MAHTE 27:4 - Jinghpaw Common Language Bible 2009

⁴ “Ngai gaw mara n lu ai masha langai mi hpe si na matu ap kau we ai majaw, yubak kap ni ai,” ngu mu ai. Shanhte gaw, “Dai anhte hte hpa seng nga a ta? Dai na a amu she rai lit dai!,” ngu mu ai.

Jinghpaw Hanson Version Bible

⁴ Shanhte gaw, “Dai anhte hte hpa seng nga a ta? nang hkrum yu u” ngu mu ai.

MAHTE 27:4 ပူးပေါင်းရင်းမြစ်များ

1 HKAWHKAM 21:27

Elia ga tsun ngut jang, Ahab gaw shi a hpun palawng ni hpe gang je kau nhtawm dai ni hpe raw kau nna lachyit sumpan hpun da wu ai. Shat lusha n sha ai sha, lachyit sumpan ntsa e yup taw nga wu ai; myit htum let mung yawn hkawm nga ai.

YOBA 13:4

Nanhte gaw masu ga ni hte nanhte a angawk angak lam hpe htinggrum da nga myit dai; nanhte gaw kadai hpe mung n chye tsi shamai ya lu ai sara wun ni zawn rai nga myit dai.

SHAKAWN KUNGDAWN 94:21

Shanhte gaw kaja ai masha ni hpe n hkru ai hku maw mawn nhtawm, mara n kap ai masha ni hpe si ari jaw nga ma ai.

PRU MAT 12:31

Dai shana e nan, hkawhkam wa gaw Mawshe yan Arun hpe, “Nan hte hpawn Israela masha ni pru mat wa manu! Nye a mung kaw na pru mat wa nhtawm, nan tsun yu manit dai hte maren, dai Madu hpe sa nawku masu.

PRU MAT 9:27

Hkawhkam wa gaw Mawshe yan Arun hpe shaga la nna, “Ndai lang chyawm gaw ngai shut kau ni ai. Dai Madu gaw ding hpring nga ai, nye a amyu masha ni hte ngai mahtang shut hpyit kau saga ai.

GA SHAGAWP 12:8

Nang zai byeng-ya hpaji hpe chye nga ai wa rai yang, shakawn shagrau ai nang hkrum na ndai; nang angawk ai wa rai yang chyawm gaw masha ni na a ntsa e yu kaji kau na mara ai.

YEREMIA 26:15

Rai ti mung, ndai amu hpe atsawm chye da mu; nanhte ngai hpe sat ai rai yang, nanhte hte ndai mare masha ni mara lu na marin dai; hpa majaw nga yang, ndai lam shadum jahprang na matu, dai Madu gaw ngai hpe shangun dat nga ai,” ngu nna tsun ni ai.

YONA 1:14

Dai rai nna shanhte gaw dai Madu hpe, “O Madu e, ndai masha wa a asak dan ya ai majaw, anhte hpe ari n jaw mi ga, anhte hpyi nem ga ai! O Madu e, nang gaw ndai amu yawng a matu lit lu nga ndai, dai gaw nang galaw ai amu rai nga ai,” ngu nna jahtau tsun ma ai.

MAHTE 27:19

Ya Pilat gaw tara jeyang ai gawk e naw dung nga yang, shi a madu jan gaw masha langai mi hpe shi kaw shangun dat nna, “Dai ding hpring ai wa hpe hpa mung hkum di u, hpa majaw nga yang, mana na nye a yupmang hta e shi a majaw, ngai nni nkri law law wa hkrum sha ni ai,” ngu nna shiga langai mi htet dat wu ai.

MAHTE 27:54

Ya hpyen la dap kung langai mi up ai du wa hte shi hte rau Yesu hpe sin nga ai hpyen la ni gaw nnang nawn hte byin mabyin ni hpe mu mu yang, shanhte hkrit kahpra nna, “Kaja wa ndai wa gaw Karai Kasang a Kasha nan rai nga ai,” nga ma ai.

LUKA 23:22

Pilat gaw masum lang ngu na bai tsun mu ai gaw, “Ndai wa n hkru ai amu hpa galaw hkrup sata? Shi hta si ging ai mara hpa mung ngai n mu we ai, dai majaw ngai shi hpe anu kayat sharim nna dat dat na we ai,” ngu nna shanhte hpe tsun mu ai.

LUKA 23:41

An gaw tinang a mara majaw hkrum ging ai hte maren, daw dan ai hkrum ga ai: ndai wa chyawm gaw, n sun n ang shut ai amu hpe mung n galaw ai wa rai nga ai,” nga nna dai wa hpe daru let htan wu ai.

