MAHTE 3:12 - Jinghpaw Common Language Bible 2009

¹² Shi a lata hta mam yit jasan na matu hkuwawn shi lang da nga ai. Shi a mam chyarang hpe shi yit jasan nhtawm, shi a mam gu hpe gaw mam dum hta shinggyin bang da nna, mam nsan hpe gaw galoi mung n krip ai wan hta nat kau na ru ai, ngu mu ai.

Jinghpaw Hanson Version Bible

¹² shi a lata hta dai hkuwawn shi lang nga ai rai nna, shi a mam chyarang hpe shi yit jasan nhtawm, shi a mam hpe gaw dum hta shinggyin bang da nna, mam nsan hpe gaw, n sat lu ai wan hte nat kau na ru ai,” ngu mu ai.

MAHTE 3:12 ပူးပေါင်းရင်းမြစ်များ

YOBA 21:18

nbung e shapoi kau ai yihku zawn mung, nbung laru e ahpawt shapoi mat wa hkrum ai ga nhpu zawn mung shanhte hpe ari jaw na ra ai n rai ni?

SHAKAWN KUNGDAWN 1:4

Rai ti mung, n hkru ai masha ni gaw dai zawn n rai; shanhte gaw nbung e shapoi ai numhkaw hte bung nga ma ai.

SHAKAWN KUNGDAWN 35:5

Dai Madu a lamu kasa gaw shanhte hpe hkan shachyut nga yang; shanhte gaw nbung e shapoi kau ai numhkaw zawn rai mat mu ga!

ESAIA 1:31

Wan n-yang hte yihku wan hkru ai zawn, wa ngan n-gun ja ai masha ni mung, shanhte a n hkru ai sat lawat arawn alai hta hten byak mat na mara ai. Dai hten run ai hpe kadai mung jahkring kau lu na ra ai n rai.

ESAIA 17:13

Masha amyu baw ni gaw hka leng ni rawt hta wa ai zawn rawt lung wa ma ai, rai ti mung Karai Kasang gaw shanhte hpe daru ai shaloi shanhte gaw bum nhkrem hkan kap ai ga nhpu zawn, bung hpoi hta lawm nang ai yihku zawn htingnut mat wa nna gau kau hkrum nga ma ai.

ESAIA 27:4

Ngai gaw sabyi sun hpe pawt sindawng nga sana n rai, Dai sun hta ju hpun ni hte tsing ni hkap daw nga ai rai yang, dai ni hpe ngai atsai awai nat kau na we ai.

ESAIA 28:28

Shanhte gaw hkaulan mam nsi hpe nhtum nni rai kabye anut jahten kau ai n rai; nsi ni n machyi mat hkra, de a ntsa e dumsu leng hte kaning rai kabye la na gaw shanhte chye nga ma ai.

ESAIA 30:24

Nanhte a yi hkauna galau ya nga ai dumsu ni hte lawze ni gaw tsawm htum ai hte kaja htum ai ushat sha lu na mara ai.

ESAIA 41:16

Nang gaw dai ni hpe nbung hta katsap kau na rin dai; nbung gaw dai ni hpe ahpawt mat wa na ra ai, dai ni gaw nbung laru hte shabra kau hkrum na mara ai. Dai hpang nang kabu gara lu na ndai hpa majaw nga yang, ngai gaw na a Karai Kasang rai nga nngai; nang gaw chyoi pra ai Israela a Karai Kasang ngai hpe shakawn kungdawn na ra ai.

ESAIA 5:24

Dai majaw, Chyahtum Chyalai N-gun rawng ai dai Madu Israela a chyoi pra ai Karai Kasang gaw anhte hpe sharin da ya mi ai hpe nang ningdang kau nga ndai majaw yihku hte tsingdu jahkraw ni nyip mat nna wan hta hkru mat ai zawn na a ru ni tsam mat nna na a nampan pu ni hkraw nyui mat ai hte poi mat wa na ra ai.

ESAIA 66:24

“Shanhte pru sa wa yang, ngai hpe gumlau ai ni a moi mang ni hpe shanhte mu na mara ai. Dai ni hpe sha ai byet ni gaw galoi mung si htum mat na n rai, shanhte hpe hkru ai wan mung galoi mung kyip mat na ra ai n rai. Shanhte hpe mu ai lam gaw masha yawng mayawng a matu matsat shabat tai na ra ai.”

YEREMIA 15:7

Ngai gaw nang hpe mungdan na mare shagu hta nbung e shapoi hkrum ai yihku zawn kabai kau nngai. Nye a amyu masha ni e, ngai nang hpe jahten sharun kau nngai, nang gaw na a n hkru ai lam ni hpe n jahkring da nga ndai majaw, na a kashu kasha ni hpe ngai sat kau ni ai.

