MAHTE 27:21 - Jinghpaw Common Language Bible 2009

²¹ Rai ti mung Pilat gaw, “Ndai yan hta na kadai mahtang hpe ngai nanhte a matu dat ya na ra nga myit ta?,” ngu nna shawa masha ni hpe san mu ai. Shanhte gaw, “Baraba hpe ra ga ai!,” ngu nna htan mu ai.

Jinghpaw Hanson Version Bible

²¹ Shaloi munggyi gaw shanhte hpe htan nna, Ndai yan hta na, nanhte a matu dat ya na, gara mahtang hpe nanhte tsaw myit ta? ngu mu ai. Shanhte gaw, Baraba hpe tsaw ga ai, ngu nna htan mu ai.

MAHTE 27:21 ပူးပေါင်းရင်းမြစ်များ

SHAKAWN KUNGDAWN 88:8

Nang gaw nye a manang ni hpe ngai hpe kau da shangun nit dai; nang ngai hpe shanhte a man e, matsat shabat shatai kau nit dai. Ngai gaw la sharawng da ai hkrum nga nngai hte lawt lam hpe n mu lu ni ai;

MAHTE 27:17

Dai rai nna shawa masha ni zuphpawng nga ma yang, Pilat gaw, “Nanhte a matu ngai kadai wa hpe mahtang dat ya na nanhte ra nga myit ta? Baraba hpe rai kun? Shing n rai Meshia ngu ai Yesu hpe rai kun?,” ngu nna shanhte hpe san mu ai.

MAHTE 27:20

Hkinjawng agyi ni hte salang ni chyawm gaw, shawa masha ni hpe alau nna, Baraba hpe dat nhtawm Yesu hpe sat kau na hpyi na matu shawa masha ni hpe shadut mu ai.

MAHTE 27:22

Pilat gaw, “Dai rai yang gaw, Meshia ngu ai Yesu hpe ngai kaning di na we ta?,” ngu nna shanhte hpe san mu ai. Shanhte yawng, “Wudang hta jen sat kau u!,” ngu ma ai.

LUKA 20:14

Rai ti mung, sun galaw ai ni dai kasha wa hpe mu jang, ‘Ndai wa gaw sun madu a kasha rai nna, sali wunli dagraw na wa rai nga ai. Dai sali wunli anhte lu la ya hkra, shi hpe sat kau ga,’ nga nna shada da bawng la nhtawm,

LUKA 23:13

Pilat gaw hkinjawng agyi ni, Yuda du agyi salang ni hte mung masha ni hpe shaga jahpawng shangun wu ai.