MAHTE 27:62 - Jinghpaw Common Language Bible 2009

⁶² Hpang shani, Yuda ni a Laban Nhtoi rai nga ai dai laban kru ya du ai shaloi, hkinjawng agyi ni hte Hparishe ni Pilat hpang de sa zuphpawng nna,

Jinghpaw Hanson Version Bible

⁶² Dai shachyip ai nhtoi lai ai hpang shani e, hkinjawng agyi ni hte Hparishe ni Pilat hpang de sa zuphpawng nna,

MAHTE 27:62 ပူးပေါင်းရင်းမြစ်များ

MAHTE 26:17

Ya dai matsi n lawm ai muk sha ai poi a shawng shani e, sape ni gaw, Yesu hpang de sit sa nna, “Dai Shalai wa ai Poi hpe sha na gara shara hta e na a matu anhte shachyip da na, nang ra nga n ta?,” ngu mu ai.

MARKU 15:42

Ya shana de rai wa sayang, Arimahtia mare na Yosep ngu ai wa sa du ai. Shi gaw shawa tara Kongsi hta lawm nga ai, masha e hkungga hkrum ai hte arawng lu ai masha langai mi rai nna, Karai Kasang a Mungdan de na ra ai hpe myit mada ala nga ai wa mung rai nga ai.

YAWHAN 19:14

Ya, Shalai wa ai Poi a matu shachyip ai nhtoi a shani ka-ang hkying shi lahkawng du mahka aten mung rai nga ai. Shaloi Pilat gaw Yuda masha ni hpe, “Nanhte a Hkawhkam wa hpe yu yu mu!,” ngu mu ai.

YAWHAN 19:31

Yuda masha ni gaw wudang hta jen da nga ai masha ni a lagaw kayat daw nna wudang ntsa na mang ni hpe htawm kau na, Pilat kaw ahkang hpyi ma ai. Shanhte shing rai hpyi ai lam gaw, dai shani gaw shachyip ai Laban manga ya shani rai nga ai hte, hpang shani mung Bansa Nhtoi kaba rai nna Bansa Nhtoi e wudang hta mang n noi nga shangun mayu ma ai majaw mung, Bansa Nhtoi gaw laklai nna chyoi pra ai nhtoi rai nga ai majaw mung, rai nga ai.

YAWHAN 19:42

Yuda ni a laban a shawng shani shachyip ai nhtoi rai nga ai hte dai lup mung ni nga ai majaw, shanhte gaw Yesu a moi mang hpe dai krawk da ai lup hta bang da mu ai.