MAHTE 27:19 - Jinghpaw Common Language Bible 2009

¹⁹ Ya Pilat gaw tara jeyang ai gawk e naw dung nga yang, shi a madu jan gaw masha langai mi hpe shi kaw shangun dat nna, “Dai ding hpring ai wa hpe hpa mung hkum di u, hpa majaw nga yang, mana na nye a yupmang hta e shi a majaw, ngai nni nkri law law wa hkrum sha ni ai,” ngu nna shiga langai mi htet dat wu ai.

Jinghpaw Hanson Version Bible

¹⁹ Ya, dai tara tingnyang hta e shi naw dung nga yang, shi a madu jan shi kaw shangun nna, Dai dinghpring ai wa hpe hpa mung hkum di u; dai ni pyi, yup mang hta e shi a majaw, ngai nni nkri law law wa hkrum nngai, ngu nna htet dat wu ai.

MAHTE 27:19 ပူးပေါင်းရင်းမြစ်များ

NINGPAWT NINGHPANG 31:11

Karai Kasang a lamu kasa gaw ngai hpe yup mang hta, “Yaku e! ngu nngai; ngai mung, ‘Rai sa, nang nga nga nngai,’” ngu nna htan we ai.

NINGPAWT NINGHPANG 31:24

Karai Kasang mung dai shana e yup mang hta Laban kaw dan pru nhtawm, “Yaku hpe hpa lam hku mung n jahkrit shama ai sha, sadi nga u,” ngu nna tsun wu ai.

NINGPAWT NINGHPANG 31:29

Nang hta machyi hkrum mat hkra galaw lu na n-gun atsam ngai lu nngai, rai ti mung, mana e, na nwa a Karai Kasang gaw hpa lam hku nna mung nang hpe n jahkrit shama na lam ngai hpe sadi jaw da ni ai.

GA SHAGAWP 29:1

Shadum jahprang hkrum shagu du grau shaja n-yang gaw, lani mi na nhtoi hta nang galoi n lu rawt hkra agrawp kau ai hkrum na rin dai.

ESAIA 53:11

Nni nkri hkrum sha ai asak a hpang, shi gaw kabu gara ai lam bai lu la na ra ai; shi gaw kaman lila nni nkri n hkam kau ai lam hpe chye wa na ra ai. Ngai sharawng awng ai hte ding man ai nye a shangun ma gaw, law law a ari hpe gun kau ya na ra ai, shi a jaw e, ngai shanhte hpe mara dat ya na nngai.

ZEHKARIA 9:9

Ziun amyu masha ni e, kabu gara nga mu, kabu gara nga mu! Yerusalem amyu masha ni e, kabu gara jahtau garu nga mu! Yu mu, nanhte a hkawhkam wa gaw nanhte hpang de sa wa nga ai! Shi gaw padang ninglaw hte awng dang ai lam lu la nga ai, rai ti mung shagrit shanem ai myit hte lawze ntsa e jawn nga ai- lawze kasha langai a ntsa e, lawze kanu a kasha a ntsa e jawn nga ai.

BU HKAWM 12:6

dai Madu gaw, “Ya chyawm gaw ngai tsun na ga na la mu! Nanhte hta myihtoi nga ai rai yang ngai hkum nan shanhte hpe shingran hta shadan dan nna yup mang ni hta tsun dan na nngai.

MAHTE 1:20

Ya, shi ndai lam hpe naw myit aru yu nga yang, Madu a lamu kasa langai mi yupmang hta shi hpe hkum shadan dan nna, “Dawi a kasha Yosep e, Mari hpe na a madu jan hku hkap la na hkum hkrit et, hpa majaw nga yang, shi a na-um nasin gaw, dai Chyoi Pra Ai Wenyi a majaw byin wa ai rai nga ai.

