MAHTE 27:31 - Jinghpaw Common Language Bible 2009

³¹ Shanhte shi hpe asawng asang di ngut jang, dai nba hpe shanhte raw kau nna, shi a hpun palawng hpe bai jahpun ya mu ai. Dai hpang wudang hta jen da na shapraw sa wa mu ai.

Jinghpaw Hanson Version Bible

³¹ Shi hpe asawng asang di ngut jang, dai nba hpe shanhte raw kau nna, shi a hpun palawng hpe jahpun nhtawm, wudang hta e jen da na, shapraw sa wa mu ai.

MAHTE 27:31 ပူးပေါင်းရင်းမြစ်များ

1 HKAWHKAM 21:10

Karai Kasang hpe mung, hkawhkam wa hpe mung matsa kau nga ndai ngu, shi a man e mara shagun na masha gumbyak lahkawng hpe tawn da mu. Dai hpang mare shinggan de woi shapraw mat wa nhtawm nlung hte kabai sat kau na rai myit dai.”

1 HKAWHKAM 21:13

Dai hpang masha gumbyak lahkawng yan gaw Karai Kasang hpe mung, hkawhkam wa hpe mung matsa kau ai ngu nna Nabot hpe shawa man e mara shagun da mu ai. Shing rai mare shinggan de shi hpe woi shapraw mat wa nhtawm nlung hte kabai sat kau mu ai.

ESAIA 53:7

“Shi adip arip hkrum nga ai, rai ti mung dai hpe shagrit shanem ai hte hkam sharang nga ai; shi gaw ga hkum mi pyi galoi mung shaga ai n rai. Sat na matu hkyen ai sagu kasha langai zawn, mun rep hkyen nga ai sagu langai zawn, shi gaw ga hkum mi pyi galoi mung shaga ai n rai.

BU HKAWM 15:35

Dai hpang dai Madu gaw Mawshe hpe, “Dai wa hpe sat kau lu na rai myit dai; shawa hpung ting mung shi hpe dap shinggan de woi shapraw la nna nlung hte kabai sat kau na rai myit dai,” ngu nna tsun wu ai.

MAHTE 20:19

maigan masha ni a lata de ap kau na mara ai rai nna, shanhte gaw shi hpe asawng asang di nna anu kayat ai hte wudang hta jen da na mara ai; rai ti mung masum ya nhtoi hta e bai jahkrung sharawt la ai hkrum na ra ai,” ngu nna tsun mu ai.

MAHTE 21:39

Shing rai shanhte shi hpe rim la nna, sun shinggan de shapraw nhtawm, sat kau mu ai.

MAHTE 26:2

“Lahkawng ya lai jang, dai Shalai wa ai Poi du na ra ai, nanhte chye nga myit dai rai nna, Masha Kasha hpe wudang hta e jen da na matu ap kau ai hkrum na ra ai,” ngu mu ai.

MARKU 15:20

Shi hpe asawng asang di ngut jang, dai hkyeng ai hpun nba hpe shanhte raw kau nna, shi a hpun palawng ni hpe bai jahpun ya mu ai. Dai hpang shi hpe wudang hta jen da na matu shapraw sa wa mu ai.

YAWHAN 19:16

Dai re ai majaw, Yesu hpe wudang hta jen sat kau mu ga nga, shanhte a lata de ap ya kau wu ai.

YAWHAN 19:27

Dai hpang sape hpe mung, “Ning nu hpe yu u!,” ngu wu ai. Dai shani kaw nna dai sape gaw, Yesu a kanu hpe shi a nta e woi tawn da wu ai.

KASA 7:58

Mare shinggan de dun shapraw nhtawm, nlung hte jawm kabai mu ai. Sakse ni mung Shawlu mying ai shabrang wa a lagaw nhpang e shanhte a hpun palawng ni hpe yu ya na matu raw tawn ma ai.

HEBRE 13:12

Ndai lam a majaw, Yesu mung shi a asai hte masha ni hpe yubak mara kaw na jasan jaseng la na matu mare shinggan e si hkam nu ai.