MAHTE 27:42 - Jinghpaw Common Language Bible 2009

⁴² “Shi gaw masha ni hpe hkye la ga ai, rai ti mung shi hkum nan hpe gaw n hkye la lu a hka! Shi gaw Israela Hkawhkam n rai nga a ni? Ya shi wudang hta na yu wa a yang gaw, anhte shi hpe kam sham na ga ai.

Jinghpaw Hanson Version Bible

⁴² Masha kaga hpe shi hkye la ga ai: tinang hkum hpe nan n hkye la lu a hka. Shi gaw Israela hkawhkam rai nga ai; ya wudang hta na yu wa u ga, shaloi anhte shi hpe kamsham na ga ai.

MAHTE 27:42 ပူးပေါင်းရင်းမြစ်များ

MAHTE 2:2

“Yuda ni a hkawhkam tai na matu shangai wa sai ma gaw kanang rai nga a ta? Sinpraw mung hta e shi a shagan dan pru ai hpe anhte mu lu sagaw ai rai nna, shi hpe nawku na anhte du sa raga ai,” nga nna san ma ai.

MAHTE 27:37

Shi a baw ntsa e, “Ndai wa gaw Yuda ni a Hkawhkam Yesu rai nga ai,” ngu nna shi a mara madun ai laika hpe shanhte ka shakap da ma ai.

MAHTE 27:40

Nawku Htingnu hpe run kau nna, masum ya laman bai gaw gap da na nga ai wa e, na hkum hpe nang hkye la u, nang Karai Kasang a Kasha rai n yang gaw, wudang hta na yu hkrat wa u!,” ngu mu ai.

MAHTE 27:41

Hkinjawng agyi ni, tara sara ni hte salang ni mung dai hte maren shi hpe asawng asang di mu ai.

MARKU 15:31

Dai hte maren hkinjawng agyi ni hte Tara sara ni mung asawng asang di let, “Masha kaga hpe shi hkye la ai; rai ti mung tinang hkum dai pyi n hkye la lu a hka!

MARKU 15:32

Israela hkawhkam Meshia gaw wudang ntsa na yu hkrat wa ai hpe anhte yu yu ga, shing rai yu hkrat wa ai hpe mu lu yang, anhte shi hpe kam sham na ga ai!,” nga nna shada da tsun nga ma ai. Shi hte rau wudang hta jen da hkrum ai yan mung Yesu hpe jahpoi asawng ma ai.

LUKA 19:38

“Madu a mying nsang hte du sa ai hkawhkam wa hpe Karai Kasang shaman ya u ga law! Sumsing lamu e ngwi pyaw ai hte, Tsaw htum ai shara e Karai Kasang a hpung shingkang rawng nga u ga law!” nga ma ai.

LUKA 23:35

Shawa masha ni gaw mada yu let tsap nga ma yang, Yuda agyi salang ni gaw mani jahpoi asawng let, “Masha kaga ni hpe shi hkye la ga ai; Karai Kasang e lata la ai Meshia shi nan rai yang mung, shi hkum shi hkye la u ga,”

LUKA 23:37

“Nang Yuda ni a hkawhkam rai n yang gaw, na hkum hpe nang hkye la u!,” ngu nna roi asawng jawng kau ma ai.

YAWHAN 1:49

Nahtanela gaw, “Sara e, nang gaw Karai Kasang a Kasha rai nga ndai,” ngu nna shi hpe htan wu ai.

YAWHAN 12:13

shanhte gaw namhtan lakung ni daw lang nna shi hpe sa tau la nna, “Karai Kasang hpe shakawn mu! Dai Madu a amying hte du sa ai wa ngu ai Israela a hkawhkam gaw a nga u ga law!,” nga nna garu ma ai.

YAWHAN 12:47

Nye a mungga na la nhtawm dai hpe n hkan nang ai wa kadai hpe mung, ngai jeyang na n rai; hpa majaw nga yang, mungkan ga hpe jeyang na matu ngai du sa nngai n rai, dai hpe hkye la na matu she sa nngai.

YAWHAN 9:24

Dai re ai majaw, dai hkritung nna myi n mu ai wa hpe lahkawng lang ngu na bai shaga la nhtawm, “Karai Kasang a man e teng man ai ga tsun na nngai ngu nna ga sadi jaw u, dai wa gaw yubak mara lu ai wa rai nga ai hpe anhte chye ga ai,” ngu nna shi hpe tsun mu ai.

KASA 4:14

Dai hta kaga mai tsai mat sai masha wa mung shan hte rau tsap nga ai hpe, shanhte mu ma ai rai nna ndang shara hpa mi n mu mu ai.