YEREMIA 17:27

Rai ti mung, shanhte gaw nye a ga hpe madat mara nna chyoi pra ai shani hku nna Bansa Nhtoi hpe hkan sa lu na ma ai. Shanhte gaw dai nhtoi e Yerusalem mare chyinghka lam ni hku lit hpa mung hpai lai lu na ma ai n rai. Shanhte dai hku galaw ai rai yang, dai Yerusalem mare chyinghka ni hpe ngai wan nat kau na we ai. Dai wan gaw Yerusalem a hkaw htingnu ni hpe hkru kau na ra ai; langai mi mung dai wan hpe sat kau lu na ra ai n rai,” nga nna tsun ai.

YEREMIA 4:11

Zaibru jang e bung nga ai kahtet kang ai nbung gaw shanhte hpang de bung wa na lam, Yerusalem amyu masha ni hpe tsun dan na aten gaw du wa nga sai. Dai nbung gaw numhkaw hpe sha shapoi kau lu ai nbung bungli ahpawt ai zawn sha rai na ra ai n rai.

YEREMIA 51:2

Nbung gaw yihku hpe shapoi kau ai zawn, ngai gaw Babelon mung hpe jahten shaza kau na matu maigan masha ni hpe shangun dat na nngai. Shanhte gaw man maga shagu kaw nna gasat nna, dai mungdan hpe akrin akraw di tawn na mara ai.

YEREMIA 7:20

Shing rai Tsaw Htum ai dai Madu ngai nan ndai Nawku Htingnu ntsa e nye a masin kahtet kang ai hpe ru jaw dat na we ai. Masha hte yam nga ni a ntsa e mung, hpun ni hte nsi naisi ni a ntsa e du hkra pyi ru jaw na we ai. Nye a masin kahtet ai gaw agrung nga ai wan zawn rai nna kadai mung dai hpe krip kau lu na n rai.

HOSEA 13:3

Dai rai nna ndai masha ni gaw jahpawt manap na sai wan zawn mung, shani jau jau hkoi mat ai numri zawn mung, mat mat na ra ai. Shanhte gaw bungsha hte poi mat wa ai chyarang pa na mam nsan zawn mung, wan hkut shadaw na pru ai wan hkut zawn mung rai ma ai.

AMO LAIKA (AMOS) 9:9

“Ngai gaw n-gu hpe hking kau ai zawn, Israela amyu masha ni hpe hking kau na matu hkang da na nngai. Ngai gaw akyu n rawng ai ni yawng hpe yeng seng kau na matu shanhte hpe masha amyu baw ni a lapran e hking kau na nngai.

MALAHKI 4:1

Chyahtum Chyalai N-gun rawng ai dai Madu gaw, “Dai nhtoi gaw gumrawng gumtawng ai ni hte n hkru ai masha ni yawng yihku zawn hkru mat ai shaloi du na ra ai. Dai shani e, shanhte hkru mat nna dai yang e shanhte kadai mung ngam nga na mara ai n rai.

MAHTE 13:30

Dai majaw, dai lahkawng yan nmut ta du hkra, rau tu kaba wa mu ga; nmut ta du jang, tsing hpe shawng dan mahkawng nna, nhtan nhtawm wan hta nat kau mu; dai mam hpe chyawm gaw, nye a dum hta e mahkawng da mu, ngu nna mam dan ai ni hpe ngai tsun na mawe ai,’” ngu mu ai.

MAHTE 13:41

Dai Masha Kasha gaw, shi a lamu kasa ni hpe shangun dat na rai nna shanhte gaw shi a mungdan kata na, masha ni hpe myit kataw shangun ai ni yawng hte, n hkru n shawp ai amu galaw ai ni yawng hte hpe lata shaw la nhtawm,

MAHTE 13:42

wan htung hta kabai bang da na maru ai rai nna, dai yang e hkrap ngu hkrap ngoi ai hte wa udik rai na mara ai.

MAHTE 13:43

Dai shaloi, ding hpring ai ni gaw shanhte a Kawa a Mungdan hta e ajan zawn htoi kabrim na mara ai; na tu ai wa gaw na la u ga.

LUKA 3:16

Shing rai Yawhan gaw, “Ngai gaw nanhte hpe hka hte hkalup jaw made ai; rai ti mung, ngai hta atsam grau rawng ai wa gaw sa wa ra ai; shi a kyepdin sumri raw na pyi ngai n ging nngai. Shi gaw Chyoi Pra ai Wenyi hta mung, wan hta mung, nanhte hpe hkalup jaw na ra ai.

LUKA 3:17

Shi a lata hta shi hkuwawn lang nna shi a mam ni mahkra hpe yit jasan kau nhtawm, mam gu hpe shi a dum hta shinggyin da na ra ai, nsan hpe chyawm gaw galoi mung n krip ai wan hta nat kau na ra ai,” ngu nna shanhte hpe tsun mu ai.

YAWHAN 15:2

Ngai hta asi n si ai lakung shagu hpe gaw, shi krum kau wu ai; asi si ai lakung shagu hpe chyawm gaw asan aseng rai nna asi grau si u ga nga, tsan kau ya wu ai.