MAHTE 2:19

Ya Herod si mat ai hpang, dai Madu a Lamu kasa langai mi Egutu mung e, yup mang hta Yosep kaw dan pru nna,

MAHTE 2:22

Rai ti mung, Arkela-u gaw shi a kawa Herod a malai, Yuda mung hta e hkawhkam tai nga ai shi na wu ai shaloi, dai de wa na shi hkrit nga ai; dai hta kaga yup mang hta shi hpe bai matsun ai lam ni lu la wu ai majaw, Galile mung de shi bai htawt nna,

MAHTE 27:18

Yuda agyi salang ni manawn masham n ju n dawng ai majaw, shanhte Yesu hpe ap kau mu ai hpe Pilat atsawm sha chye ya mu ai.

MAHTE 27:24

Pilat mahtang gaw, hpa hku mung n dang lu ai hte kabring kabrawng byin wa na masa hpe mu ai majaw, ntsin la nna shawa ni a man e lata hpe kashin let, “Ndai wa si ai gaw ngai hta lit n nga ai, ndai gaw nanhte galaw ai she rai malit dai,” ngu mu ai.

MAHTE 27:4

“Ngai gaw mara n lu ai masha langai mi hpe si na matu ap kau we ai majaw, yubak kap ni ai,” ngu mu ai. Shanhte gaw, “Dai anhte hte hpa seng nga a ta? Dai na a amu she rai lit dai!,” ngu mu ai.

LUKA 23:41

An gaw tinang a mara majaw hkrum ging ai hte maren, daw dan ai hkrum ga ai: ndai wa chyawm gaw, n sun n ang shut ai amu hpe mung n galaw ai wa rai nga ai,” nga nna dai wa hpe daru let htan wu ai.

LUKA 23:47

Shing rai byin ai lam hpe hpyen latsa up ai du wa mu wu yang, “Kaja wa ndai wa gaw masha kaja langai mi she rai nga ai!,” nga nna Karai Kasang hpe shagrau sha-a wu ai.

YAWHAN 19:13

Pilat gaw dai ga ni hpe na jang, Yesu hpe woi shapraw nhtawm, Hebre ga hku Gabahta ngu ai nlung nep tawn ai shara na tara tingnyang hta dung nga ai.

KASA 12:21

Madat da ai nhtoi hta e Herod gaw Hkawhkam hpun palawng sumli nna tingnyang hta dung let shanhte hpe ga shaga mu ai.

KASA 18:12

Galio gaw Ahkaia mung e munggyi rai nga yang Yuda masha ni masha jahpawng la nhtawm Pawlu hpe rim la nna tara tingnyang a man de woi wa mu ai.

KASA 18:16

Shing nga nna tara tingnyang a man na shi shanhte hpe gawt shale shaden kau mu ai.

KASA 18:17

Shaloi shanhte nlang tara jawng agyi wa Sosteni hpe rim la nna tara tingnyang a man e anu kayat kau mu ai. Galio chyawm gaw, dai lam hpe hpa mung n nawn ya mu ai.

KASA 25:10

Pawlu gaw, “Ya ngai hkawseng Kehta a tara tingnyang man e nan tsap nga nngai rai nna, ndai kaw e daw dan hkam na hpyi nngai, nang nan atsawm sha chye nga ai hte maren Yuda masha ni hpe ngai hpa mung n shut nngai.

KASA 25:17

Dai rai nna shanhte ndai mare de sa du ma yang ngai mung n hkring ai sha hpang shani tara tingnyang e dung nna dai wa hpe woi wa ya na hkang dat we ai.

KASA 25:6

Shing rai munggyi Hpestu gaw, Yerusalem mare e nhtoi matsat ya, shing n rai shi ya daram shanhte hte rau hkring nga nhtawm Kesare mare de bai yu wa ai. Hpang shani e tara tingnyang hta dung let, Pawlu hpe shaga shashawn na hkang dat wu ai.

1 PETRU 2:22

Shi gaw yubak mara galaw yu ai n rai, shi a nten kaw na hkalem ai ga hkaw mi kadai na yu ai n rai.

1 YAWHAN 2:1

Ngai shu ngai sha ni e, nanhte yubak n galaw myit ga, ndai laika hpe nanhte hpang de ngai ka dat nngai, rai ti mung masha langai ngai yubak galaw hkrup a yang gaw, dai Kawa a man e anhte a matu hpyi nem tawngban ya ai wa, Yesu Hkristu ngu ai ding hpring ai Madu anhte lu ga ai.