MAHTE 26:73 - Jinghpaw Common Language Bible 2009

⁷³ Dai hpang gade n na yang, dai yang e tsap nga ai masha ni Petru kaw sit sa wa nna, “Kaja wa nang mung shanhte hta na langai mi rai nga ndai; nang tsun shaga ai mahku hte chye lu nga ai,” ngu nna tsun mu ai.

Jinghpaw Hanson Version Bible

⁷³ Dai hpang gade n na yang, dai yang e tsap nga ai ni gaw sit sa wa nna, “Gaja wa nang mung, shanhte hta lawm nga ndai: na a ga mung nang hpe shadan da ndai,” ngu nna Petru hpe tsun mu ai.

MAHTE 26:73 ပူးပေါင်းရင်းမြစ်များ

NEHEMIA 13:24

Shanhte a kashu kasha ka-ang hkup daram gaw Ashdod ga shaga ma ai, nkau mi kaga ga shaga ma ai majaw anhte a ga kaning ngu shaga na n chye ma ai.

MAHTE 26:72

Bai Petru gaw, “Dai masha wa hpe ngai n chye nngai,” ngu nna dagam wu ai.

MAHTE 26:74

Shaloi Petru gaw, “Ngai teng man ai lam tsun nga nngai, ngu nna ngai dagam nngai! Dai n rai yang, Karai Kasang ngai hpe ari jaw u ga! Dai masha hpe ngai n chye nngai!,” ngu mu ai. Shaloi jang u goi sai.

MARKU 14:70

Rai ti mung Petru bai nyet kau wu ai. Dai hpang gade nna yang, grup yin e tsap nga ai ni gaw, Petru hpe, “Shanhte hta lawm ai wa langai mi nang rai nga ndai hpe nang n ningdang lu ndai,” ngu nna shadu tsun wu ai.

KASA 2:7

Mau mahka let shanhte gaw, “Ndai zawn nga nna shaga nga ai masha ni gaw Galile masha ni n rai nga ma ni?

TARA AGYI 12:6

shanhte gaw shi hpe, “Shibolet” ngu yu u, ngu na rai ma ai; rai ti mung dai wa mahtang ga dai hpe jaw hkra nsen n lu shapraw wu ai majaw, “Sibolet” ngu nna tsun na rai wu ai. Shaloi shanhte gaw shing nga ai wa hpe rim la nhtawm Yawdan hka rap ai shara langai ngai hta hkap sat kau kau di na rai ma ai. Dai aten hta sat kau hkrum ai Ehprim masha ni gaw mun mali e hkying lahkawng rai nga ai.