MAHTE 27:60 - Jinghpaw Common Language Bible 2009

⁶⁰ Yosep shi nan a matu lunghkrung lungrawk hta krawk da ai lup ningnan hta e bang tawn da wu ai. Dai hpang lung byen kaba mung, dai lup a mahka e shi galau pat da nna wa mat ai.

Jinghpaw Hanson Version Bible

⁶⁰ nlung hta krawk ai, shi a lup nnan hta e bang tawn da wu ai: nlung kaba mung, dai lup a mahka e shi galau pat da nna, wa mat ai.

MAHTE 27:60 ပူးပေါင်းရင်းမြစ်များ

NINGPAWT NINGHPANG 50:5

‘Nye wa si wa mahka e Hkanan mung hta shi lajang da sai lup hta shi hpe lup makoi na matu, ngai hpe ga sadi hte dagam da shangun ni ai. Dai re ai majaw chyeju hte nye wa hpe lup makoi na matu ngai hpe wa shangun mi. Dai hpang ngai bai wa na nngai da,’” ngu nna tsun ya mi ngu wu ai.

ESAIA 22:16

“Na hkum nang hpa zawn nawn da wu ni? Nang gaw kawng nhkrem hkan na lunghkrung hta na a matu lup tawk na, kaning re ai ahkaw ahkang lu nga n ni?

ESAIA 53:9

Shi gaw sai kap ai amu hpe galoi mung shut hpyit yu ai n rai, masu magaw ga galoi mung n tsun yu ai, rai ti mung shi gaw n hkru ai ni hte rau lup langai hta tawn da ai hkrum nu ai. Shi gaw sut su ai wa hte rau lup makoi da hkrum nga ai,” ngu nna htan ma ai.

MAHTE 27:59

Dai rai nna Yosep dai hpe la nhtawm lachyit sumpan hte ahkyen kayawp nna,

MAHTE 27:66

Dai rai nna shanhte lup de sa wa nna dai chyinghka pat da ai lungbyen hpe dazik dawk ai hte lup hpe malawm magawm di nna pat da nhtawm, sin langa ni hpe sin shangun mu ai.

MAHTE 28:2

Dai shaloi akajawng sha grai ja ai nnang nawn kaba langai mi nawn wa ai. Dai Madu a lamu kasa langai mi lamu de nna yu hkrat wa nna, dai nlung hpe sa galau kau nhtawm, dai hta e dung nga ai.

LUKA 24:2

Shanhte gaw, dai lup mahka kaw na nlung galau mat nga ai hpe mu ma ai.

YAWHAN 11:38

Dai majaw Yesu gaw, shi a kraw kata e bai yawn madai ai hte lup de sa du ai. Dai lup gaw lungpu hku rai nga ai rai nna, nlung tawng langai mi hte pat da ma ai.

YAWHAN 11:41

Dai rai nna shanhte gaw dai nlung hpe galau kau mu ai. shaloi Yesu gaw lamu de mada yu nna, “Wa e, nang nye a ga madat ya ndai majaw, ngai nang hpe shakawn nngai law.

YAWHAN 19:41

Yesu hpe jen sat ai shara e sun langai mi nga ai. Dai sun e masha langai mi hpe mung garai n lup makoi yu ai lup ningnan langai mi nga ai.

YAWHAN 20:1

Laban jahpawt nhtoi garai n htoi lu yang, Magdala Mari gaw jau jau e lup de sa wa ai rai nna, lup chyinghka pat da ai nlung sit mat nga ai hpe mu wu ai.