MAHTE 26:75 - Jinghpaw Common Language Bible 2009

⁷⁵ Dai rai nna Petru gaw, “U garai n goi yang, nang ngai hpe n chye nngai nga nna masum lang nyet kau na rin dai,” nga nna Yesu tsun ai ga hpe bai myit dum dat wu ai. Shaloi shi gaw shinggan de pru nna ja ja hkrap nga ai.

Jinghpaw Hanson Version Bible

⁷⁵ Dai rai nna, Petru gaw, ‘U garai n goi yang, nang ngai hpe masum lang nyet kau na rin dai,’ nga nna Yesu tsun ai ga hpe dum dat wu ai: shaloi shi gaw shinggan de pru nna ja ja hkrap nga ai.

MAHTE 26:75 ပူးပေါင်းရင်းမြစ်များ

MAHTE 10:33

Masha ni a man e ngai hpe nyet kau ai wa hpe chyawm gaw, sumsing lamu e nga ai, nye Wa a man e ngai nyet kau na we ai.

MAHTE 26:34

Yesu gaw, “Ngai nang hpe kaja wa teng teng tsun de ga, dai na u garai n goi yang, nang ngai hpe masum lang nyet kau na rin dai,” ngu nna shi hpe tsun wu ai.

MAHTE 26:74

Shaloi Petru gaw, “Ngai teng man ai lam tsun nga nngai, ngu nna ngai dagam nngai! Dai n rai yang, Karai Kasang ngai hpe ari jaw u ga! Dai masha hpe ngai n chye nngai!,” ngu mu ai. Shaloi jang u goi sai.

YAWHAN 13:38

Yesu gaw, “Nang kaja wa nye a matu si hkam na jin chyalu rai nit ni? Kaja wa teng teng ngai nang hpe tsun de ga, U garai n goi yang, nang ngai hpe masum lang nyet kau na rin dai,” ngu nna shi hpe htan wu ai.

1 KORINHTU 4:7

Kadai wa mi nang hpe masha kaga hta grau shangun nga a ta? Nanhte lu ai yawng mayawng hte gaw Karai Kasang jaw ai n rai ni? Dai re ai mi nanhte hkam la lu ai arai ni gaw Karai Kasang kaw na hkam la lu ai chyeju kumhpa n re ai zawn nanhte gumrawng ai gaw, kaning re ai rai ta?

GALATI 6:1

Hpu nau ni e, masha langai ngai n dum shami e yubak galaw hkrup a yang gaw Wenyi e lam madun ai hku asak hkrung nga ai ni nanhte gaw, shing re ai wa hpe sumnung shingdi ai myit hte shading sharai ya na rai myit dai. Nanhte nan mung agung alau n hkrum u ga, tinang dai sadi nga mu.

1 PETRU 1:5

Dai gaw kam sham ai marang e hpang jahtum ai aten hta dan pru u ga nga nna lajang shajin da sai hkye hkrang la ai chyeju hpe hkam la lu mu ga; Karai Kasang a n-gun atsam hte makawp maga da hkrum nga ai nanhte a matu rai nga ai.