MAHTE 28:16 - Jinghpaw Common Language Bible 2009

¹⁶ Dai sape shi langai hte gaw, Yesu shanhte hpe hkang da ai Galile mung na bum de lung wa ma ai.

Jinghpaw Hanson Version Bible

¹⁶ Dai sape shi langai chyawm gaw, Yesu shanhte hpe hkang da ai Galile mung na bum de, lung mat wa ma ai.

MAHTE 28:16 ပူးပေါင်းရင်းမြစ်များ

MAHTE 26:32

Rai ti mung ngai bai hkrung sharawt la ai hkrum ai hpang, Galile mung de nanhte a shawng e ngai sa wa magang na nngai,” ngu mu ai.

MAHTE 28:10

Yesu gaw, “Hkum hkrit myit, nanhte sa nna, nye a hpu nau ni hpe Galile mung de sa wa na matu tsun mu; dai yang e shanhte ngai hte mu hkrum na mara ai,” ngu mu ai.

MAHTE 28:7

Ya, alawan pru wa nhtawm, shi a sape ni hpe tsun dan mu, ‘Shi gaw si ai kaw na bai hkrung rawt wa sai rai nna, nanhte a shawng e Galile mung de shi sa wa na ra ai;’ dai yang e nanhte shi hte hkrum na marin dai. Ngai nanhte hpe tsun dan sai ga hpe hkum malap kau myit,” ngu mu ai.

MARKU 14:28

Rai ti mung, ngai bai sharawt la hkrum ai hpang e, Galile mung de nanhte a shawng e, sa wa magang na nngai,” ngu nna tsun mu ai.

MARKU 15:41

Shanhte gaw shi Galile mung e naw nga yang, shi kaw hkan nang nna galaw daw ai ni rai nga ma ai. Yerusalem mare de shi hte rau lung wa ai numsha kaga ni law law mung dai yang e nga nga ma ai.

MARKU 16:14

Yawng a hpang jahtum e Yesu gaw sape shi langai hte hpe shanhte shat sha nga ma yang shadan dan mu ai. Shi si ai kaw na bai hkrung rawt wa sai lam mu lu ai ni a ga hpe nan n kam ma ai hte myit ja nga ma ai majaw shanhte hpe daru kau wu ai.

MARKU 16:7

Ya nanhte sa nna, Petru hte hpawn shi a sape ni hpe, ‘Nanhte a shawng e Galile mung de shi sa wa na ra ai, shi nanhte hpe tsun da sai hte maren shi hpe mu hkrum na marin dai,’ ngu nna ndai shiga wa tsun masu,” ngu nna tsun mu ai.

YAWHAN 6:70

Bai Yesu gaw, “Nanhte shi lahkawng hpe ngai lata la masa de ai n rai ni? Rai ti mung, nanhte hta na langai mi gaw nat matse rai nga ai,” ngu nna shanhte hpe htan mu ai.

1 KORINHTU 15:15

Dai hta kaga, Karai Kasang a lam hta masu ai sakse ni anhte tai wa na saga ai; hpa majaw nga yang, Karai Kasang gaw Hkristu hpe hkrung sharawt nu ai, nga nna shi a lam anhte sakse hkam saga ai rai ti mung, si mat ai ni teng teng bai n hkrung rawt ma yang gaw, Karai Kasang shi hpe hkrung sharawt nu ai n rai.