MAHTE 27:17 - Jinghpaw Common Language Bible 2009

¹⁷ Dai rai nna shawa masha ni zuphpawng nga ma yang, Pilat gaw, “Nanhte a matu ngai kadai wa hpe mahtang dat ya na nanhte ra nga myit ta? Baraba hpe rai kun? Shing n rai Meshia ngu ai Yesu hpe rai kun?,” ngu nna shanhte hpe san mu ai.

Jinghpaw Hanson Version Bible

¹⁷ Dai rai nna shanhte zuphpawng nga ma yang, Pilat gaw, Nanhte a matu dat ya na, kadai mahtang hpe tsaw myit ta? Baraba hpe rai myit ni? shing n rai, Hkristu ngu ai Yesu hpe rai myit ni? ngu nna shanhte hpe san mu ai:

MAHTE 27:17 ပူးပေါင်းရင်းမြစ်များ

1 HKAWHKAM 18:21

Elia mung amyu masha ni nga ai de lung wa nhtawm, “Nanhte gaw gade na hkra hpa mung n daw dan ai nga nga na ngu nga myit ni? Dai Madu gaw Karai Kasang rai nga ai rai yang, shi hpe nawku mu; rai ti mung Bala mahtang karai kasang rai yang gaw shi hpe nawku mu!,” ngu nna tsun wu ai. Rai ti mung amyu masha ni chyawm gaw ga hkaw mi pyi n htan ai sha nga nga ma ai.

MAHTE 1:16

Yaku gaw Meshia ngu ai Yesu a kanu hpe hkungran la ai Yosep hpe shaprat wu ai.

MAHTE 27:16

Dai aten hta e Baraba ngu ai, kajai gumhkawng ai bawng dung ai wa langai mi nga ai.

MAHTE 27:18

Yuda agyi salang ni manawn masham n ju n dawng ai majaw, shanhte Yesu hpe ap kau mu ai hpe Pilat atsawm sha chye ya mu ai.

YAWHAN 19:15

Dai masha ni gaw, “Shi hpe sat kau mu! Sat kau mu! Wudang hta jen sat kau u!,” nga nna jahtau ma ai. Bai Pilat gaw, “Nanhte a hkawhkam wa hpe ngai wudang hta jen nna sat kau shangun mayu myit ni?,” ngu nna shanhte hpe san mu ai. Shaloi Hkinjawng agyi ni gaw, “Kehta Hkawhkam hta kaga anhte Hkawhkam n lu ga ai,” ngu nna htan mu ai.

YAWHAN 4:25

Dai numsha mung, “Hkristu ngu ai Meshia du na ra ai hpe ngai chye nngai, shi du jang gaw, shi anhte hpe lam magup tsun madun na ra ai,” ngu wu ai.

YAWSHU 24:15

Nanhte shi hpe daw jau na n ra sharawng myit yang chyawm gaw Mesopotamia mung e nanhte a nji nwa ni nawku ai hpara ni, shing n rai ya nanhte nga nga ai mung na Amori hpara ni hta gara hpe mahtang jaw jau na gaw, dai ni jang daw dan la mu. Ngai hte nye a nta masha ni chyawm gaw dai Madu hpe nawku daw jau na ga ai law,” ngu nna tsun wu ai.