MAHTE 3:10 - Jinghpaw Common Language Bible 2009

¹⁰ Hpun ni hpe ru npawt kaw nna kran daw kau na matu ningwa hpe hkyen tawn da chyalu rai nna, asi kaja n si ai hpun shagu hpe kran daw kau nna, wan hta kabai bang kau na ra ai.

Jinghpaw Hanson Version Bible

¹⁰ Ya e pyi dai nwa gaw, hpun pawt nhpang hkan e tawn da nga ai; dai rai nna, asi kaja nsi ai hpun nga manga hpe, kran daw kau nna wan hta kabai bang kau nga ai.

MAHTE 3:10 ပူးပေါင်းရင်းမြစ်များ

2 SAMUELA 23:7

Dai ju hpun ni hpe jum na matu hpri hte galaw ai arai shing n rai nri langai lang ra na ndai; dai ju hpun ni atsai awai nat kau ai hkrum na ra ai.

SHAKAWN KUNGDAWN 1:3

Shanhte gaw hka kau e tu nna, shi a aten hta asi si nhtawm alap mung n hkraw mat ai hpun ni hte bung nga ai. Shanhte galaw ai lam shagu awng dang nga ai.

SHAKAWN KUNGDAWN 140:10

Shanhte a ntsa e, hkyeng kahtet nga ai n hprang wan n ga hkrat bun nga u ga; shanhte nhkun de di hkrat bang nna galoi mung bai n lu pru wa lu mu ga.

SHAKAWN KUNGDAWN 92:12

Ding hpring ai masha ni gaw namhtan hpun ni zawn bawng ring wa nna; Lebanon a arit hpun ni zawn shanhte tu kaba wa na mara ai.

ESAIA 27:11

Hpun lakung lakying ni hkraw mat yang gang daw kau hkrum nga ai, numsha ni gaw dai hpe ju hpun a matu shinggyin la ma ai. Amyu masha ni gaw hpa hpe mung n chye na nga ma ai majaw shanhte a Hpan Madu Karai Kasang gaw shanhte hpe yu matsan dum na ra ai n rai, shanhte hpe kaning re ai n-gaw nwai ai myit mung madun dan na ra ai n rai.

ESAIA 61:3

Ziun hta sharung shayawt nga ai ni hpe yawn madai na malai Kabu gara ai hte kabu pyaw ai lam, Yawn hkyen ai a malai mahkawn shakawn na lam jaw ya na matu shangun dat ni ai. Shanhte gaw dai Madu shi nan hkai da sai Hpun ni zawn tai na mara ai. Shanhte gaw ding man ai amu yawng mayawng hpe galaw na mara ai, Karai Kasang gaw shi galaw sai amu ni a majaw shakawn kungdawn ai hkrum na ra ai.

YEREMIA 17:8

Shi gaw hka kau e tu nga ai hpun hte bung nna, hka de ru hkram sa wa nga ai. Ginhtawng ta du ai shaloi, kahtet kang ai hpe shi hkrit ai n rai; hpa majaw nga yang, de a hpun lap ni naw tsit lali nga ai; Marang n htu ai shaloi mung shi hta tsang shara hpa mung n nga nga ai; asi mung tut nawng asi nga ai.

Daniela 4:14

Shi gaw nsen ja ja hte, ‘Hpun hpe kran kau nna de a lakung lakying ni hpe krum kau u; de a alap ni hpe ashin kau nhtawm asi ni hpe sharun ayai kau u. De a hpun npu hkan nga ai dusat ni hte lakung lakying hkan dung ai ntsa malen u ni hpe shaden kau u.

MALAHKI 4:1

Chyahtum Chyalai N-gun rawng ai dai Madu gaw, “Dai nhtoi gaw gumrawng gumtawng ai ni hte n hkru ai masha ni yawng yihku zawn hkru mat ai shaloi du na ra ai. Dai shani e, shanhte hkru mat nna dai yang e shanhte kadai mung ngam nga na mara ai n rai.

MAHTE 21:19

Shaloi lam makau e tu ai maihpang hpun langai mi hpe mu wu yang, dai de shi sa wu ai, rai ti mung dai hpun hta lap ni hta kaga hpa n mu wu ai. Dai majaw shi gaw, “Ya kaw nna prat dingsa e, nang hta asi bai n si n ga!,” ngu nna dai hpun hpe tsun wu ai. Maihpang hpun mung kalang ta shaloi jang hkraw nyip mat wa ai.

MAHTE 7:19

Ja ai asi n si ai hpun shagu hpe gaw kran daw kau nna, wan hta kabai bang kau ai hkrum ma ai.

LUKA 23:31

Hpun katsing nga yang pyi dai lam ni ndai zawn byin ai rai yang, hkraw mat ai aten hta hpa byin wa na rai ta?,” ngu mu ai.

LUKA 3:9

Dai nwa gaw, hpun ni hpe ru kaw nna hkawt kran kau na matu hkyen da chyalu rai nga sai, dai rai nna, asi kaja n si ai hpun shagu hpe kran daw kau nna, wan hta kabai bang kau na rai nga ai,” ai.

YAWHAN 15:2

Ngai hta asi n si ai lakung shagu hpe gaw, shi krum kau wu ai; asi si ai lakung shagu hpe chyawm gaw asan aseng rai nna asi grau si u ga nga, tsan kau ya wu ai.

YAWHAN 15:6

Ngai hta n jung n noi ai wa gaw shinggan de kabai kau ai hkrum nna hkraw mat wa ai lakung lakying zawn tai na ra ai. Masha ni mung shing re ai lakung lakying ni hpe magawn la nhtawm, wan hta kabai bang nna, hkru krawp mat ai kaw du wa lu ai.

HEBRE 12:25

Nanhte gaw, dai mungga tsun ai wa hpe n madat ya ai sha ningdang kau ai lam n byin u ga, sadi nga mu. Ndai ga ntsa e shadum shahprang ai wa a ga hpe na la na ningdang kau ai ni yubak ari hta na n lawt lu ma ai, Dai rai nna, anhte gaw, Sumsing lamu kaw nna tsun ai wa hpe shingdu kayin kau ga yang gaw yubak ari kaw na anhte lawt na lam grau n nga mali ai.

HEBRE 6:8

Rai ti mung dai aga gaw ju hpun hte atsing ni sha tu pru shangun ai rai yang gaw hpa akyu mi n nga ai hta n ga, Karai Kasang a dagam dala ai hkrit hpa hte wan hta jahten kau ai hkrum na ra ai.