MAHTE 27:50 - Jinghpaw Common Language Bible 2009

⁵⁰ Bai Yesu gaw nsen kaba hte jahtau let shi a nsa hti mat lu ai.

Jinghpaw Hanson Version Bible

⁵⁰ Bai Yesu gaw nsen kaba wa hte jahtau let, shi a wenyi jahti mat lu ai.

MAHTE 27:50 ပူးပေါင်းရင်းမြစ်များ

Daniela 9:26

Dai aten a hpang jahtum aten hta Karai Kasang lata la hkrum ai ningbaw wa gaw n tara ai hku sat kau ai hkrum na ra ai. Dai mare hte Nawku Htingnu mung n-gun ja ai up hkang du langai mi a hpyen luksuk shang gasat ai a majaw jahten kau ai hkrum na ra ai. Jahtum ai gaw mawru hka zawn du wa nna Karai Kasang lajang da nu ai hpyen majan hte hten za lam du sa wa na ra ai.

MAHTE 20:28

Hpa majaw nga yang, dai Masha Kasha wa pyi, masha kaga wa hpe yam sha na nga nna du sa ai n rai; masha kaga hpe galaw daw na matu mara, shi a asak hpe gawng malai jahpu shatai na nga nna du sa ai,” ngu mu ai.

MAHTE 27:49

Rai ti mung kaga ni mahtang, “Nga nga nu ga, Elia shi hpe sa hkye la na ru ai kun? Yu yu ga!,” nga ma ai.

MARKU 15:37

Yesu gaw nsen kaba hte jahtau let nsa hti mat ai.

LUKA 23:46

Yesu gaw, “Wa e! Na a lata de nye a wenyi ap ya de ai!” nga nna nsen kaba hte jahtau wu ai. Shing nga tsun ngut jang, nsa hti mat ai.

YAWHAN 10:11

Ngai gaw sagu rem wa kaja rai nngai. Sagu rem wa kaja gaw sagu ni a matu tinang a asak nawng kau ya lu ai.

YAWHAN 10:15

nye a sagu ni hpe ngai chye nngai, nye a sagu ni mung ngai hpe chye ma ai; sagu ni a matu mung, nye a asak ngai nawng ya kau nngai.

YAWHAN 19:29

Dai hpang e, sabyi ntsin hkri hte hpring ai di bu langai mi dung nga ai rai nna shanhte gaw hka kamu hpe ntsin hkri hta tsing la nhtawm husup ningren ndung hta shakap nna shi a n-gup hta gawn jaw mu ai.

YAWHAN 19:30

Yesu gaw dai ntsin hkri hkap la lu ngut jang, “Ngut ma sali ai!,” nga nhtawm, baw nga di nna nsa hti mat wa ai.

HEBRE 2:14

Kasha ni ngu nna shi shanhte hpe shamying wu ai hte maren, asai ashan dagraw ai masha ni rai nga ma ai. Yesu shi hkum nan mung shanhte zawn asai ashan dagraw ai shinggyim masha hkum hkrang rau rum hkam la wu ai. Shing rai hkam la ai lam gaw si hkrung si htan hpe up ai nat wa a atsam hpe jahten shabyak kau na matu rai nga ai.

HEBRE 5:7

Yesu gaw dinghta hkum shan hta asak naw hkrung nga ai ten hte hta, shi hpe si ai kaw na hkye mawai la lu ai Karai Kasang kaw nsen kaba hte hkrap myiprwi ni hkrat let akyu hpyi tawng ban ai lam galaw nu ai, Yesu gaw myit grit myit nem ai hte ap nawng ai wa re ai majaw, Karai Kasang mung shi a hpyi nem tawng ban ai hpe madat ya wu ai.

HEBRE 9:14

Hkristu a sai gaw dai hta grau nna shachyoi shapra ya lu ai n rai ni? Hkristu gaw dai htani htana Wenyi hte tinang a hkum hpe ra n rawng ai hkungga hku nna Karai Kasang kaw nawng ya kau sai. Hkrung nga ai Karai Kasang hpe anhte nawku daw jau lu hkra Hkristu a asai gaw anhte a myit masin hpe akyu n rawng ai nawku htung lai chyasi ni hta hkan nang ai kaw na shachyoi shapra la na ra ai.