MAHTE 27:2 - Jinghpaw Common Language Bible 2009

² Dai hpang shi hpe gyit nhtawm Roma mung gyi Pilat hpang de sa ap kau mu ai.

Jinghpaw Hanson Version Bible

² dai rai nna, shanhte shi hpe gyit nhtawm, Pilat munggyi hpang de sa ap kau mu ai.

MAHTE 27:2 ပူးပေါင်းရင်းမြစ်များ

NINGPAWT NINGHPANG 22:9

Karai Kasang shi hpe tsun ai shara de shan du lung wa ai shaloi Abraham gaw tawn hkungri galaw nhtawm, de a ntsa e hpun mara garai da wu ai. Dai hpang shi a kasha hpe gyit nna tawn hkungri na hpun ntsa e shi hpe mara tawn wu ai.

MAHTE 20:19

maigan masha ni a lata de ap kau na mara ai rai nna, shanhte gaw shi hpe asawng asang di nna anu kayat ai hte wudang hta jen da na mara ai; rai ti mung masum ya nhtoi hta e bai jahkrung sharawt la ai hkrum na ra ai,” ngu nna tsun mu ai.

MAHTE 28:14

Lama rai nna munggyi gaw dai lam na la dam yang, nanhte hpa myit ru shara n nga u ga, nanhte mara n lu ai lam anhte shi hpe tsun shalen na gaw ai, ngu dat mu ai.

LUKA 13:1

Dai aten hta, dai yang e du nga ai masha nkau mi Yesu kaw sa nna, Pilat hkawhkam gaw, Galile masha nkau mi hpe, shanhte Karai Kasang kaw nawng jau na matu, hkungga dusat hpe sat nga yang, dai hkungga hte rau sat kayau kau sai lam, shi hpe tsun dan mu ai.

LUKA 20:20

Dai majaw shanhte gaw ahkaw ahkang ginjang langai mi tam ma ai. Shanhte gaw madu a ga hta mara tam nhtawm, Madu hpe ahkang aya atsam lu ai Roma munggyi a lata de ap kau lu na matu ding man hpyi hpun masu ai kin-yu masha ni hpe mayun kumhpa jaw nna Madu hpang de shangun dat ma ai.

LUKA 23:1

Dai shaloi hpawng nga ai hte yawng rawt nna Yesu hpe Pilat hpang de woi bang mu ai.

LUKA 23:12

Dai shani Herod yan Pilat gaw shada da bai hkau hkat mat ma ai. Shawng de gaw shada da myit kraw n ngawn hkat ma ai.

LUKA 3:1

Kehta Tiberi hkaw dung ai shi manga ning hta, Yuda mung e Pontu Pilat gaw munggyi aya hta, Galile mung e Herod gaw du aya hta, Ituri hte Trakuni ginwang hta e Herod a kanau Hpilip gaw du aya hta, Abili mung e Lusanu gaw du aya hta, rai shajang nga ma ai.

YAWHAN 18:12

Shaloi Roma hpyen du wa hte shi a hpyen ma ni, Yuda amyu masha sin langa ni gaw Yesu hpe rim la nna gyit mu ai.

YAWHAN 18:24

Dai hpang Anna gaw Yesu hpe naw gyit da nga chyalu Kayahpa hpang de sa dat wu ai.

YAWHAN 18:28

Bai shanhte gaw jahpawt jau jau e, Yesu hpe Kayahpa kaw nna Pilat a htingnu na tara jeyang ai pretori ngu ai gawk kaba de woi shang wa mu ai. Yuda masha ni gaw tinang a hkum awu asin n hkrum ai sha dai Shalai wa ai Poi sha lu na matu nawku htung a tara hte maren jasan jaseng mayu ai majaw htingnu wang de n shang ma ai.

KASA 12:6

Ya Herod Petru hpe shapraw la na ngu ai shana a shawng shana e Petru gaw hpyen la lahkawng a lapran e yup pyaw nga ai. Petru gaw hpri sumri lahkawng hte gyit da hkrum nna, sin langa ni mung, htawng chyinghka e sin nga ma ai.

