MAHTE 27:51 - Jinghpaw Common Language Bible 2009

⁵¹ Shaloi, Nawku Htingnu na nba grang gaw ntsa de nna htumpa hkren lahkawng brang ga mat ai. Ginding aga mung ashun awam wa nna, lunghkrung ni ga mat wa ma ai.

Jinghpaw Hanson Version Bible

⁵¹ Shaloi, yu mu, nawku Htingnu na nba grang ntsa de nna hkren, ka-ang brang ga mat ai; ginding aga mung ashun awam wa nna, lunghkrung ni ga mat wa ma ai;

MAHTE 27:51 ပူးပေါင်းရင်းမြစ်များ

2 HKAWHKAM LABAU 3:14

Chyoi Pra Htum ai Shara a matu nba grang langai mi hpe mung, mut ai, shaba pu nsam rawng ai hte hkyeng ai nsam pru ai ri ni hpe jaw la nna mani ai lachyit ri ni, kaga arung arai ni hte singkaw tu ai hkrung kanu nba grang hpe galaw wu ai.

SHAKAWN KUNGDAWN 18:15

Madu e, nang gaw na a gumlau hpyen ni hpe daru kau let, masin kahtet ai hte shanhte hpe marawn shabam dat yang, panglai htumpa a htingnyep ni dawng pru wa nna, lamu ga a npawt nhpang ni hpaw malang wa nga ai.

SHAKAWN KUNGDAWN 18:7

Shing rai, Karai Kasang gaw pawt sindawng ai a majaw, ginding aga gaw gari awam wa nna, bum ni a npawt nhpang ni mung shamu shamawt nga ai.

PRU MAT 40:21

Dai hpang, shi gaw Sum kata e dai Sumpu hpe tawn nna nba grang hte grang da wu ai. Ndai zawn dai Madu hkang da sai hte maren, Ga Shaka Sumpu hpe shinggang da wu ai.

ESAIA 25:7

Ndai yang e shi gaw masha amyu baw yawng a ntsa e ka-up da ai yawn hkyen sumwi hpe akajawng sha gun kau ya na ra ai.

JAW JAU 16:2

Shi gaw, “Htap htuk ai aten hta chyu sha nba grang shingdu hku dai Chyoi Pra Htum ai Shara kata de na nhpu Arun shang lu na lam tsun u; hpa majaw nga yang, dai Ga Shaka Sumpu ntsa na magap a ntsa e ngai dan pru na nngai. Dai lam hpe shi n madat ai rai yang, sat kau ai hkrum na rai wu ai.

JAW JAU 21:23

Rai ti mung shi gaw hkum hkrang hta ra rawng nga sai majaw chyoi pra ai nba grang hte tawn hkungri de shani sa wa lu na n rai. Ngai gaw shanhte hpe shachyoi shapra ai dai Madu rai nga nngai majaw ndai chyoi pra ai arai ni hpe awu asin di lu na n rai.”

HABAKU 3:10

Bum ni nang hpe mu ai shaloi, dai ni hkrit gari ma ai; lamu ni kaw na hka ru hkrat nga ai. Ginding aga a npu na hka ni wu kadu nga ai hte dai ni a hka leng ni rawt lung wa nga ai.

HABAKU 3:13

Nang gaw na a amyu masha ni hpe hkye la na matu mung, nang lata da sai hkawhkam wa hpe hkye la na matu mung pru sa wa nga ndai. Nang gaw n hkru ai ni a ningbaw wa hpe adup kadang kau nna shi a hpang hkan masha ni hpe tsep kawp shamyit kau nit dai.

BU HKAWM 4:5

Dai Madu gaw Mawshe hpe ga matsun ni jaw wu ai. Sum hpe run hpya na aten du ai shaloi, Arun hte shi a shadang sha ni Sum kata de shang nhtawm Ga Shaka Sumpu a man na nba grang hpe shayu la nna dai hte Sumpu magap na rai ma ai.

MAHTE 27:54

Ya hpyen la dap kung langai mi up ai du wa hte shi hte rau Yesu hpe sin nga ai hpyen la ni gaw nnang nawn hte byin mabyin ni hpe mu mu yang, shanhte hkrit kahpra nna, “Kaja wa ndai wa gaw Karai Kasang a Kasha nan rai nga ai,” nga ma ai.

MAHTE 28:2

Dai shaloi akajawng sha grai ja ai nnang nawn kaba langai mi nawn wa ai. Dai Madu a lamu kasa langai mi lamu de nna yu hkrat wa nna, dai nlung hpe sa galau kau nhtawm, dai hta e dung nga ai.

MARKU 15:38

Shaloi Nawku Htingnu e noi nga ai nba grang gaw, ntsa nna ga hkren, ka-ang brang rai ga mat ai.

LUKA 23:45

Nawku Htingnu na nba grang mung ka-ang brang rai ga mat ai.

LUKA 23:47

Shing rai byin ai lam hpe hpyen latsa up ai du wa mu wu yang, “Kaja wa ndai wa gaw masha kaja langai mi she rai nga ai!,” nga nna Karai Kasang hpe shagrau sha-a wu ai.

HEBRE 6:19

Anhte gaw dai myit mada shara hpe anhte a asak hkrung lam a matu hpri chyinghkyi langai mi zawn hkam la lu saga ai. Dai myit mada ai lam gaw shim ai hte grin ai lam rai nna sumsing lamu na htingnu kata a nba grang kata maga gawk de waw lai hkrang shang wa sai.

HEBRE 9:3

Bai lahkawng ngu na nba grang a kata maga gawk na hpe Chyoi Pra Htum ai Shara ngu ma ai.

SHINGRAN 11:13

Dai ahkying hta e nnang nawn kaba nawn wa nna, dai mare htam shi hta na htam mi hten mat nna, masha hkying sanit si lawm mat ai. Naw ngam nga ai masha ni chyawm gaw hkrit kajawng ai hte sumsing lamu na Karai Kasang a galu kaba ai arawng sadang hpe shakawn shagrau nga ma ai.

SHINGRAN 11:19

Dai shaloi sumsing lamu hta e Karai Kasang a nawku htingnu hpaw malang wa nna, nawku htingnu kata na, shi a ga shaka hte seng ai sumpu hpe ngai mu nngai. Dai hpang myihprap gala ai, nsen kadu ai, mu ngoi ai, nnang nawn hte sin marang kaba byin wa ai.