MAHTE 28:9 - Jinghpaw Common Language Bible 2009

⁹ Akajawng sha Yesu shanhte hte hkrum nna tsun wu ai gaw, “Ngwi pyaw nga myit ga,” ngu mu ai. Shan gaw Yesu hpang de sit sa nna, shi a lagaw hpe ginshum let shi hpe nawku mu ai.

Jinghpaw Hanson Version Bible

⁹ Shaloi, yu mu, Yesu shan hpe tau la nna, Ngwipyaw nga myit ga, ngu mu ai: shan gaw shi a lagaw hpe sa ginshum let shi hpe nawku ma ai.

MAHTE 28:9 ပူးပေါင်းရင်းမြစ်များ

ESAIA 64:5

Nang gaw ding man ai amu galaw nga ai ni hta kabu gara lam mu tam ai ni hte, shanhte asak hkrung nga na matu nang kade daram ra sharawng nga ndai hpe adum nga ai ni hpe nang hkalum la nga ndai. Nang anhte hpe masin pawt ndai, rai ti mung anhte gaw yubak matut galaw nga ga ai; na a kaba la ai sindawng kahtet ai lam madun dan nga ti mung, moi chyaloi nhkoi kaw na anhte gaw shut hpyit amu matut galaw saga ai.

MAHTE 14:33

Dai shaloi li kata e nga ai sape ni mahtang shi hpe nawku nna, “Nang gaw Karai Kasang a Kasha kaja wa teng teng rai nga ndai,” ngu mu ai.

MAHTE 23:7

Gat hkan e hkungga lara di shachyen ai hte, masha ni e, ‘Sara’ ngu nna shamying na hpe shanhte sharawng la ma ai.

MAHTE 28:10

Yesu gaw, “Hkum hkrit myit, nanhte sa nna, nye a hpu nau ni hpe Galile mung de sa wa na matu tsun mu; dai yang e shanhte ngai hte mu hkrum na mara ai,” ngu mu ai.

MAHTE 28:17

Shanhte shi hpe mu mu yang, shi hpe nawku ma ai, nkau mi mahtang kam shut ma ai.

MAHTE 28:8

Shaloi shan gaw dai lup de na alawan wa nhtawm, hkrit kahpra ai rai ti mung kabu gara ai myit hpring let shi a sape ni hpe tsun shana ya na matu gat wa ma ai.

LUKA 1:28

Lamu kasa gaw Mari kaw du jang, “Chyeju nga lit ga, nang a lu ndai, dai Madu gaw nang hte rau nga nga ai rai nna shaman chyeju kaba nang hpe jaw nit dai,” ngu wu ai.

LUKA 24:52

Shanhte chyawm gaw shi hpe nawku nna, grai kabu gara let, Yerusalem mare de bai wa nhtawm;

LUKA 7:38

Shingdu maga, Yesu a lagaw nhpang e hkrap tsap nga let, Madu a lagaw hpe myi prwi hte madit ya wu ai, dai hpang shi a kara hte katsut kau ya wu ai, shi a lagaw hpe mung pup nhtawm, manam pyaw ai mura hte chya ya wu ai.

YAWHAN 12:3

Shaloi Mari gaw grai hpu la ai Mura Nardu sau ajet hkan masum daram la nna, Yesu a lagaw hta chya nhtawm, shi a kara hte katsut kau ya wu ai.

YAWHAN 20:19

Sape ni gaw Yuda masha ni hpe hkrit ai majaw, Laban shana nrim rim ai ten hta, nta chyinghka ni la da nna hpawng nga m a ai. Dai shaloi Yesu du sa nna shanhte a ka-ang e tsap let, “Nanhte ngwi pyaw nga myit ga,” ngu nna shanhte hpe tsun mu ai.

YAWHAN 20:28

Dai rai nna Htawma gaw, “Nye a Madu nye a Karai Kasang rai nga ndai,” ngu nna shi hpe htan wu ai.

2 KORINHTU 13:11

Nye a hpu nau ni e, ya anhte shakram dat ga ai, nanhte yawng ngwi pyaw nga myit ga law! hkum hkum tsup tsup rai nga lu hkra matut nna shakut shaja nga mu. Nye a hpyi lajin ai ga ni hpe madat mara nna shada da myit hkrum nga let ngwi pyaw sim sa ai hku nga nga mu. Tsaw ra myit rawng ai hte ngwi pyaw shangun ai Karai Kasang gaw nanhte hte rau nga nga na ra ai.

SHINGRAN 3:9

Yu u! Tinang dai Yuda masha rai ga ai nga ti mung Yuda n teng ai sha, Satan a hpung hta lawm ai dai masu ai ni hpe na a lagaw nhpang e ngai shanhte hpe sa naw dingnyawm shangun na mawe ai rai nna, ngai nang hpe tsaw ra nga ai gaw, shanhte chye lu na mara ai.