAN 2:6

Hkristu hkan sa galaw ai zawn hkan sa asak hkrung ai wa chyu sha Karai Kasang hte langai sha tai nna asak hkrung ai wa re ngu nna tsun lu nga ai.