MAHTE 27:25 - Jinghpaw Common Language Bible 2009

²⁵ Dai rai nna dai shawa masha yawng gaw, “Dai wa si ai majaw, anhte hte anhte a kashu kasha ni a ntsa e lit mara nga mali ga law!,” nga nna htan ma ai.

Jinghpaw Hanson Version Bible

²⁵ Dai rai nna dai masha nlang hte gaw, Shi a asai anhte a ntsa e mung, anhte a shu sha ni a ntsa e mung mara nga mali ga, nga nna htan ma ai.

MAHTE 27:25 ပူးပေါင်းရင်းမြစ်များ

2 SAMUELA 1:16

Dawi gaw dai Amalek masha wa hpe, “Ndai amu nang nan galaw shapraw dat nga ndai. Dai Madu gaw hkawhkam galaw na matu lata san da sai wa hpe nang sat kau sai lam yin la nit dai majaw nang hkum nan daw dan ai hkrum nga nit dai,” ngu nna tsun wu ai.

1 HKAWHKAM 2:32

Yoab gaw shi hta grau kaja nna mara n kap ai masha lahkawng rai nga ai Israela hpyen luksuk hpe up hkang ai Abna hte Yuda hpyen luksuk hpe up hkang ai Amasa yan hpe, nye wa Dawi n chye ai sha sat kau nna shut kau ai ru hka amu a majaw dai Madu gaw shi hpe ari jaw na rai wu ai.

PRU MAT 20:5

Kaning re ai hpara sumla hpe mung hkum kadawng, hkum nawku et. Ngai gaw dai Madu na a Karai Kasang rai nga nngai majaw shingjawng kashun ai hpe ngai hkam sharang nngai n rai; ngai hpe n dawng n yawt ai amyu matu ni hpe ban masum mali du hkra ngai ari jaw nngai.

BU HKAWM 35:33

Dai zawn re ai hpe nanhte galaw hkrup myit dai rai yang, nanhte shanu nga ai mung hpe awu asin di kau ai rai myit dai. Masha sat ai amu gaw mungdan hpe wu sin kau nga ai rai nna masha sat ai wa si hkrum ai hta kaga, sat kau hkrum sai wa nga ai mungdan a matu jasan jaseng ai amu galaw na lam kaga n nga nga sai.

MAHTE 21:44

(Dai nlung hta hkrat ai wa gaw achyen achya rai mat hkra daw hten na ra ai; gade a ntsa e mung dai nlung hkrat bun yang gaw dai wa gaw ayun ayaw mani mat na ra ai, ngu wu ai.)

KASA 18:6

Yuda masha ni Pawlu hpe ninghkap nna shi a lam n kaja ai hku amyu myu roi n ra nga tsun jahpoi asawng ma yang, Pawlu gaw shi a hpun palawng kaw na nhpu ni hpe ahpu jahkrat dan let, “Nanhte hten byak mat ai rai yang nanhte a mara nanhte a ntsa she rai nu ga, ngai hta lit n nga sai. Ya kaw nna gaw, maigan amyu ni hpang de ngai kayin mat wa na ni ai,” ngu nna shanhte hpe tsun mu ai.

KASA 5:28

“Nanhte hpe dai amying hte n sharin shaga na matu anhte aja awa hkang da saga ai. Rai ti mung nanhte hpa galaw manit dai lam yu yu mu! Nanhte gaw nanhte a sharin shaga ai lam hpe Yerusalem mare ting shachyam shabra dat manit dai rai nna, dai wa si ai gaw anhte a majaw re ngu nna nanhte shadu mayu nga myit dai,” ngu nna tsun mu ai.

KASA 7:52

Nanhte a nji nwa ni n zingri yu ai myihtoi kadai wa nga a ta? Shanhte gaw Karai Kasang a ding hpring nga ai shangun ma du sa na ra ai lam tau hkrau nna htawn tsun ai myihtoi ni hpe sat kau ma ai; ya nanhte mung dai wa hpe ap kau sat kau ai ni rai nga myit dai.

TARA JAHPRANG 19:10

Dai Madu nanhte hpe jaw ai mungdan hta mara n kap ai wa si ai n hkrum ai sha, masha sat ai mara nanhte hta n du malit ga, dai hku galaw nga mu.

TARA JAHPRANG 19:13

Shi hpe matsan yu dum ai myit madun lu na n rai; nanhte ngamu ngamai wa malit ga, dai zawn masha sat ai amu Israela kaw na yeng seng kau lu na rai myit dai.

YAWSHU 2:19

Kadai mung nta nhku na shinggan de pru ai wa gaw shi a si hkrung si htan lam gaw shi galaw shut ai mara a majaw rai na ra ai; de a majaw anhte hta lit lu na ga ai n rai; rai ti mung nang hte rau nta nhku e nga ai wa hpe machyi jahkrum ai rai yang chyawm gaw an a lit rai na rai nga ai.