MAHTE 27:43 - Jinghpaw Common Language Bible 2009

⁴³ Shi gaw Karai Kasang hpe kam hpa nna, ‘Ngai gaw Karai Kasang a Kasha rai nngai!,’ nga nna shi tsun ai. Rai sa, dai rai yang gaw ya Karai Kasang shi hpe hkye la mayu nga ai kun? Anhte yu yu ga!,” nga ma ai.

Jinghpaw Hanson Version Bible

⁴³ Shi gaw Karai Kasang hta hpa nga ai; shi hta awng nga yang gaw, ya shi hpe mawai la u ga: kaning rai nme law, Ngai gaw Karai Kasang a Kasha rai nga nngai, shi nga ai, nga ma ai.

MAHTE 27:43 ပူးပေါင်းရင်းမြစ်များ

SHAKAWN KUNGDAWN 14:6

N hkru n shawp ai amu galaw ai ni gaw myit shagrit shanem ai masha wa a yaw shada ai lam hpe jahten ya ti mung, Madu gaw shi hpe makawp maga da ai wa rai nga ai.

SHAKAWN KUNGDAWN 22:8

“Nang gaw Madu hpe kam hpa shamyet shanat nga ndai, nang hpe shi hpa majaw n hkye la na rai wu ni? Madu gaw nang hpe ra sharawng ai rai yang, shi nang hpe hpa majaw n karum ai nga na rai wu ni?,” nga nna shanhte tsun ma ai.

SHAKAWN KUNGDAWN 3:2

“Karai Kasang gaw shi hpe karum la na ra ai n rai,” nga nna, shanhte gaw nye a lam hpe tsun nga ma ai.

SHAKAWN KUNGDAWN 42:10

“Na a Karai Kasang kanang nga nga a ta?,” nga nna shanhte ngai hpe tut tut san nga ma ai majaw, shanhte a jahpoi asawng ai nni nkri hpe hkam sha nga nngai.

SHAKAWN KUNGDAWN 71:11

“Karai Kasang shi hpe kau da nu ai; anhte shi a hpang hkan nna shi hpe rim la ga, shi hpe mawai la na masha kadai mung n nga ai,” nga nna shanhte tsun ma ai.

ESAIA 36:15

Dai Madu hta shamyet shanat nga na matu shi nanhte hpe n lau la shangun u ga. Dai Madu gaw nanhte hpe hkye la nna nanhte a mare zing la rai nga ai anhte a Asuri hpyen luksuk hpe shi jahkring kau ya na ra ai ngu hkum myit nawn la myit.

ESAIA 36:18

Dai Madu gaw nanhte hpe hkye mawai la na ra ai, nga nna Hezekia gaw myit n su ai hku tsun ai ga hta n kadawng bang hkrup myit ga. Masha amyu baw ni a karai ni shanhte a mungdan ni hpe Asuri hkawseng a lata kaw na hkye mawai la yu manu sai kun?

ESAIA 37:10

“Nang gaw nye a lata de n hkrat mat na re nga nna nang kam hpa nga ai karai gaw nang hpe tsun nu ai, rai ti mung dai ga nang hpe n hkalem kau u ga.

MAHTE 27:40

Nawku Htingnu hpe run kau nna, masum ya laman bai gaw gap da na nga ai wa e, na hkum hpe nang hkye la u, nang Karai Kasang a Kasha rai n yang gaw, wudang hta na yu hkrat wa u!,” ngu mu ai.

MAHTE 27:54

Ya hpyen la dap kung langai mi up ai du wa hte shi hte rau Yesu hpe sin nga ai hpyen la ni gaw nnang nawn hte byin mabyin ni hpe mu mu yang, shanhte hkrit kahpra nna, “Kaja wa ndai wa gaw Karai Kasang a Kasha nan rai nga ai,” nga ma ai.

LUKA 23:35

Shawa masha ni gaw mada yu let tsap nga ma yang, Yuda agyi salang ni gaw mani jahpoi asawng let, “Masha kaga ni hpe shi hkye la ga ai; Karai Kasang e lata la ai Meshia shi nan rai yang mung, shi hkum shi hkye la u ga,”

LUKA 23:37

“Nang Yuda ni a hkawhkam rai n yang gaw, na hkum hpe nang hkye la u!,” ngu nna roi asawng jawng kau ma ai.

YAWHAN 10:30

Ngai hte nye Wa gaw langai sha rai nga ai,” ngu tsun wu ai.

YAWHAN 10:36

Ngai chyawm gaw, nye Wa ngai hpe lata la nna ndai mungkan de shangun dat ni ai. Dai rai yang, Ngai gaw Karai Kasang a Kasha rai nngai,’ nga nna tsun ai shaloi, ngai gaw Karai Kasang hpe shatan nhkan ai wa re, ngu nna nanhte gara hku tsun lu myit ta?

YAWHAN 19:7

Shaloi Yuda masha ni gaw, “Dai wa gaw shi hkum hpe Karai Kasang a Kasha rai nngai nga nna hpyi hpun ai ga tsun ai majaw, si ging ai ngu nna anhte a tara hta tsun da nga ai,” ngu nna shi hpe htan mu ai.