MAHTE 27:27 - Jinghpaw Common Language Bible 2009

²⁷ Shaloi Pilat a hpyen ma ni gaw, Yesu hpe munggyi a htingnu nhku de woi wa mu ai rai nna, hpyen la dap ran langai mi ting gaw Yesu a man e grup di nna jahpawng tawn da mu ai.

Jinghpaw Hanson Version Bible

²⁷ Shaloi, dai munggyi a hpyen ma ni gaw, Yesu hpe htingnu nhku de woi wa nna, dai hpyen dap na nlang hte hpe, shi a man e jahpawng tawn mu ai.

MAHTE 27:27 ပူးပေါင်းရင်းမြစ်များ

MAHTE 26:3

Dai shaloi hkinjawng agyi ni hte mung masha ni a salang ni gaw Kayahpa ngu ai hkinjawng agyi kaba wa a htingnu wang kata e zuphpawng hpawng nga ma ai rai nna,

YAWHAN 18:28

Bai shanhte gaw jahpawt jau jau e, Yesu hpe Kayahpa kaw nna Pilat a htingnu na tara jeyang ai pretori ngu ai gawk kaba de woi shang wa mu ai. Yuda masha ni gaw tinang a hkum awu asin n hkrum ai sha dai Shalai wa ai Poi sha lu na matu nawku htung a tara hte maren jasan jaseng mayu ai majaw htingnu wang de n shang ma ai.

YAWHAN 18:3

Dai rai nna Yuda gaw Roma hpyen la palatun langai mi hte hkinjawng agyi ni hte Hparishe ni dat dat ai htingnu sin ai hpyen la ni hpe mung shaga woi sa wa ai. Shanhte gaw pyengdin ni, wan shanan ni, ri nhtu laknak hte rai nna sa wa ma ai.

YAWHAN 18:33

Dai majaw Pilat gaw htingnu kata de bai shang nna Yesu hpe shaga la nhtawm, “Nang Yuda ni a hkawhkam rai nga n ni?,” ngu nna shi hpe san wu ai.

KASA 10:1

Kesare mare e, Korneli ngu ai wa langai mi nga ai. Shi gaw Itali dap ngu ai Roma lagaw dap hta hpyen latsa rawng ai dap kung langai mi a du wa rai nga ai.

KASA 23:35

munggyi wa gaw, “Nang hpe mara shagun ai ni du jang she, na a amu ngai sagawn yu na nngai,” nga nna tsun nhtawm Pawlu hpe Herod galaw da ai htingnu hta rawng shangun nna zawng da na hkang dat wu ai.

KASA 27:1

Hpestu gaw anhte hpe Itali mung de sa dat na myit daw dan ngut jang, Pawlu hte kaga bawng nkau mi hpe Hkawseng wa a hpyen ma latsa rawng ai dap up ai Yuli ngu ai du wa a lata hta ap dat mi ai.