KASA 21:33

Dai shaloi dap up du kaba wa sit sa nna Pawlu hpe rim la nhtawm Hpri sumri lahkawng hte gyit na hkang da mu ai. Dai hpang shi gaw, “Ndai masha kadai rai ta? Shi hpa galaw shut sata?,” nga nna san jep wu ai.

KASA 22:25

Rai ti mung kayat sharim na matu shanhte shi hpe gyit hkang mu yang, Pawlu gaw dai makau e tsap nga ai hpyen du wa hpe, “Taw, Roma mungchying sha langai mi hpe, mara lama ma a majaw garai n jep san, n jeyang ngut, kayat sharim ai gaw tara upadi hte bung pre nga a ni?,” ngu nna tsun wu ai.

KASA 22:29

Shaloi jang, Pawlu hpe san akrawk yu na nga ai ni, shi kaw na htingnut pru mat wa ma ai; Hpyen du kaba wa mung, Pawlu Roma masha re ai hpe chye jang, shi hpe gyit shut wu ai majaw hkrit kau wu ai.

KASA 24:27

Shing rai ni ning lai ai hpang, Porku Hpestu gaw Hpilik a aya hte munggyi tai wa nna Hpilik gaw Yuda masha ni kaw na myi man ra ai majaw Pawlu hpe naw sharen tawn da wu ai.

KASA 28:20

Dai re ai majaw nanhte hte hkrum lu na hte tsun shaga lu na ahkang ngai hpyi la ai rai nga ai. Kaja wa tsun ga nga yang ngai dai zawn hpri sumri ni hte gyit hkang sharen da hkrum ai lam gaw Israela amyu masha ni myit mada ala nga ai wa a majaw nan rai nga ai,” ngu nna tsun mu ai.

KASA 3:13

Abraham, Isak hte Yaku a Karai Kasang ngu ai anhte ji wa ni a Karai Kasang gaw, shi a shangun ma Yesu hpe hpung shingkang shadan shapraw ya nu ai. Rai ti mung, nanhte chyawm gaw ahkang aya lu ai ni a lata de shi hpe ap kau myit dai rai nna, Pilat du wa pyi shi hpe dat kau na myit daw dan da sayang nanhte mahtang Pilat a man e shi hpe ndang kau myit dai.

KASA 4:27

Dai hte maren kaja wa teng teng Herod yan Pontu Pilat gaw maigan masha ni, Israela amyu masha ni hte rau Madu a Chyoi pra ai shangun ma rai nga ai, nang Meshia shatai sai Yesu hpe tai ninghkap na matu ndai mare e jawm hpawng nga ma ai.

KASA 9:2

Yesu a lam hkan ai numsha lasha ni hpe rim la nna Yerusalem de dun wa lu hkra shi hpe ahkaw ahkang jaw sai lam Damasku mare na tara jawng ni hpe htet dat ai laika hpyi gun wu ai.

1 TIMOHTI 6:13

Nga yawng nga pra hpe asak jaw ya ai wa Karai Kasang a man e mung, Pilat a man e shi kam sham ai lam hpe ngang ngang kang kang yin la ai Hkristu a man e mung, ndai magam lit gun hpai na matu ngai hkang da de ai.

2 TIMOHTI 2:9

Hpa majaw nga yang ngai gaw Kabu Gara Shiga hkaw tsun ai majaw ru tsang hkrum nngai; ru hka hkrum ai bawng langai mi zawn gyit hkang sharen da ai pyi gaw hkrum ni ai. Rai ti mung dai Karai Kasang a mungga chyawm gaw sharen da hkrum ai n rai.

HEBRE 13:3

Nanhte gaw htawng rawng hkrum nga ai ni hte rau htawng rawng nga ai ni zawn shanhte hpe adum nga mu. Tinang ni nan nni nkri hkrum sha nga ai ni zawn, nni nkri hkrum sha nga ai ni hpe adum nga mu.

TARA AGYI 15:12

Shanhte gaw, “Shanhte a lata de nanhte hpe ap ya lu hkra ngu, nang hpe gyit la na matu, ndai yang e anhte du sa raga ai,” ngu nna tsun ma ai. Samson mahtang, “Nanhte nan ngai hpe n sat kau na ga ai, ngu ai ga ngai hpe jaw mi,” ngu nna tsun wu ai.