LUKA 23:47

Shing rai byin ai lam hpe hpyen latsa up ai du wa mu wu yang, “Kaja wa ndai wa gaw masha kaja langai mi she rai nga ai!,” nga nna Karai Kasang hpe shagrau sha-a wu ai.

YAWHAN 19:7

Shaloi Yuda masha ni gaw, “Dai wa gaw shi hkum hpe Karai Kasang a Kasha rai nngai nga nna hpyi hpun ai ga tsun ai majaw, si ging ai ngu nna anhte a tara hta tsun da nga ai,” ngu nna shi hpe htan mu ai.

KASA 13:28

Shanhte gaw shi a ntsa e si ari daw dan na ging dan ai mara hpe n mu tam ma ti mung shi hpe sat kau na Pilat kaw hpyi ma ai.

ROMA 3:19

Dai jep ai Tara hta rawng ai hkang da ai lam shagu gaw jep ai Tara a npu e nga ai ni a matu rai nga ai hpe ya anhte chye saga ai; ndai hku byin wa ai lam gaw masha a tsun jahpai ai ga ni yawng hpe jahkring sha-ip kau shangun na hte mungkan ting gaw Karai Kasang jeyang daw dan ai hpe hkam la shangun na matu rai nga ai.

1 TIMOHTI 4:2

Kahtet ai hpri hte kaba jahkat kau hkrum ai zawn, tinang a mai n mai chye ginhka ai htauli htaula myit ni si mat sai masu hkalem ai ni gaw shing re ai sharin shaga ai lam ni hpe shachyam shabra dat ma ai.

TITU 1:16

Shanhte gaw Karai Kasang hpe chye chyang ga ai nga nna tsun ma ti mung, shanhte a galaw ai lam gaw shanhte hpe n madi shadaw nga ai. Shanhte gaw matsat shabat rai nna yu ra na zawn n re ai ni, mai kaja ai amu lama ma galaw na atsam marai n rawng ai ni rai nga ma ai.

HEBRE 7:26

Dai rai nna Yesu gaw anhte hta byin nga ai ra kadawn ai lam ni hpe karum kapa ya ai, anhte a matu hkrak ai Hkinjawng Agyi Kaba wa rai nga ai. Shi gaw chyoi pra san seng nna shi hta shut ai lam shing n rai yubak mara hpa mung n rawng nga ai; shi gaw yubak lu ai ni hta n lawm ai sha ginhka la nna sumsing lamu du hkra shagrau shatsaw da hkrum ai wa rai nga ai.

1 PETRU 1:19

Ana n kap ra n rawng ai sagu kasha hte bung ai hpu la ai Hkristu a asak hpe nawng ya kau ai hku nna, hkye hkrang la ai lam rai nga ai.

1 YAWHAN 3:12

Anhte gaw Ka-in zawn n mai rai ga ai. Shi gaw Nat a maga na masha tai nna shi a kanau Abela hpe sat kau nu ai. Ka-in gaw Abela hpe hpa majaw sat kau a ta?. Shi nan galaw ai amu bungli ni shut nga ai. Shi a kanau galaw ai lam ni mahtang jaw nga ai majaw rai nga ai.

SHINGRAN 11:10

Ga ntsa e nga ai masha ni gaw, dai myihtoi lahkawng si ai majaw, kabu gara rai nna shada da kumhpaw kumhpa ni galai jaw chyai rai, poi galaw na mara ai; hpa majaw nga yang, dai myihtoi yan gaw ga ntsa e nga ai masha amyu ni hpe nni nkri grai jahkrum yu masai rai nga ai.

1 SAMUELA 15:24

Shawlu gaw, “Rai sa, ngai shut kau ni ai law; ngai gaw dai Madu a hkang da ai ga hte na a matsun maroi ga ni hpe n madat kau se ai. Ngai gaw nye a masha ni hpe hkrit we ai majaw shanhte ra ai hku galaw kau shangun se ai.

1 SAMUELA 15:30

Shawlu gaw, “Ngai shut kau ni ai; rai ti mung, nye a amyu masha ni a ningbaw ni hte Israela yawng a man e, ngai hpe dik dik hkungga lara ai lam naw madun dan mi. Dai Madu na a Karai Kasang hpe ngai nawku lu n-ga, ngai hte rau nhtang wa ga,” ngu nna tsun htang wu ai.

1 SAMUELA 19:5

Shi gaw asak dan nna Goliat hpe sat kau nu ai majaw sha, Israela a matu awng padang kaba dai Madu jaw ya mani ai. Dai lam hpe nang mu nit dai shaloi kabu gara nga ndai. Dai rai yang, ndai hpa mara mung n shut, hpa mara mung n kap re ai Dawi hpe mara kata e hpa majaw shi hpe sat kau mayu nga n ni?,” ngu nna tsun wu ai.