MAHTE 27:12 - Jinghpaw Common Language Bible 2009

¹² Rai ti mung Hkinjawng agyi ni hte salang ni shi hpe mara shagun ai lam ni hpe shi hpa mung n htan ya mu ai.

Jinghpaw Hanson Version Bible

¹² Rai timung, hkinjawng agyi ni hte salang ni shi hpe mara shagun yang, shi hpa mung n htan wu ai.

MAHTE 27:12 ပူးပေါင်းရင်းမြစ်များ

ESAIA 53:7

“Shi adip arip hkrum nga ai, rai ti mung dai hpe shagrit shanem ai hte hkam sharang nga ai; shi gaw ga hkum mi pyi galoi mung shaga ai n rai. Sat na matu hkyen ai sagu kasha langai zawn, mun rep hkyen nga ai sagu langai zawn, shi gaw ga hkum mi pyi galoi mung shaga ai n rai.

MAHTE 26:63

Yesu mahtang atsin sha nga nga ai. Bai Hkinjawng Agyi Kaba wa gaw, “Nang gaw Karai Kasang a Kasha ngu ai Meshia rai nga ndai kun? Anhte hpe tsun dan mi ga, ngu nna ahkrung nga ai Karai Kasang a mying nsang hta ya ngai nang hpe dagam da de ai,” ngu nna shi hpe tsun wu ai.

MAHTE 27:13

Dai rai nna Pilat gaw, “Nang hpe shanhte gade daram mara shagun nga ma ai lam hpe nang n na n ni?,” ngu nna shi hpe tsun mu ai.

MAHTE 27:14

Rai ti mung Yesu gaw ga hkaw mi mung n htan wu ai. Shing re ai a majaw munggyi gaw ja ja wa mau mat nga ai.

LUKA 23:9

Dai rai nna Herod gaw, Yesu hpe ga san ni law law san wu ai. Rai ti mung Yesu ga hkaw mi pyi n htan ya wu ai.

KASA 8:32

Shi hti ai laika a ga gaw ndai rai nga ai: “Sat na sagu hpe zawn shi hpe dun sa wa nu ai, Sagu kasha gaw shi a mun rep ai shaloi atsin sha nga ai zawn, shi mung n shaga ai sha nga nga ai.

1 PETRU 2:23

Shi roi asawng hkrum ai shaloi, shi bai roi asawng htang ai n rai; shi nni nkri hkam ai shaloi shi jahkrit sharim ai lam n galaw ai sha teng man ai tara agyi Karai Kasang a lata hta shi a myit mada ai lam ni ap da nu ai.